‘ప‌లాస’ సినిమాతో ఆక‌ట్టుకున్నాడు క‌రుణ కుమార్‌. ఆ సినిమానే త‌న‌కు గంపెడు అవ‌కాశాల్ని తీసుకొచ్చింది. `శ్రీ‌దేవి సోడా సెంట‌ర్‌` నిరాశ ప‌రిచినా అవ‌కాశాలు వ‌స్తూనే ఉన్నాయి. గీతా ఆర్ట్స్‌లో ఓ సినిమా చేస్తున్నాడు క‌రుణ. మ‌ల‌యాళంలో ఘ‌న విజ‌యం సాధించిన `నాయ‌ట్టు`కి ఇది రీమేక్‌. రావు ర‌మేష్‌, అంజ‌లి కీల‌క పాత్ర‌లు పోషి్తున్నారు. ఇప్పుడు మరో క‌థ కూడా రెడీ చేసేసుకున్నాడ‌ట. ఈ క‌థ‌కి `బ్రాకెట్` అనే పేరు పెట్టుకున్నాడు. చాలా కాలం క్రితం బ్రాకెట్ అనే ఓ ఆట ఉండేది. లాట‌రీ టైపు. ఈ జూదంలో ల‌క్ష‌లు ల‌క్ష‌లు పోగొట్టుకున్న‌వాళ్లెంతోమంది. దాన్ని ప్ర‌భుత్వం బ్యాన్ చేసింది. ఈ ఆట నేప‌థ్యంలో సాగే సినిమా ఇది. ఈ సినిమాని పూర్తిగా కొత్త‌వాళ్ల‌తో తెర‌కెక్కించాల‌న్న‌ది క‌రుణ‌కుమార్ ప్ర‌య‌త్నం. గీతా ఆర్ట్స్ లో చేస్తున్న సినిమా అయిపోగానే `బ్రాకెట్`ని సెట్స్‌పై తీసుకెళ్తాడ‌ట. ఈ సినిమాకి సంబంధించిన పూర్తి వివ‌రాలు త్వ‌ర‌లో తెలుస్తాయి.
ప‌లాస ద‌ర్శ‌కుడి ‘బ్రాకెట్’
