ఆర్ధిక స్ధితిగతులకు ఒక ఎక్స్ ప్రెషన్ – సంక్రాంతి!

ఆఫర్లమీద ఆఫర్లు ఇస్తున్న బట్టల షాపుల్లో తప్ప సంక్రాంతి సందడి కనిపించడం లేదు. సెట్టింగులు వేసి షూటింగులతీసే టెలివిజన్లలో తప్ప సంక్రాంతి సంస్కృతి కనిపించడంలేదు.

ఈ ఏడాది సంక్రాంతిలో కళా కాంతులు మసకేసిపోడానికి కారణం ప్రజల కొనుగోలు బాగా సన్నగిలిపోవడమే. కొనుగోలు శక్తుల్లో (రాష్ట్రాల రాజధానులూ, మెట్రో నగరాలూ మినహా) దేశంలో నే 9 వస్ధానంలో వున్న తూర్పుగోదావరి జిల్లాలో కూడా పండగ అమ్మకాలు బాగా పడిపోయాయి. గత ఏడాదితో పోలిస్తే ఈ ఏడాది అమ్మకాలు 60 శాతం పడిపోయాయని రాజమండ్రిలో టివిలు, ప్రిజ్ ల వంటి గృహోపకరణాలు, గాడ్జెట్లు అమ్మే ఎల్ జి సంస్ధ డీలర్ జూపూడి పార్ధసారధి చెప్పారు. అరిసెలు సున్నుండల వంటి సంక్రాంతి ప్రత్యేక వంటకాలను ఇంటిలో తయారు చేసి అపార్టు మెంట్లలో సరఫరా చేసే గుత్తికొండ నాగరాజు” మా కస్టమర్లు 10 శాతం పెరిగారు. ఆర్డర్లు మాత్రం 45 శాతం పడిపోయాయని” వివరించారు.

గత ఏడాది రెండోపంట దెబ్బతినడం, ఈ ఏడాది మొదటి పంట ఒక భారీ వర్షానికి, రెండు తుపానులకూ నాశనమవ్వడంతో గోదావరి జిల్లాల్లోనే నష్టం దాదాపు 4 వేల కోట్లరూపాయల వుంది. అంటే ఈ మేరకు డబ్బు – మార్కెట్ లో చెలామణి కాలేదు. ఆమాంద్యం ఇపుడు బయటకు కనబడుతోంది.

సంక్రాంతి అంటే గ్రామీణ ఆర్ధిక వ్యవస్ధకు ఒక మైలురాయి. వ్యవసాయానికి మాత్రమే గాక వ్యవసాయానికి అనుబంధంగా వున్న పనులు, వృత్తుల వారి ఆర్ధిక స్ధితిగతులకు ఒకప్పుడు వ్యక్తీకరణగా వున్న సంక్రాంతి ప్రాభవం, వ్యవసాయ రంగమే చితికిపోవడం వల్ల కొడిగట్టిపోతూండటంలో ఆశ్చర్యంలేదు.

పశుసంపద హరించుకుపోవడంతో పశుపోషకులు అవసరంలేకుండాపోయింది. టివిలు రావడంతో ప్రజల్ని ఎంటర్ టెయిన్ చేసిన గంగిరెద్దుల వాళ్ళు, బుడబుక్కల వాళ్ళు, హరిదాసులు, జంగం దేవరలు…..మొదలైన వృత్తుల వారు వేరేపనులలోకి వలసలు పోయారు. అయితే తరతరాలుగా వస్తున్న పండుగలో జవసత్వాలు ఉడిగిపోతున్నా సంక్రాంతి ఆనవాలు చెరిగిపోలేదు. ఎంటర్ టెయిన్ మెంట్ టివి చానళ్ళు ఆ ఆనవాళ్ళకు తమ సృజనాత్మకతను కలిపి సంక్రాంతిని రీకన్స్ట్రక్ట్ చేసి మనకి చూపిస్తున్నారు.

ఇపుడు పాతికేళ్ళలోపు వారికి సంక్రాంతి అంటే టివిలో కనిపించేది మాత్రమే!

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

టాలీవుడ్‌లో బాలకృష్ణ మాటల మంటలు..!

షూటింగ్‌లు ఎప్పుడు ప్రారంభించాలన్నదానిపై తెలంగాణ మంత్రి తలసాని శ్రీనివాస్‌యాదవ్‌తో చిరంజీవి నేతృత్వంలో బృందం సమావేశం కావడంపై.. బాలకృష్ణ చేసిన వ్యాఖ్యలు కలకలం రేపుతున్నాయి. షూటింగ్‌లు ఎప్పుడు ప్రారంభించాలా టాలీవుడ్ పెద్దలు..తెలంగాణ ప్రభుత్వంతో సంప్రదింపులు...

కేంద్రం ఏపీపై ఆధారపడినప్పుడు ప్రత్యేక హోదా : జగన్

అప్పు రేపు.. తరహాలో ప్రత్యేకహోదా రేపు అంటున్నారు ముఖ్యమంత్రి జగన్మోహన్ రెడ్డి. ఏడాది పాలన పూర్తయిన సందర్భంగా గతంలో ఆయన "హోదా యోధ"గా స్వయం ప్రకటితంగా చేసుకున్న పోరాటం ఏమయిందని.. ప్రజలు...

శ్రీవారి ఆస్తులు అమ్మేదిలేదని టీటీడీ బోర్డు తీర్మానం..!

శ్రీవారికి భక్తులు కానుకగా ఇచ్చిన వాటిని అమ్మే ప్రసక్తే లేదని... తిరుమల తిరుపతి దేవస్థానం బోర్డు తాజాగా ప్రకటించింది. ఈ మేరకు పాలకమండలి భేటీలో నిర్ణయం తీసుకున్నారు. శ్రీవారి ఆస్తుల అమ్మకాన్ని పూర్తిగా...

ఈ ప్రభుత్వం ఐదేళ్లు ఉండదన్న బాలకృష్ణ, విమర్శించిన మోపిదేవి

ఆంధ్రప్రదేశ్ లో 151 ఎమ్మెల్యే ల మెజారిటీ తో అధికారం లోకి వచ్చిన వైఎస్ఆర్ సిపి ప్రభుత్వం ఐదేళ్లపాటు అధికారంలో ఉండదని, అంతకంటే ముందే ఈ ప్రభుత్వం దిగి పోతుందని నందమూరి బాలకృష్ణ...

HOT NEWS

[X] Close
[X] Close