రాజధాని రైతులకు బేడీలు వేసిన పోలీసులపై వేటు..!

ఆంధ్రప్రదేశ్‌ రాజధానికి అమరావతికి భూములిచ్చిన ఎస్సీ, ఎస్టీ రైతులపైనే ఎస్సీ, ఎస్టీ అట్రాసిటీ కేసులు పెట్టి.. నిబంధనలకు విరుద్ధంగా బేడీలు వేసి.. జైలుకు తరలించిన ఘటనలో ఆరుగురు కానిస్టేబుళ్లను గుంటూరు ఎస్పీ విశాల్ గున్నీ సస్పెండ్ చేశారు. ఇద్దరు రిజర్వ్ ఎస్‌ఐలకు చార్జ్ మెమోలు జారీ చేశారు. నిందితులకు ఇలా బేడీలు వేయడం.. మానవ హక్కుల ఉల్లంఘన కిందకు వస్తుంది. దీనిపై సుప్రీంకోర్టు ఆదే్శాలు కూడా ఉన్నాయి. మెజిస్ట్రేట్ అనుమతి లేకుండా రైతులకు బేడీలు వేయకూడదు. సుప్రీం కోర్టు ఆదేశాలను ధిక్కరించేలా పోలీసు చర్యలు ఉన్నాయనే విమర్శలు వచ్చాయి.

నిందితులుగా ఉన్న రైతులను ఉగ్రవాదులు, తీవ్రవాదులను తీసుకొచ్చినట్లు చేతులకు బేడీలు వేసి తీసుకురావడంపై ప్రభుత్వంపై అన్ని రాజకీయ పార్టీలు మండిపడ్డాయి. 2017లో తెలంగాణలోని ఖమ్మం జిల్లాలో ణలో కొంత మంది రైతులు… ప్రభుత్వ వ్యతిరేక నిరసనలు చేపట్టారు. అప్పట్లో వారిని అరెస్ట్ చేసిన పోలీసులు బేడీలు వేశారు. రైతుల చేతులకు పోలీస్‌ సిబ్బంది బేడీలు వేసి కోర్టుకు తీసుకెళ్లడంపై తీవ్ర దుమారం రేగింది. దీంతో అప్పటి తెలంగాణ డీజీపీ అనురాగ్‌ శర్మ సీరియస్ గా స్పందించారు. ఆర్మ్‌డ్‌ రిజర్వుకు చెందిన ఇద్దరు ఎస్సైలను సస్పెండ్ చేశారు. ఇప్పుడు.. అదే తీరుగా గుంటూరు ఎస్పీ ఆరుగురు కానిస్టేబుళ్లు, ఇద్దరు ఎస్‌ఐలపై చర్యలు తీసుకున్నారు.

అయితే ప్రస్తుతం అమరావతి రైతుల్ని ఎంత వేధిస్తే.. పోలీసులకు అంత ప్రోత్సాహం లభిస్తుందన్న ప్రచారం ఉంది. ఈ కారణంగానే రైతుల్ని దారుణంగా పోలీసులు వేధిస్తున్నారని చెబుతున్నారు. ప్రజాగ్రహాన్ని చల్లార్చడానికి రాజధాని రైతులపై జరుగుతున్న దాష్టీకాన్ని ప్రపంచం దృష్టికి వెళ్లకుండా.. చర్యల పేరుతో చేసే ప్రయత్నం చేస్తున్నారని విపక్షాలు ఆరోపిస్తున్నారు. ప్రభుత్వ పెద్దల ప్రోత్సాహం లేకపోతే.. పోలీసులు ఈ దుస్సాహసానికి ఒడిగట్టరని అంటున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఆ సినిమాలో ర‌కుల్ లేదు

మోహ‌న్‌బాబు క‌థానాయ‌కుడిగా తెర‌కెక్కుతున్న చిత్రం.. సన్నాఫ్ ఇండియా. డైమండ్ ర‌త్న‌బాబు ద‌ర్శ‌కుడు. ఇళ‌య‌రాజా సంగీత అందిస్తున్నారు. ఎం.ధ‌ర్మ‌రాజు ఎం.ఏ, పుణ్య‌భూమి నాదేశం త‌ర‌హాలో సాగే క్యారెక్ట‌రైజేష‌న్ ఈ సినిమాలో క‌నిపించ‌బోతోంద‌ట‌. మ‌ళ్లీ ఆ...

రివ్యూ: అంధ‌కారం

హార‌ర్‌, థ్రిల్ల‌ర్ సినిమాల్ని చూసి.. విసుగొచ్చేసింది. అన్నీ ఒక ఫార్మెట్‌లోనే సాగుతుంటాయి. హార‌ర్ అన‌గానే... భ‌యంక‌రమైన రీ సౌండ్లు, ఓ ఇల్లు, అందులో కొన్ని పాత్ర‌లు విచిత్రంగా ప్ర‌వ‌ర్తించ‌డం.. ఇవే క‌నిపిస్తాయి. థ్రిల్ల‌ర్లూ...

పెంచుకుంటూ పోయే ప్రక్రియలో ఈ సారి ఆస్తి పన్ను..!

ఆంధ్రప్రదేశ్ ప్రభుత్వం పన్నులు పెంచుకుటూ పోతోంది. ఎక్కడ అవకాశం ఉంటే అక్కడ.. అవకాశం లేకపోయినా స్పేస్ చూసుకుని మరీ పెంచుకుటూ పోతోంది. పెట్రోలో నుంచి టోల్ చార్జీల వరకూ కొత్త కొత్త ఆలోచనలు...

జనసేనను ప్లాన్డ్‌గా తొక్కేస్తున్న బీజేపీ..!?

భారతీయ జనతా పార్టీ వ్యూహం .. జనసేనను ప్లాన్డ్‌గా..తొక్కేయడమేనని పెద్దగా ఆలోచించకుండా జనసైనికులకు ఆర్థం అవుతోంది. గత ఎన్నికల్లో నోటా కంటే తక్కువ ఓట్లను బీజేపీ తెచ్చుకుంది. ఆరు శాతం ఓట్లను వైసీపీ...

HOT NEWS

[X] Close
[X] Close