కేరళ సీఎంపై గోల్డ్ ట్రాప్..! వర్కవుట్ అవుతుందా..!?

కేరళలో సంచలనం సృష్టించిన గోల్డ్ స్మగ్లింగ్ కేసులో సీఎం పినరయి విజయన్ ఉన్నారంటూ.. ఆ కేసులో నిందితురాలిగా ఉన్న స్వప్నా సురేష్ చెప్పారంటూ.. కస్టమ్స్ అధికారులు ఓ సంచలన ప్రకటన చేశారు. మరో ముగ్గురు మంత్రులు.. ఎలా స్మగ్లింగ్ చేసేవారు.. సీఎంకు ఎలా సంబంధం ఉందో.. స్వప్నా సురేష్ చెప్పారంటూ.. ఓ క్రైం సీరిస్‌లా మీడియాకు లీకులు ఇచ్చారు. కేరళలో ఇది ఇప్పుడు సంచలనంగా మారింది. ఎందుకంటే.. ఈ గోల్డ్ స్మగ్లింగ్ కేసును సీఎం పినరయి విజయన్ ఎప్పుడో కేంద్ర దర్యాప్తు సంస్థకు అప్పగించేశారు. ఎన్‌ఐఏ ఈ కేసు విచారణ నిర్వహిస్తోంది. కేంద్రంలోని బీజేపీ ప్రభుత్వం దర్యాప్తు సంస్థల్ని ఎలా వాడుకుంటుందో తెలిసినా… పినరయి విజయన్ తనపై వస్తున్న విమర్శలను తట్టుకునేందుకు కేసును ఎన్‌ఐఏకు అప్పగించేందుకు నిర్ణయం తీసుకున్నారు. కేరళ సర్కార్ నిర్ణయం మేరకు ఎన్‌ఐఏ విచారణ చేపట్టింది. విచారణ జరుపుతోంది. ఎక్కడా కూడా.. సీఎం విజయన్‌కు ప్రమేయం ఉన్నట్లుగా బయటకు రాలేదు.

ఎన్‌ఐఏ దర్యాప్తు జరిపి గత ఏడాది అక్టోబర్లో కొచ్చిలోని న్యాయస్థానానికి కొన్ని వివరాలు తెలిపింది. దాని ప్రకారం… ఈ గోల్డ్ స్మగ్లింగ్‌లో దావూద్ ఇబ్రహీం ప్రమేయం ఉందని ఎన్‌ఐఏ తెలిపింది. మహమ్మద్ షఫీ అనే వ్యక్తి ఈ బంగారం అక్రమ రవాణాలో ప్రధాన సూత్రదారిగా తెలిపింది. అంతే కానీ ప్రభుత్వానికి.. సీఎంకు సంబంధం ఉందని ఎక్కడా కనిపెట్టలేదు. చెప్పలేదు కూడా. అయితే కొత్తగా కస్టమ్స్ పేరుతో స్వప్నా సురేష్ వాంగ్మూలం అంటూ.. సీఎంపేరును లీక్ చేశారు. కేరళలో వరుసగా రెండో సారి సీఎం పినరయి విజయన్ ముఖ్యమంత్రి అవుతారని వివిధ సర్వేలు వెల్లడిస్తున్న సమయంలో.. ఈ వార్తలు కేరళలో సహజంగానే కలకలం రేపుతున్నాయి. ఆయనపై బీజేపీ మార్క్ కుట్ర చేస్తోందన్న చర్చ జరగడానికి కారణం అవుతోంది.

గత ఏడాది జూలై 5వ తేదీన యూఏఈ నుంచి దౌత్య మార్గంలో అక్రమంగా తరలిస్తున్న 30 కిలోల బంగారాన్ని కొచ్చి కస్టమ్స్ అధికారులు స్వాధీనం చేసుకున్నారు. డిప్లమాటిక్ కార్గో ద్వారా ఇంత పెద్ద మొత్తంలో బంగారం తరలించడం సంచలనంగా మారింది. ఈ కేసులో ప్రధాన నిందితురాలిగా ఉన్న స్వప్న సురేష్.. ముఖ్యమంత్రి పినరాయి విజయన్ ప్రధాన కార్యదర్శికి ఎం శివశంకర్‌కు సన్నిహిత సంబంధాలు ఉన్నాయి. ఆరోపణలు రావడంతో ఆయనను విజయన ్ఆ పదవి నుంచి తొలగించారు. గోల్డ్ స్మగ్లింగ్ కేసులో … విజయన్ పాత్రపై ఎన్నికల సమయంలోనే వివరాలు బయటకు రావడం వెనుక.. ఎన్నికల వ్యూహమే ఉందని ఎక్కువ మంది నమ్ముతున్నారు. అయితే విపక్షాలకు మాత్రం.. ఇది ఆయుధమే.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

లాలూకు బెయిల్..! ఇక బీహార్‌లో కిస్సాకుర్సీకా..!?

జైలు శిక్ష అనుభవిస్తున్న లాలూ ప్రసాద్ యాదవ్‌కు బెయిల్ లభించింది. నాలుగు కేసుల్లో ఆయనకు శిక్ష పడింది. ఆ నాలుగు కేసుల్లోనూ బెయిల్ లభించింది. లాలూ ప్రసాద్ యాదవ్‌కు కేంద్రంలో బీజేపీ అధికారంలోకి...

గోగినేనితో ఆడుకుంటున్న ప‌వ‌న్ ఫ్యాన్స్‌

బాబు గోగినేని.. ఈ పేరు నెటిజ‌న్ల‌కు ప‌రిచ‌య‌మే. ప్ర‌జ‌ల్ని చైత‌న్య ప‌రిచే వివిధ కార్య‌క్ర‌మాల్ని చేస్తుంటారాయ‌న‌. చ‌ర్చ‌ల్లోనూ పాల్గొంటారు. లాజిక‌ల్ గా.. ఆయ‌న్ని కొట్టేవారే ఉండ‌రు. బిగ్ బాస్ లోనూ అడుగుపెట్టారు. అయితే.....

‘నార‌ప్ప’ కంటే ముందు ‘దృశ్య‌మ్ 2’?

మేలో 'నారప్ప‌' విడుద‌ల కావాల్సివుంది. ఇది వ‌ర‌కే డేట్ కూడా ఇచ్చేశారు. అయితే ప్ర‌స్తుతం `నార‌ప్ప‌` రావ‌డం క‌ష్ట‌మే. నార‌ప్ప కోసం మ‌రో మంచి డేట్ వెదికే ప‌నిలో ఉన్నారు సురేష్...

మెగా హీరో బాధ్య‌త‌లు తీసుకున్న సుకుమార్‌

రంగ‌స్థ‌లం నుంచీ మైత్రీ మూవీస్‌కీ, సుకుమార్ కీ మ‌ధ్య అనుబంధం మొద‌లైంది. ఆ సినిమా సూప‌ర్ హిట్ కావ‌డంతో... ఈ బంధం బ‌ల‌ప‌డింది. అప్ప‌టి నుంచీ మైత్రీ నుంచి వ‌స్తున్న ప్ర‌తీ సినిమాలోనూ...

HOT NEWS

[X] Close
[X] Close