అంబులెన్స్‌మెన్‌… కొల‌కొత్తా కు చెందిన క‌రీముల్లా హ‌క్‌కి ఉన్న ముద్దు పేరు ఇది. నిరు పేద‌ల‌కు, అంబులెన్స్ అవ‌స‌ర‌మైన వాళ్ల‌కూ.. ఉచితంగా సేవ‌లు అందిస్తూ ఎంతో మంది ప్రాణాల్ని నిల‌బెట్టాడు. క‌రీముల్లా సేవ‌ల‌కు గుర్తింపుగా కేంద్ర ప్ర‌భుత్వం ప‌ద్మ‌శ్రీ పుర‌స్కారం కూడా అందించింది. ఇప్పుడు క‌రీముల్లా క‌థ‌ని వెండి తెర‌పై తీసుకొచ్చే ప్ర‌య‌త్నం జ‌రుగుతోంది. ఆ పాత్ర‌లో సోనూసూద్ క‌నిపించే అవ‌కాశాలున్నాయి.
ఇటీవ‌ల సోనూసూద్ తో క‌రీముల్లా ఖాన్ భేటీ జ‌రిగింది. దాంతో క‌రీముల్లా పాత్ర‌లో సోనూ న‌టిస్తాడ‌న్న ప్ర‌చారం మొద‌లైంది. “నా పాత్ర‌లో న‌టించ‌డానికి సోనూ ఉత్సాహం చూపిస్తున్నారు. ఆయ‌న న‌టిస్తే నాక్కూడా ఆనంద‌మే“ అని క‌రీముల్లా చెప్పుకొచ్చారు. మ‌రోవైపు షారుఖ్ ఖాన్ సైతం.. ఈ స్క్రిప్టుపై ఆస‌క్తి చూపిస్తున్నార‌ని తెలుస్తోంది. మ‌రి క‌రీముల్లాగా న‌టించే ఆ స్టార్ ఎవ‌రో తెలియాలంటే ఇంకొన్ని రోజులు ఆగాలి.
