నాని ‘వ్యూహం’లో.. స‌మంత‌??

‘స‌మ్మోహ‌నం’ త‌ర‌వాత ఇంద్ర‌గంటి మోహ‌న‌కృష్ణ మ‌రో సినిమాని ప‌ట్టాలెక్కించ‌డానికి రెడీ అవుతున్నారు. నాని, సుధీర్‌బాబు క‌థానాయ‌కులుగా న‌టిస్తున్న ఈ చిత్రాన్ని దిల్ రాజు నిర్మిస్తున్నారు. ఈ చిత్రానికి ‘వ్యూహం’ అనే టైటిల్ పెట్టిన‌ట్టు ప్రచారం జ‌రుగుతోంది. ఇప్పుడు క‌థానాయిక‌గా స‌మంత పేరు వినిపిస్తోంది. నాని స‌ర‌స‌న స‌మంత క‌థానాయిక‌గా న‌టిస్తున్న‌ట్టు స‌మాచారం. ఈ జంట కుదిరితే… వీరిద్ద‌రికి ఇది హ్యాట్రిక్ సినిమా అవుతుంది. గ‌తంలో ‘ఈగ‌’లో వీరిద్ద‌రూ జోడీ క‌ట్టారు. ఆ సినిమా సూప‌ర్ హిట్ అయ్యింది. ఆ త‌ర‌వాత గౌత‌మ్ మీన‌న్ ద‌ర్శక‌త్వం వ‌హించిన ఎటో వెళ్లిపోయింది మ‌న‌సులోనూ ఈ జంట ఆక‌ట్టుకుంది. ముచ్చ‌ట‌గా ఇది మూడో సినిమా అన్న‌మాట‌. సుధీర్ బాబు ప‌క్క‌న ఎవ‌రు క‌నిపిస్తారో చూడాలి. ఇదో స‌స్పెన్స్ థ్రిల్ల‌ర్ అని స‌మాచారం. నాని పాత్ర లో నెగిటీవ్ కోణాలుంటాయ‌ని తెలుస్తోంది. త్వ‌ర‌లోనే ఈ చిత్రానికి సంబంధించిన డిలైట్స్ అఫీషియ‌ల్‌గా బ‌య‌ట‌కు వ‌స్తాయి.

Telugu360 is always open for the best and bright journalists. If you are interested in full-time or freelance, email us at Krishna@telugu360.com