తెరాస‌, వైసీపీ నేత‌ల‌తో రేవంత్ క‌లిసి మెలిసి..!

తెలంగాణ తెలుగుదేశం పార్టీ నాయ‌కుడు రేవంత్ రెడ్డికి తెరాస పేరు విన‌గానే చిర్రెత్తుకొస్తుంద‌ని ప్ర‌త్యేకంగా చెప్పాల్సిన ప‌నిలేదు. ముఖ్య‌మంత్రి కేసీఆర్ పేరు విన‌గానే రెచ్చిపోతారు. రేవంత్ మీడియా ముందుకు వ‌చ్చారంటే కేసీఆర్ పై విమ‌ర్శ లేని సంద‌ర్భం అంటూ దాదాపు ఉండ‌ద‌నే చెప్పాలి. తెరాస‌ను అధికారం నుంచి దించ‌డ‌మే జీవితాశ‌యంగా చెబుతూ ఉంటారు. అలాంటిది తెరాస‌తో టీడీపీ పొత్తు అంటే ఎలా ఉంటుంది..? తెరాస నేత‌ల‌తో రేవంత్ క‌లిసి చేయాల్సిన ప‌రిస్థితి వ‌స్తే ఎలా ఉంటుంది..? గ‌తంలో ఓసారి ఇలాంటి ప్ర‌తిపాద‌నే రేవంత్ ముందుకు కొంత‌మంది తీసుకొస్తే నిప్పులు తొక్కిన‌ట్టు చిందేశారు. ఐ.ఎస్‌.ఐ. తీవ్ర‌వాద సంస్థ‌తో చేతులు క‌లిపితే ఎలా ఉంటుందో… తెరాస‌తో పొత్తు కూడా అలాంటిదే అని అభివ‌ర్ణించారు. అయితే… ఇప్పుడు తెరాస‌తో క‌లిసి ప‌ని చేయాల్సిన ఓ సంద‌ర్భం వ‌చ్చింది.

భ‌ద్రాచ‌లంలో ఓ వింత రాజ‌కీయ అనుభ‌వం రేవంత్ రెడ్డికి ఎదురైంది. అక్క‌డ జ‌రిగిన ఓ పేప‌రు మిల్లు ఎన్నిక‌ల్లో ప్ర‌చారం చేసేందుకు రేవంత్ వెళ్లారు. కార్మిక విభాగం టీఎన్టీయూసీకి టీడీపీ మ‌ద్ద‌తు ఇస్తోంద‌క్క‌డ‌. దీంతోపాటు తెరాస‌, వైకాపాలు కూడా ఆ విభాగానికి స‌పోర్ట్ చెయ్య‌డం విశేషం. ఈ ఎన్నిక‌ల్లో రేవంత్ ప్ర‌చారం చేశారు. ఎలా అంటే.. రేవంత్ రెడ్డికి ఒక‌ప‌క్క తెలంగాణ రాష్ట్ర స‌మితి పార్టీకి చెందిన నాయ‌కుడు.. మ‌రోప‌క్క వైయ‌స్సార్ సీపీ నాయ‌కుడు ప్రచారంలో పాల్గొన్నారు. రెండు పార్టీల నేత‌ల మ‌ధ్యా ప‌సుపు కండువా క‌ప్పుకుని రేవంత్ ప్ర‌చారం చేయ‌డం సీన్ చూసిన‌వారంతా విచిత్రంగా ఫీల‌య్యారు.

రేవంత్ రెడ్డికి కూడా ఈ అనుభ‌వం కాస్త చిత్రంగానే అనిపించింది! కానీ, త‌ప్ప‌ని ప‌రిస్థితి అన్న‌ట్టుగా ప్ర‌చారం చేశారు. ఆంధ్రాలో వైకాపాతో తెలుగుదేశం పోరాటం చేస్తోంది. తెలంగాణ‌లో తెరాస‌తో పోరాటం. కానీ, ఈ రెండు పార్టీల‌తో క‌లిసి రేవంత్ ప్ర‌చారం చేయాల్సి రావ‌డం చిత్ర‌మే క‌దా! ఎంతైనా, రాజ‌కీయాలు రాజ‌కీయాలే! శాశ్వ‌త శ‌త్రువులూ ఉండ‌రూ.. శాశ్వ‌త మిత్రులూ ఉండ‌రు అని ఊర‌కే అంటారా చెప్పండీ. ప్ర‌స్తుతం టీడీపీ, వైకాపా, తెరాస‌లు క‌లిసి ప్ర‌చారం చేసింది ఓ చిన్న స్థాయి ఎన్నిక‌లోనే కావొచ్చు. కానీ, రాజ‌కీయంగా అవ‌స‌రం అనేది వ‌స్తే, అంద‌రూ ఆ తానులో ముక్క‌లే అవుతార‌ని నిరూపించున్నారు. ఆ మాట‌కొస్తే.. తెలంగాణ‌లో అవ‌స‌ర‌మైతే కాంగ్రెస్ పార్టీతో పొత్తు పెట్టుకునేందుకు కూడా రేవంత్ రెడ్డి సిద్ధ‌మ‌య్యారు క‌దా! మొత్తానికి, భ‌ద్రాచ‌లంలో ప్ర‌చారం రేవంత్‌కి ఓ కొత్త అనుభ‌వాన్ని మిగిల్చింద‌ని చెప్పొచ్చు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

video

విశ్వ‌క్ ‘లైలా’వ‌తారం!

https://www.youtube.com/watch?v=9STsOoGDUfA లేడీ గెట‌ప్పులు వేయాల‌న్న ఆశ‌.. ప్ర‌తీ హీరోకీ ఉంటుంది. స‌మ‌యం సంద‌ర్భం క‌ల‌సి రావాలంతే! ఒక‌ప్ప‌టి అగ్ర హీరోలంతా మేక‌ప్పులు మార్చి, శారీలు క‌ట్టి - ఆడ వేషాల్లో అద‌ర‌గొట్టిన‌వాళ్లే. ఈత‌రం హీరోలు...

రఘురామకు ఇంకా కూటమి నుంచి టిక్కెట్ చాన్స్ ఉందా ? లేదా?

రఘురామకృష్ణరాజు పోటీ ఎక్కడ ?. ఈ ప్రశ్న ఇప్పుడు ఇటు కూటమి క్యాంప్‌తో పాటు అటు వైసీపీ క్యాంప్‌లోనూ హాట్ టాపిక్ గానే ఉంది. వైసీపీ క్యాంప్.. ఇదే ప్రశ్నతో ఆయనను...

ఆ స్వామిజీకి టిక్కెట్ రాకుండా చేసింది బాలకృష్ణేనట !

పరిపూర్ణానంద అనే స్వామిజీకి ప్రవచాలు చెప్పుకోవడం కన్నా రాజకీయాల్లో ఆదిత్యనాథ్ ని అయిపోవాలన్న ఆశ ఎక్కువగా ఉంది. గతంలో తెలంగాణలో ప్రయత్నించారు. వర్కవుట్ కాలేదు. ఈ సారి ఏపీలో దృష్టి పెట్టారు....

గంటాకే భీమిలీ – టీడీపీ ఫైనల్ లిస్ట్ రిలీజ్

గంటా శ్రీనివాసరావు హైకమాండ్ అనుకున్నది కాకుండా.. తాను అనుకున్న చోట పోటీ చేయడంలో ఎక్స్ పర్ట్. మరోసారి అనుకున్నది సాధించారు. భీమిలీ సీటు ఆయన ఖాతాలోనే పడింది. టీడీపీ విడుదల చేసిన...

HOT NEWS

css.php
[X] Close
[X] Close