వైకాపాపై సందేహం ఎందుకు కలుగుతున్నదంటే…

రాజధాని అమరావతి భూముల కొనుగోలు వ్యవహారంలో అడ్డగోలుగా అక్రమాలు జరిగాయనే అనుకుందాం. ఈవిషయం మీద సుమారు పది రోజులకు పైగా వైఎస్సార్‌ కాంగ్రెస్‌ పార్టీకి చెందిన నాయకులు అందరూ పెద్దపెట్టున ఉద్యమిస్తూనే ఉన్నారు. ప్రకటనలు గుప్పిస్తూనే ఉన్నారు. తమ దినపత్రిక సాక్షి ద్వారా విస్తృతమైన ప్రచారాన్ని చేస్తూనే ఉన్నారు. కానీ వైకాపా నాయకుల ఆరోపణల మీద మాత్రం జనంలో ఇంకా కొన్ని సందేహాలు ఉన్నాయేమో అనిపిస్తోంది. ఎందుకంటే ఒక పార్టీకి చెందిన సుమారు 60 మంది ఎమ్మెల్యేలు ఇంత ఉధృతంగా ఒక అంశాన్ని భుజానికెత్తుకున్నప్పుడు, రాష్ట్రంలో అత్యధిక సర్కులేషన్‌ ఉన్న పత్రికల్లో ఒకటైన సాక్షి.. ఇంతగా వారి పోరాటాన్ని ప్రజల్లోకి తీసుకువెళ్లడానికి ఆరాటపడుతున్నప్పుడు.. ప్రజల్లో చాలా ఎక్కువ స్పందన రావాలి. కానీ ప్రజల్లో ఎక్కడా అలాంటి స్పందన కనిపించడం లేదు. ప్రజలు పట్టించుకోకపోవడాన్ని గమనిస్తే.. అసలు జగన్‌ అండ్‌ కో ఆరోపణల్లోనే బలం లేదా అనే అనుమానం కలుగుతోంది.

ప్రత్యేకించి.. గుంటూరుజిల్లా మందడంలో అమరావతి ప్రాంత రైతులు బుధవారం నాడు ఒక సమావేశం పెట్టుకున్నారు. తాము అందరూ ఇష్టపడే భూములు ఇచ్చాం, విక్రయించాం అని.. తమ మీద ఎవ్వరూ సానుభూతి చూపించవలసిన అవసరం లేదని అక్కడి రైతులు తేల్చిచెప్పారు. అధికార పార్టీ మీద ప్రత్యర్థులు ఆరోపణలు చేస్తున్న ఇలాంటి సమయంలో రైతులు నిర్వహించే సమావేశం ఒకవేళ స్వచ్ఛందం అయినప్పటికీ కూడా తెరవెనుకనుంచి అధికార పార్టీకి చెందిన రాజకీయ శక్తులే దీనిని నిర్వహింపజేసి ఉంటాయని అనుకోవచ్చు. ఇది చాలా సహజం. తెదేపా వారే ఆ సమావేశం ఏర్పాటు చేయించి.. ల్యాండ్‌పూలింగ్‌, లేదా విక్రయించిన రైతుల్లో వ్యతిరేకత లేదని టముకు వేయిస్తున్నారని అనుకుందాం. మరైతే.. అదే తరహాలో.. వైకాపా వారి వాదనకు మద్దతుగా.. భూవిక్రయాలు, వారి మాటల్లో అయితే భూదందాల వలన తాము నష్టపోయాం.. తమను దోచుకున్నారు… అంటూ అక్కడి రైతులనుంచి నామమాత్రపు స్పందన కూడా రావడం లేదు ఎందుకని? సరిగ్గా ఈ అంశమే ప్రజల్ని ఆలోచింపజేస్తున్నది.

ప్రత్యేకించి.. ఏ రైతులైతే.. మంత్రుల బినామీలకు భూములు విక్రయించారని వైకాపా ఆరోపిస్తున్నదో.. ఏ రైతులనైతే మంత్రులు దోచేసుకున్నారని, వేల కోట్ల అన్యాయానికి గురిచేశారని వైకాపా బురద చల్లుతున్నదో.. ఆ రైతుల్లో అయినా ఈ పాటికి రియలైజేషన్‌ వచ్చి వారు పోరాటానికి రోడ్డు మీదకు రావాలి కదా? కానీ, అలాంటిదేమీ జరగడం లేదు.

ఈ సంకేతాలను బట్టి గమనిస్తోంటే.. భూదందాలకు సంబంధించి.. వైఎస్సార్‌ కాంగ్రెస్‌ పార్టీ ఎంతగా గొంతు చించుకున్నప్పటికీ.. వారికి స్థానికంగా అమరావతి ప్రాంత రైతుల మద్దతు దక్కితే తప్ప.. పోరాటానికి బలం చేకూరదని అనుకోవాల్సి ఉంటుంది. వైకాపా పోరాటంలో బలం లేదని అనిపిస్తోంది. ప్రజల మద్దతు రాబట్టకుండా, వారిలో ఆలోచన కలిగించకుండా.. వైఎస్సార్‌ కాంగ్రెస్‌ పార్టీ.. చంద్రబాబు సర్కారు మీద ఎంతగా బురదచల్లినా నిష్ప్రయోజనమేనని జగన్‌ గుర్తిస్తే బాగుంటుంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

బస్సు యాత్ర : వైసీపీ రాంగ్ స్ట్రాటజీ

ఎన్నికల షెడ్యూల్ వచ్చినా నోటిఫికేషన్ రావడానికి సమయం ఉండటంతో...జగన్మోహన్ రెడ్డి బస్సు యాత్రను ప్లాన్ చేసుకున్నారు. ఇరవై ఒక్క రోజుల పాటు ఇరవై ఒక్క పార్లమెంట్ నియోజకవర్గాల నుంచి బస్సు యాత్ర...

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...
video

‘మ‌న‌మే’ ఫ‌స్ట్ సింగిల్: సోలో లైఫే సోబెట‌రంటున్న శ‌ర్వా!

https://www.youtube.com/watch?v=XGJtiqVzZiA ఈమ‌ధ్య టాలీవుడ్ లో గ‌ట్టిగా వినిపిస్తున్న పేరు... హేష‌మ్‌ అబ్దుల్ వాహ‌బ్‌. 'ఖుషి', 'హాయ్ నాన్న‌' సినిమాల్లో సూప‌ర్ హిట్ పాట‌లు ఇచ్చారు. ఇప్పుడు శ‌ర్వానంద్ 'మ‌న‌మే' చిత్రానికీ ఆయ‌నే స్వ‌రాలు అందిస్తున్నారు....

ఇంకా “బలమైన” భ్రమల్లోనే కేటీఆర్ !

కేటీఆర్ నియోజకవర్గాల వారీ సమీక్ష సమావేశాల్లో రేవంత్ రెడ్డిని తిట్టి... ఎన్నికల్లో దున్నిపారేస్తామని ప్రసంగించి వెళ్లిపోతున్నారు. గ్రౌండ్ లెవల్లో పరిస్థితిని అర్థం చేసుకునేందుకు ప్రయత్నించడం లేదు. కనీసం ...

HOT NEWS

css.php
[X] Close
[X] Close