ప్ర‌స్తుతం గోపీచంద్ తో ఓ సినిమా చేస్తున్నాడు శ్రీవాస్. అది పూర్తి కాకుండా ర‌వితేజ‌కు క‌థ చెప్పి ఓకే చేయించుకొన్నాడు. ర‌వితేజ – శ్రీవాస్ కాంబినేష‌న్ లో ఓ చిత్రం రూపుదిద్దుకోనుంది. ఇటీవ‌ల ర‌వితేజ‌కు పూర్తి స్థాయిలో క‌థ కూడా వినిపించేశాడు శ్రీవాస్. ఈ క‌థ ర‌వితేజ‌కు బాగా న‌చ్చింది. అందుకే చేతిలో ఉన్న సినిమాలు కొన్నింటికి ప‌క్క‌న పెట్టి, వీలైనంత త్వ‌ర‌గా ఈ సినిమాని మొద‌లెట్టాల‌ని ర‌వితేజ భావిస్తున్నాడట.
క‌థాప‌రంగా చూస్తే… ఇదో పొలిటిక‌ల్ థ్రిల్ల‌ర్ అని స‌మాచారం. ప్ర‌స్తుతం ఉన్న రాజ‌కీయ వ్య‌వ‌స్థ‌పై సెటైరిక‌ల్‌గా సాగ‌బోతోంద‌ని తెలుస్తోంది. గోపీచంద్ – శ్రీవాస్ కాంబోలో సినిమా ప్ర‌స్తుతం చిత్రీక‌ర‌ణ జ‌రుపుకుంటోంది. ర‌వితేజ చేతిలో కూడా కొన్ని సినిమాలున్నాయి. `ధ‌మాకా` పూర్తి కావొచ్చింది. అది అవ్వ‌గానే.. శ్రీవాస్ సినిమా మొద‌ల‌య్యే ఛాన్సుంది.
