పర్చూరు వైసీపీ అభ్యర్థిగా పురందేశ్వరి కుమారుడు ఖాయమేనా..?

ఎన్నికలు దగ్గర పడుతున్న సమయంలో వచ్చిన సంక్రాంతి వేడుకలు.. రాజకీయాల్లో కూడా కొంత క్లారిటీ తీసుకు వస్తోంది. బీజేపీలో ఉన్న దగ్గుబాటి పురంధేశ్వరి కుమారుడు… హితేష్ చెంచురామ్… ప్రకాశం జిల్లా పర్చూరు అసెంబ్లీ నియోజకవర్గానికి.. వైసీపీ అభ్యర్థిగా మారడం ఖాయమన్న ప్రచారం జరుగుతోంది. పర్చూరు నియోజకవర్గంలో ఈ మేరకు పెద్ద ఎత్తున ఫ్లెక్సీలు వెలిశాయి. నిజానికి ఈ ఫ్లెక్సీలే మొదటివి కాదు.. చాలా రోజుల నుంచి ఈ ప్రచారం జరుగుతోంది. దగ్గుబాటి దంపతుల్ని పార్టీలోకి తీసుకు వచ్చేందుకు.. విజయసాయిరెడ్డి చాలా తీవ్రమైన ప్రయత్నాలే చేస్తున్నారు. పదే పదే .. దగ్గుబాటి వెంకటేశ్వరరావుతో భేటీ అయి… పర్చూరు టిక్కెట్ ఆఫర్ చేస్తున్నారు.

రాష్ట్రం విడిపోయిన తర్వాత అప్పటి వరకూ కాంగ్రెస్ లో కేంద్రమంత్రిగా ఉన్న… పురంధేశ్వరి బీజేపీలో చేరారు. కానీ దగ్గుబాటి వెంకటేశ్వరరావు మాత్రం తాను రాజకీయాలను విరమించుకుంటున్నట్లు ప్రకటించారు. ఆ తర్వాత నాలుగేళ్ల పాటు సైలెంట్ గా ఉన్నారు. ఇటీవలి కాలంలో.. మళ్లీ ప్రెస్ మీట్లు పెట్టి.. టీడీపీకి వ్యతిరేకంగా మాట్లాడుతున్నారు. జగన్ కు అనుకూలంగా విశ్లేషణలు చేస్తున్నారు ఇదంతా కుమారుడి రాజకీయ ఆరంగేట్రం కోసమేనని ప్రచారం జరుగుతోంది. ఇటీవలి కాలంలో పర్చూరులోని తన పాత క్యాడర్ ను … సమీకరించుకునేందుకు దగ్గుబాటి వెంకటేశ్వరరావు అదే పనిగా ప్రయత్నాలు చేస్తున్నారు. కుమారుని కోసమేనని సన్నిహితులకు చెబుతున్నారు. పర్చూరులో వైఎస్ఆర్ కాంగ్రెస్ పార్టీకి బలమైన అభ్యర్థి లేరు. ఇప్పటికే ముగ్గుర్ని మార్చారు. ఎవరూ ప్రజల్లో సరైన పలుకుబడి సాధించలేకపోయారు. గొట్టిపాటి కుటుంబీకులు కూడా టీడీపీలో చేరడంతో పర్చూరులో టీడీపీ బలం పుంజుకుంది. ఈ కారణంగా..జగన్ కూడా… దగ్గుబాటి వెంకటేశ్వరరావు కుమారుడైతేనే సరైన అభ్యర్థిగా అంచనా వేసుకుని పదే పదే విజయసాయిరెడ్డిని రాయాబారానికి పంపుతున్నట్లు తెలుస్తోంది.

దగ్గుబాటి వెంకటేశ్వరరావు కూడా… వైసీపీలో చేరిక ప్రచారాన్ని ఖండించడం లేదు. సమయం వచ్చినప్పుడు అన్నీ చెబుతానని అంటున్నారు. అయితే పార్టీలో చేరితే మాత్రం.. పురంధేశ్వరి దూరంగానే ఉంటారంటున్నారు. ఆమె బీజేపీలోనే కొనసాగే అవకాశం ఉంది. బీజేపీ కేంద్రంలో రెండో సారి అధికారంలోకి వస్తే ఏదో ఓ పదవి వస్తుందన్న నమ్మకంతో ఉన్నారు. అందుకే బీజేపీని వీడకపోవచ్చంటున్నారు. మొత్తానికి దగ్గుబాటి దంపతులు చేరో పార్టీలో ఉండటం ఖాయమని తాజా పరిణామాలతో స్పష్టమవుతంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

గంటాకే భీమిలీ – టీడీపీ ఫైనల్ లిస్ట్ రిలీజ్

గంటా శ్రీనివాసరావు హైకమాండ్ అనుకున్నది కాకుండా.. తాను అనుకున్న చోట పోటీ చేయడంలో ఎక్స్ పర్ట్. మరోసారి అనుకున్నది సాధించారు. భీమిలీ సీటు ఆయన ఖాతాలోనే పడింది. టీడీపీ విడుదల చేసిన...

మెకానిక్ గా మారిన మాస్ కా దాస్

ఈమ‌ధ్యే 'గామి'గా ద‌ర్శ‌న‌మిచ్చాడు విశ్వ‌క్‌సేన్‌. త‌న కెరీర్‌లో అదో వెరైటీ సినిమా. ప్రేక్ష‌కుల ప్ర‌శంస‌ల‌తో పాటు, విమ‌ర్శ‌కుల మెచ్చుకోళ్లూ ద‌క్కాయి. త‌ను న‌టించిన 'గ్యాంగ్స్ ఆఫ్ గోదావ‌రి' విడుద‌ల‌కు సిద్ధ‌మైంది. ఇప్పుడు మ‌రో...

“చెంగిచెర్ల” మీదుగా బీజేపీ ఎలక్షన్ ప్లాన్లు !

మేడ్చల్ నియోజకవర్గం చెంగిచెర్ల గ్రామంలో హోలీ పండుగ సందర్భంగా ఘర్షణ జరిగింది. డీజే పాటలు పెట్టుకొని హోలీ సంబరాలు చేసుకుంటుండగా.. మరో వర్గానికి చెందిన వారు ఆ పాటలు ఆపాలని కోరారు....
video

ఈదేశం విడిచి వెళ్లిపోండి.. లేదా చ‌చ్చిపోండి!

https://www.youtube.com/watch?v=nb-XDZQSZhE చాలా కాలంగా నారా రోహిత్ నుంచి సినిమాలేం రాలేదు. సుదీర్ఘ విరామం త‌ర‌వాత ఆయ‌న‌.. 'ప్ర‌తినిధి 2' తో ప‌ల‌క‌రించ‌బోతున్నారు. ఓర‌కంగా క‌రెక్ట్ కమ్ బ్యాక్ ఇది. ఎందుకంటే నారా రోహిత్ చేసిన...

HOT NEWS

css.php
[X] Close
[X] Close