ర‌వితేజ – ర‌మేష్ వ‌ర్మ కాంబినేష‌న్ లో ఓ చిత్రం రూపుదిద్దుకోనున్న సంగతి తెలిసిందే. `కిలాడీ` అనే టైటిల్ ఫిక్స్ చేశారు. ఈ చిత్రంలో ర‌వితేజ ద్విపాత్రాభిన‌యం చేస్తున్నాడు. రెండు పాత్ర‌లు కాబ‌ట్టి, ఇద్ద‌రు హీరోయిన్లు కావాలి. ఓ హీరోయిన్ గా పూజా హెగ్డే పేరు ప‌రిశీలిస్తున్నారు. ప్ర‌స్తుతం పూజా హెగ్డేతో సంప్ర‌దింపులు జ‌రుపుతోంది చిత్ర‌బృందం. అయితే పూజా నుంచి క‌న్‌ఫ‌ర్మేష‌న్ రావాల్సివుంది. త‌న చేతిలో చాలా సినిమాలున్నాయి. వాటి మ‌ధ్య `కిలాడీ`కి స‌మ‌యం కేటాయించ‌గ‌ల‌దా? లేదా? అనేది చూసుకోవాలి. పూజా కాక‌పోతే.. ర‌కుల్ తో ఫిక్సవ్వాల‌న్న‌ది చిత్ర‌బృందం ఆలోచ‌న. ర‌కుల్ – ర‌వితేజ కాంబినేష‌న్ ఇది వ‌ర‌కు చూసేశారు కాబ‌ట్టి, ర‌కుల్ ని రెండో ఆప్ష‌న్ గానే భావిస్తోంది చిత్ర‌బృందం. పూజా ఓకే అంటే.. కిలాడీ ప‌క్క‌న జోడీ దొరికేసిన‌ట్టే. ఆ త‌ర‌వాత… మరో హీరోయిన్ ని ఎంపిక చేస్తారు.
ర‌వితేజ‌తో.. పూజా హెగ్డే?
