మాస్ మహరాజ్ రవితేజ ఈ నెల 27న బెంగాల్ టైగర్ తో సినిమాతో అలరిస్తాడని ఫ్యాన్స్ అందరు ఈగర్ గా వెయిట్ చేస్తున్నారు. అయితే ఫ్లాష్ న్యూస్ ఏంటంటే అదే రోజు రిలీజ్ అవుతున్న సైజ్ జీరో సినిమా కోసం తన సినిమా రిలీజ్ ను పోస్ట్ పోన్ చేసుకున్నాడట రవితేజ. సంపత్ నంది డైరక్షన్లో మోస్ట్ ఎవైటెడ్ మూవీగా వస్తున్న బెంగాల్ టైగర్ సినిమా మీద చాలా హోప్స్ పెట్టుకున్నాడు రవితేజ. అందుకే సినిమాకు ఎటువంటి కాంపిటీషన్ లేకుండా ఉండేందుకు చూస్తున్నాడు. అసలైతే సినిమా దీపావళికే రావాల్సి ఉన్నా అఖిల్ కోసం నాగ్ కోరిక మేరకు సినిమా వాయిదా వేశాడు. ఇప్పుడు సైజ్ జీరో కోసం మళ్లీ రెండోసారి వాయిదా వేసుకుంటున్నాడు.
సైజ్ జీరో విషయానికొస్తే అనుష్క లీడ్ రోల్లో చేసిన ఈ సినిమా ప్రకాశ్ కోవెలమూడి డైరెక్ట్ చేశాడు. రుద్రమదేవి టైంలోనే ఈ సినిమా రిలీజ్ అవ్వాల్సి ఉన్నా ఆ సినిమా కారణంగా సైజ్ జీరో పోస్ట్ పోన్ అవుతూ వచ్చింది. చివరకు ఈ నెల 27న రిలీజ్ అయ్యేందుకు సిద్ధమైన సైజ్ జీరోకి రవితేజ పోటీగా నిలుస్తాడనుకున్నారు. కాని రెండు సినిమాల దర్శక నిర్మాతల అండస్టాడింగ్ తో రవితేజ సినిమా పోస్ట్ పోన్ చేసుకోవాల్సి వచ్చింది.
తమన్నా, రాశి ఖన్నాలు హీరోయిన్స్ గా నటిస్తున్న బెంగాల్ టైగర్ సినిమాను ఫుల్ లెంథ్ మాస్ ఎంటర్టైనర్ గా రవితేజ అభిమానులకు మంచి విందు భోజనంలా తెరకెక్కించాడు సంపత్ నంది. సినిమా ఈ నెల 27 నుండి డిశెంబర్ 10కి పోస్ట్ పోన్ చేస్తున్నారని తెలుస్తుంది. మరి పరిశ్రమ మేలుకోసం పరస్పర ఒప్పందంతో రిలీజ్ అవుతున్న ఈ రెండు సినిమాలు ప్రేక్షకాదరణం పొంది సూపర్ హిట్స్ గా నిలవాలని కోరుకుందాం.
