మున్నాభాయ్‌కు విముక్తి: నేలను ముద్దాడి జైలుకు సెల్యూట్ చేసిన దత్

హైదరాబాద్: మున్నాభాయ్ సంజయ్ దత్‌కు విముక్తి లభించింది. ఈ ఉదయం ఆయన పూణే ఎరవాడ జైలునుంచి విడుదలయ్యారు. ఆయన ముంబాయి బయలుదేరారు. భుజానికి బ్యాగ్, చేతిలో ఫైళ్ళు పట్టుకునిఉన్న దత్, జైలు గేటు నుంచి బయటకు రాగానే అక్కడ నేలను ముద్దాడారు. తర్వాత వెనక్కు తిరిగి జైలు భవనానికి సెల్యూట్ చేశారు. జైలు వద్ద దత్‌కు ఆయన భార్య మాన్యత, పిల్లలు, దర్శకుడు రాజ్‌కుమార్ హిరాని స్వాగతం పలికారు. అక్కడనుంచి వారు కారులో పూణే విమానాశ్రయానికి చేరుకుని ఛార్టర్డ్ ఫ్లైట్‌లో ముంబాయి బయలుదేరారు. ముంబైలో దిగగానే దత్ ప్రసిద్ధి చెందిన సిద్దివినాయక్ ఆలయానికి వెళ్ళి దైవదర్శనం చేసుకుంటారని, అక్కడనుంచి తన తల్లి సమాధి దగ్గరకు వెళ్ళి నివాళులర్పిస్తారని తెలుస్తోంది. పూణే విమానాశ్రయంలో దత్ మీడియాతో మాట్లాడుతూ, “వారి మద్దతువలనే ఇది సాధ్యమయింది, స్వేచ్ఛ ఈజీగా లభించలేదు” అని అన్నారు. వారు అంటే ఆయన ఉద్దేశ్యం అభిమానులని అయిఉండొచ్చు. 1993 ముంబాయి పేలుళ్ళకు సంబంధించిన ఆయుధాల కేసులో దోషిగా నిర్ధారణ కావటంతో 5 సంవత్సరాల శిక్ష పడింది. అయితే మహారాష్ట్ర ప్రభుత్వం సత్ప్రవర్తన కారణంగా అతని శిక్షను తగ్గించింది. దత్ మొత్తం 42 నెలలు జైలు శిక్ష అనుభవించారు. అయితే ఆయనను ముందుగా విడుదల చేయటం అక్రమమంటూ ఒక పిల్ దాఖలవటం విశేషం. స్వేచ్ఛాజీవిగా మారిన సంజయ్ ఇప్పుడు మున్నాభాయ్ మూడోభాగంతో సహా ఆరు సినిమాలలో నటించబోతున్నారు. మరోవైపు మున్నాభాయ్ సిరీస్‌లోని రెండు చిత్రాలకు కథనందించిన రాజ్ కుమార్ హిరానీ సంజయ్ దత్ జీవిత చరిత్ర ఆధారంగా ఒక చిత్రాన్ని తీస్తున్నారు. రణబీర్ కపూర్ సంజయ్ దత్ పాత్రను పోషించనున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

బస్సు యాత్ర : వైసీపీ రాంగ్ స్ట్రాటజీ

ఎన్నికల షెడ్యూల్ వచ్చినా నోటిఫికేషన్ రావడానికి సమయం ఉండటంతో...జగన్మోహన్ రెడ్డి బస్సు యాత్రను ప్లాన్ చేసుకున్నారు. ఇరవై ఒక్క రోజుల పాటు ఇరవై ఒక్క పార్లమెంట్ నియోజకవర్గాల నుంచి బస్సు యాత్ర...

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...
video

‘మ‌న‌మే’ ఫ‌స్ట్ సింగిల్: సోలో లైఫే సోబెట‌రంటున్న శ‌ర్వా!

https://www.youtube.com/watch?v=XGJtiqVzZiA ఈమ‌ధ్య టాలీవుడ్ లో గ‌ట్టిగా వినిపిస్తున్న పేరు... హేష‌మ్‌ అబ్దుల్ వాహ‌బ్‌. 'ఖుషి', 'హాయ్ నాన్న‌' సినిమాల్లో సూప‌ర్ హిట్ పాట‌లు ఇచ్చారు. ఇప్పుడు శ‌ర్వానంద్ 'మ‌న‌మే' చిత్రానికీ ఆయ‌నే స్వ‌రాలు అందిస్తున్నారు....

ఇంకా “బలమైన” భ్రమల్లోనే కేటీఆర్ !

కేటీఆర్ నియోజకవర్గాల వారీ సమీక్ష సమావేశాల్లో రేవంత్ రెడ్డిని తిట్టి... ఎన్నికల్లో దున్నిపారేస్తామని ప్రసంగించి వెళ్లిపోతున్నారు. గ్రౌండ్ లెవల్లో పరిస్థితిని అర్థం చేసుకునేందుకు ప్రయత్నించడం లేదు. కనీసం ...

HOT NEWS

css.php
[X] Close
[X] Close