ప్ర‌భాస్ కొత్త సినిమా… ‘ఆది పురుష్‌’ ప్ర‌క‌ట‌న ఈమ‌ధ్యే వ‌చ్చింది. ప్ర‌భాస్ చేతిలో సినిమాలు ఉండ‌డం, ఇది భారీ ప్రాజెక్టు కావ‌డంతో – `ఆదిపురుష్` ప‌నులు మెల్ల‌మెల్ల‌గా మొద‌ల‌వుతాయ‌నుకున్నారంతా. కానీ… వ్య‌వ‌హారం స్పీడుగానే వుంది. `ఆది పురుష్‌`కి సంబంధించిన ప్రీ ప్రొడ‌క్ష‌న్ ప‌నులు మొద‌లైపోయాయి. ఇప్పుడు చిత్ర‌బృందం మ‌రో అడుగు ముందుకేసింది. కొన్ని ప్ర‌ముఖ అంత‌ర్జాతీయ విజువ‌ల్ ఎఫెక్ట్స్ కంపెనీల‌తో.. చిత్ర‌బృందం సంప్ర‌దింపులు మొద‌లెట్టింది. ఈ సినిమాలో విఎఫ్ఎక్స్‌కి చాలా ప్రాధాన్యం ఉంది. బ‌డ్జెట్ లో స‌గం వాటికే ఖ‌ర్చు పెట్టబోతున్నారు. అందుకే.. ముందుగా ప్ర‌పంచంలోనే ప్ర‌ఖ్యాత విజువ‌ల్ ఎఫెక్స్ కంపెనీలు ప‌రిశీలించి, వాటితో ఒప్పందాలు కుదుర్చుకోవ‌డానికి స‌న్నాహాలు చేస్తున్నారు ద‌ర్శ‌క నిర్మాత‌లు. ప్ర‌భాస్ ప్ర‌స్తుతం `రాధే శ్యామ్‌` సినిమాతో బిజీగా ఉన్నారు. అది పూర్త‌యి, విడుద‌ల కావ‌డానికి ఇంకా చాలా సమయం ప‌డుతుంది. అయితే ఈలోగానే.. ‘ఆదిపురుష్’ సెట్స్‌పై వెళ్ల‌నుంద‌ని టాక్‌. 2021 ప్ర‌ధ‌మార్థంలోనే ఆదిపురుష్ షూటింగ్ మొద‌లెట్టేస్తార‌ని తెలుస్తోంది. ప్ర‌తినాయ‌కుడిగా ప‌లువురు పేర్లు వినిపిస్తున్నాయి. వాళ్ల‌లో ఒక‌రిని త్వ‌ర‌లోనే ఖ‌రారు చేసి, అధికారికంగా ప్ర‌క‌టించే అవ‌కాశం ఉంది.
‘ఆదిపురుష్’.. వ్య‌వ‌హారం స్పీడుగానే వుంది
