ఇటీవల కాలంలో గ్లోబల్ స్టార్ గా అభిమానులచే పిలవబడుతున్న రామ్ చరణ్, మరొక ఘనతను తన ఖాతాలో వేసుకోబోతున్నారు. రెండు రోజుల్లో జరగనున్న ఇండియా టుడే కాన్ క్లేవ్ సమ్మిట్ లో దేశంలోని అనేక ఇతర దిగ్గజాలతో కలిసి మోడీతో వేదిక పంచుకోబోతున్నాడు. వివరాల్లోకి వెళితే..
ఈనెల 17 18 తేదీలలో ఇండియా టుడే కాన్ క్లేవ్ సమ్మిట్ జరగనుంది. దీనికి ప్రధాని మోడీ ముఖ్య అతిథిగా విచ్చేస్తున్నారు. ఈ సమ్మిట్ కి సచిన్ టెండూల్కర్ సహా దేశంలోని వివిధ రంగాలకు చెందిన దిగ్గజాలు హాజరవుతున్నారు. అయితే ఇందులో పాల్గొనడమే కాకుండా ప్రసంగించే అవకాశం రాం చరణ్ కి వచ్చింది. ఈ సమ్మిట్ లోనే కాకుండా హిందుస్థాన్ టైమ్స్ నిర్వహించనున్న లీడర్షిప్ సమ్మిట్ లో కూడా దేశంలోని వివిధ రంగాలకు చెందిన దిగ్గజాల తో పాటు రామ్ చరణ్ కూడా ప్రత్యేక ఆహ్వానితులుగా పాల్గొంటున్నారు. మొత్తానికి హాలీవుడ్ క్రిటిక్స్ అవార్డుల వేదిక, ఆస్కార్ వేదిక మీద మెరిసిన తర్వాత రామ్ చరణ్ క్రేజ్ దేశవ్యాప్తంగా పెరిగిందని ఆయన అభిమానులు చేస్తున్న వాదన అత్యంత సమంజసమేనని ఈ తాజా పరిణామాలు నిరూపిస్తున్నాయి.
ఇక త్వరలోనే శంకర్ దర్శకత్వంలో రామ్ చరణ్ నటిస్తున్న సినిమాకు సంబంధించిన టైటిల్ మరియు రిలీజ్ అప్డేట్ కూడా రానున్నాయి.
