అసెంబ్లీ రివ్యూ : బిల్లులు, ఆరోపణలు, హెచ్చరికలు..!

ఆంధ్రప్రదేశ్ అసెంబ్లీ తొలి బడ్జెట్ సమావేశాలు… ఊహించని విధంగా జరిగాయి. గత ప్రభుత్వంలో జరిగిన వాటిపై.. ఆరోపణలు.. విచారణలతో పాటు… కొత్తగా 19బిల్లులు ఆమోదించి.. రికార్డు సృష్టించారు. 14 రోజుల పాటు జరిగిన అసెంబ్లీ సమావేశాల్లో కొత్త ప్రభుత్వం తన ప్రాదాన్యాలకు అనుగుణంగా.. బిల్లుల్లో మార్పులు చేర్పులు చేసుకుంది. 20 బిల్లులు సభలో పెట్టి.. ఒకటి న్యాయబద్ధంగా లేదని ఉపసంహరించుకుంది. దాన్ని మార్పులు చేసి.. వచ్చే సమావేశాల్లో ప్రవేశ పెడతారు. మిగతా 19 బిల్లులు ఆమోదం పొందాయి. విద్యా వ్యవస్థలో ఫీజుల నియంత్రణ, పర్యవేక్షణ, నియామకపు పదవులు, కాంట్రాక్ట్ లు, నామినేషన్లలో 50 శాతం ఎస్సీ, ఎస్టీ, బీసీ, మైనార్టీలకు పదవులు, భూ హక్కు చట్టం, కౌలు రైతుల హక్కులు, రాష్ట్రంలో కొత్తగా ఏర్పాటు చేయబోయే పరిశ్రమల్లో 75 శాతం స్థానికులకు ఉద్యోగాలిచ్చే చట్టాలను ఆమోదించారు.

ఐదేళ్ల పాలనపై విచారణలు..!

చంద్రబాబు ఐదేళ్ల పాలనలో.. ఎన్నో అక్రమాలు జరిగాయని గట్టిగా నమ్ముతున్న సర్కార్.. అన్నింటిపైనా విచారణకు ఆదేశించింది. విధానపరమైన నిర్ణయాలపైనే కాదు.. చివరికి.. పుష్కరాల్లో జరిగిన తొక్కిసలాటపై కూడా.. విచారణ జరిపించాలని నిర్ణయించడం కొసమెరుపు. చివరి రోజు.. ఫైబర్ గ్రిడ్ ప్రాజెక్ట్ ను టార్గెట్ చేశారు. దానిలో అవినీతి జరిగిందని ఆరోపిస్తూ.. విచారణకు నిర్ణయం తీసుకున్నారు. ఏపీ ఫైబర్ గ్రిడ్ నుంచి వచ్చే టీవీ ప్రసారాలకు రెండు బాక్స్ లు కొనుగోలు చేయాలని, ఇవి 3 వేల 500 రూపాయల ఖర్చవుతుందని, కానీ 4 వేల 400 రూపాయలు వసూలు చేశారని మంత్రి అసెంబ్లీలో బాక్సులు చూపించి మరీ ఆరోపించారు. దాంతో ఓపెనింగ్ టు ఎండింగ్.. చంద్రబాబు పాలనను టార్గెట్ చేసుకుంటూ సాగి… ముగిసింది.

జగన్‌కు పొగడ్తలే పొగడ్తలు..!

ఈ సమావేశాల్లో.. వైసీపీ ఎమ్మెల్యేలు ముఖ్యమంత్రి జగన్ ను పొగడటానికి … ప్రత్యేకంగా స్క్రిప్ట్ రచయితల్నీ పెట్టుకుని మరీ.. రచనలు చేయించుకున్నట్లుగా పొగడ్తల వర్షం కురిపించారు. చివరికి.. తాము పలకలేని… వాక్యాలతో ఉన్న పొగడ్తలను.. పలకడలో తడబడి నవ్వుల పాలయ్యారు. జగన్‌ను… వాస్కోడం ( వాస్కోడిగామా ) నుంచి గాంధీ వరకూ పోలికలు తెచ్చారు. గాంధీ ఫాదర్ ఆఫ్ నేషన్ అయితే… జగన్ ఫాదర్ ఆఫ్ ఇండస్ట్రియలైజేషన్ అన్నారు. అది ప్రారంభం మాత్రమే… జగన్ కు… హీరోచితాన్ని అంటగట్టడానికి ఎమ్మెల్యేలు ఎవరూ మొహమాట పడలేదు.

విపక్షాలకు తిట్లు, శాపనార్థలు..!

జగన్‌ను పొగడటంలో పోటీ పడిన వైసీపీ ఎమ్మెల్యేలు.. విపక్ష నేత చంద్రబాబును… టీడీపీ ఎమ్మెల్యేలకు తిట్లు, వార్నింగ్‌లు ఇవ్వడంలో ఏ మాత్రం.. సంకోచించలేదు. ఖబడ్దార్.. ఓ ఎమ్మెల్యే హెచ్చరిస్తే… బుద్ది జ్ఞానం లేదని.. నేరుగా ముఖ్యమంత్రే విమర్శించారు. తాము లేస్తే.. మీరు కూర్చోలేరని.. నేరుగా సీఎం వార్నింగ్ ఇచ్చారు. ముగుర్ని సమావేశాలు మొత్తం సస్పెండ్ చేశారు. నలుగుర్ని ఓ రోజు సస్పెండ్ చేశారు. తొలి సమావేశాలే ఇలా ఉంటే.. ముందు ముందు.. ఎలా ఉంటాయోనన్న భావన మాత్రం ఈ సమావేశాలు తీసుకొచ్చారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

చంద్రబాబు దరఖాస్తు చేసుకున్నారు.. డీజీపీ పర్మిషన్ ఇచ్చారు..!

మాజీ ముఖ్యమంత్రి చంద్రబాబు విశాఖ పర్యటనకు ఏపీ డీజీపీ నుంచి గ్రీన్ సిగ్నల్ వచ్చింది. మధ్యాహ్నం హోంమంత్రి సుచరిత చంద్రబాబు దరఖాస్తు చేసుకోలేదని మీడియాతో చెప్పడంతో... చంద్రబాబు పర్యటనకు ప్రభుత్వం అనుమతి ఇచ్చే...

జగ్గారెడ్డి, టీవీ9 మీద ఈగ వాలనీయడం లేదుగా..

జగ్గారెడ్డి అంటే ఒకప్పుడు ఫైర్ బ్రాండ్ నేత. అధికారంలో ఉన్న కెసిఆర్ , ఆయన కుటుంబ సభ్యుల మీద పదునైన విమర్శలు చేయడానికి విపక్ష నేతలు భయపడుతూ ఉన్న సమయంలో కూడా జగ్గారెడ్డి...

ఎల్జీ పాలిమర్స్‌ కేసులో ఆ వివరాలన్నీ చెప్పాలన్న హైకోర్టు..!

ఎల్జీ పాలిమర్స్ గ్యాస్ లీక్ ఘటనపై... హైకోర్టు సంచలన ఆదేశాలు జారీ చేసింది. ఈ ఘటనపై సుమోటోగా విచారణ చేయడంతో పాటు.. హైకోర్టులో దాఖలైన పలు పిటిషన్లపై .. విచారణ జరిపి... అనేక...

బాపట్ల ఎంపీ..మందడంలో భూమాయ..!?

కోర్టులపై సైతం వివాదాస్పద వ్యాఖ్యలు చేస్తున్న వైసీపీ ఎంపీ నందిగం సురేష్ పై భూకబ్జా ఆరోపణలు వస్తున్నాయి. రాజధాని తరలింపునకు బహిరంగంగా మద్దతు పలుకుతున్న నందిగం సురేష్.. సచివాలయం సమీపంలో ఉన్న ప్రభుత్వ...

HOT NEWS

[X] Close
[X] Close