కె.రాఘ‌వేంద్ర‌రావు మ‌ళ్లీ సినిమాల‌పై దృష్టి నిలిపారు. తాజాగా… శ్రీ‌కాంత్ త‌న‌యుడితో `పెళ్లి సంద‌డి`కి శ్రీ‌కారం చుట్టారు. ప్ర‌స్తుతం ఆ సినిమా ప‌నుల్లో బిజీగా ఉన్నారాయ‌న. ఈ చిత్రానికి ఆయ‌న ద‌ర్శ‌కుడు కాదు. ద‌ర్శ‌క‌త్వ ప‌ర్య‌వేక్ష‌ణ చేస్తున్నారంతే. దాంతో పాటు నిర్మాత కూడా. ఇప్పుడు మరో సినిమా కూడా ఇలానే వ‌ద‌లాల‌ని భావిస్తున్నారు. ఆర్కే మీడియా, ఆర్కా నిర్మాణ సంస్థ‌లు సంయుక్తంగా మరో చిత్రాన్ని నిర్మించ‌త‌ల‌పెట్టాయ‌ని టాక్‌.
అయితే ఇది మ‌ల్టీస్టార‌ర్‌. ఇప్ప‌టికే స్క్రిప్టుకి సంబంధించిన ప‌నులు జ‌రుగుతున్నాయి. ఇందులో ఇద్ద‌రు యువ హీరోలు న‌టిస్తార‌ని స‌మాచారం. ఆ ఇద్ద‌రూ… మంచి పేరున్న హీరోలేన‌ట. ఆ హీరోలెవ‌ర‌న్న‌ది తెలియాల్సివుంది. ఈ సినిమానీ ఈ యేడాదే… ప్రారంభిస్తారు. షూటింగ్ వ‌చ్చే యేడాది మొద‌ల‌వుతుంది. నిజానికి ఈ సినిమాకీ రాఘ‌వేంద్ర‌రావే ద‌ర్శ‌క‌త్వం వ‌హిద్దాం అనుకున్నారు. కానీ.. తన ద‌గ్గ‌ర శిష్య‌రికం చేసిన ఓ కుర్రాడికే ఆ బాధ్య‌త‌లు ఇస్తున్నారు.
