రేవంత్‌, లోకేశ్‌ ఫ్యాక్టర్‌లే ప్రధాన కారణం!

ముఖ్యమంత్రి కేసీఆర్‌ను కలిసి బయటకు వచ్చిన తర్వాత మీడియాతో మాట్లాడుతూ తెలుగుదేశం పార్టీని వీడి వెళ్లడానికి తనకు బాధగా ఉన్నదంటూ ఎర్రబెల్లి దయాకర్‌రావు చాలా ఎమోషనల్‌గా మాట్లాడారు. చంద్రబాబునాయుడు అంటే తనకు ఇప్పటికీ ఇష్టమే ఉన్నదని.. ఆయన మంచి నాయకుడు అని, కానీ తాను కొన్ని ఇబ్బందుల వల్ల తెరాసలోకి వెళ్తున్నానని వెల్లడించారు. తెదేపాను వీడి వెళ్లడం చాలా బాధగా ఉన్నదని, ఇక రాష్ట్రంలో తెదేపా బతకదని ఆయన వెల్లడించారు. ఈ మాటల ఆధారంగానే ఇప్పుడు కొత్త విశ్లేషణలు ప్రారంభం అవుతున్నాయి.

తెదేపా అంటే అంతగా అభిమానం ఉన్న వ్యక్తి… అంతగా బాధపడుతూ పార్టీని వీడిపోవాల్సిన అవసరం ఏమిటి? ఇది సహజంగా అందరికీ కలిగే సందేహం. అయితే నారా చంద్రబాబునాయుడు- తన కొడుకు లోకేశ్‌కు, రేవంత్‌రెడ్డికి అనుచితమైన ప్రాధాన్యం ఇస్తుండడమే ఎర్రబెల్లి తన ‘ఎగ్జిట్‌’ రంగం సిద్ధం చేసుకోవడానికి ప్రధాన కారణం అని పలువురు విశ్లేషిస్తున్నారు.

రేవంత్‌రెడ్డి, ఎర్రబెల్లి దయాకర్‌ రావుల మధ్య తెలుగుదేశం పార్టీలో పచ్చగడ్డి వేస్తే భగ్గుమనే వాతావరణమే ఉంది. వీరిద్దరూ ఒకరిని ఉద్దేశించి మరొకరు ఇండైరక్టుగా బహిరంగ వేదికల మీదనే సెటైర్లు వేసుకోవడం.. పార్టీని ఒక రకంగా చెప్పాలంటే రచ్చకీడ్చడం జరుగుతూ వచ్చింది. ఎర్రబెల్లి తెరాస అనుకూల తెదేపా ఎమ్మెల్యేగా వ్యవహరిస్తున్నాడంటూ రేవంత్‌ ప్రెవేటు సంభాషణల్లో వ్యాఖ్యానించడం కూడా జరిగింది. రేవంత్‌ దూకుడును కూడా ఎర్రబెల్లి పలు సందర్భాల్లో ఖండించడమూ మామూలైపోయింది.

అదే సమయంలో, పార్టీలో ఇంకా బొడ్డూడని నాయకుడు అయిన నారా లోకేష్‌ నేతృత్వంలో తమలాంటి సీనియర్లను పనిచేయాల్సిందిగా అధినేత చంద్రబాబు నిర్దేశించడం కూడా ఎర్రబెల్లికి రుచించలేదని సమాచారం. లోకేష్‌ నాయకత్వం బలపడిన నాటినుంచి ఎర్రబెల్లి అంటీముట్టనట్లుగానే వ్యవహరిస్తున్నారు. ఎమ్మెల్యేల ఫిరాయింపు కేసును ఆయనే స్వయంగా హైకోర్టులో వేసారు గనుక.. ఆ అంశం తప్ప మరొక దానితో తనకు సంబంధం లేదన్నట్లుగా మాట్లాడుతూ వచ్చారు. లోకేశ్‌ పెత్తనం భరించలేకపోతున్నట్లున ఆయన వర్గీయులు చెప్పే వారు.

మొత్తానికి ఇన్నాళ్లకు వ్యవహారాలు అన్నీ ఒక కొలిక్కి వచ్చేయి. గ్రేటర్‌లో ఓటమి పర్వాన్ని కూడా పూర్తిగా చూసిన తర్వాత.. ఇప్పుడు ఆయన పార్టీ మారారు. తెలంగాణలో ఇక తెలుగుదేశం పార్టీ బతకడం సాధ్యం కాదంటున్న ఎర్రబెల్లి.. ఇన్నాళ్లూ పార్టీ డైరెక్షన్‌ ప్రకారమే తెరాస పార్టీని, కేసీఆర్‌ను విమర్శించానని అంటున్నారు. మొత్తానికి కొందరు నాయకులకు పార్టీలో పెద్దపీట వేయడం అనేది.. మరికొందరు పార్టీని వెళ్లడానికి ప్రేరణ అయినట్లుగా కనిపిస్తున్నది. కాకపోతే.. ఎర్రబెల్లి చెప్పినట్లుగా ఇంకా ఇద్దరు ముగ్గురు ఎమ్మెల్యేలు తెదేపాను వీడి పోతున్నట్లయితే,… వారు ఎవరు? అనే సందేహాలు సర్వత్రా వ్యక్తమౌతున్నాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

video

విశ్వ‌క్ ‘లైలా’వ‌తారం!

https://www.youtube.com/watch?v=9STsOoGDUfA లేడీ గెట‌ప్పులు వేయాల‌న్న ఆశ‌.. ప్ర‌తీ హీరోకీ ఉంటుంది. స‌మ‌యం సంద‌ర్భం క‌ల‌సి రావాలంతే! ఒక‌ప్ప‌టి అగ్ర హీరోలంతా మేక‌ప్పులు మార్చి, శారీలు క‌ట్టి - ఆడ వేషాల్లో అద‌ర‌గొట్టిన‌వాళ్లే. ఈత‌రం హీరోలు...

రఘురామకు ఇంకా కూటమి నుంచి టిక్కెట్ చాన్స్ ఉందా ? లేదా?

రఘురామకృష్ణరాజు పోటీ ఎక్కడ ?. ఈ ప్రశ్న ఇప్పుడు ఇటు కూటమి క్యాంప్‌తో పాటు అటు వైసీపీ క్యాంప్‌లోనూ హాట్ టాపిక్ గానే ఉంది. వైసీపీ క్యాంప్.. ఇదే ప్రశ్నతో ఆయనను...

ఆ స్వామిజీకి టిక్కెట్ రాకుండా చేసింది బాలకృష్ణేనట !

పరిపూర్ణానంద అనే స్వామిజీకి ప్రవచాలు చెప్పుకోవడం కన్నా రాజకీయాల్లో ఆదిత్యనాథ్ ని అయిపోవాలన్న ఆశ ఎక్కువగా ఉంది. గతంలో తెలంగాణలో ప్రయత్నించారు. వర్కవుట్ కాలేదు. ఈ సారి ఏపీలో దృష్టి పెట్టారు....

గంటాకే భీమిలీ – టీడీపీ ఫైనల్ లిస్ట్ రిలీజ్

గంటా శ్రీనివాసరావు హైకమాండ్ అనుకున్నది కాకుండా.. తాను అనుకున్న చోట పోటీ చేయడంలో ఎక్స్ పర్ట్. మరోసారి అనుకున్నది సాధించారు. భీమిలీ సీటు ఆయన ఖాతాలోనే పడింది. టీడీపీ విడుదల చేసిన...

HOT NEWS

css.php
[X] Close
[X] Close