ప్ర‌త్యేక‌హోదా ఇవ్వాల్సిందే: జ‌య‌ప్ర‌ద‌

ఆమె మొన్న‌టి స్టార్ హీరోయిన్. తెలుగు, హిందీ సినిమాల్లో దుమ్ము లేపారు. తెర‌పై ఏకైక అంద‌గ‌త్తె అంటూ మృణాళ్‌సేన్ వంటి ద‌ర్శ‌కుల ప్ర‌శంస‌లు అందుకున్నారు. క‌ట్ చేస్తే… ఆమె నిన్న‌టి ఉత్త‌ర‌ప్ర‌దేశ్ రాజకీయ నాయ‌కురాలు. స‌మాజ్‌వాదీ పార్టీలో అమ‌ర్‌సింగ్ అండ‌తో ఓ వెలుగు వెలిగారు. మ‌రి నేడేమిటి? ఆమె ప్ర‌స్థానం ఎటు వైపు? అర‌వై ఏళ్ల వ‌య‌సులో… ఈ మాజీ స్టార్ హీరోయిన్‌ క‌మ్ పొలిటీషియ‌న్ కొత్త‌గా పోషించ‌బోతున్న పాత్ర ఎలాంటిది?

ప్ర‌స్తుతానికి రాజ‌కీయ ప్ర‌ణాళిక‌లు ఏమీ లేవు. వీలైన‌న్ని మంచి సినిమాల్లో న‌టించ‌డ‌మే ల‌క్ష్యం అని అంటున్నారు జ‌య‌ప్ర‌ద‌. తూర్పు గోదావ‌రి జిల్లాలోని మంద‌ప‌ల్లిలోని ఓ గుడిలో పూజ‌ల‌కు వ‌చ్చిన ఆమె… మీడియాతో చిట్ చాట్ చేశారు. ఈ సంద‌ర్భంగా… తాను రాజ‌కీయాల‌కు ప్ర‌స్తుతం స‌మ‌యం ఇవ్వ‌డం లేద‌న్నారు. అయితే అంత మాత్రాన రాజ‌కీయాల‌కు దూరం కాబోన‌ని, ప్ర‌స్తుతానికి మాత్రం సినిమా న‌ట‌న‌కే త‌న ప్రాధాన్యం అని చెప్పారు. అంటే బ‌హుశా వ‌చ్చే ఎన్నిక‌ల ముందుగా ఆమె త‌న ప్ర‌స్థానాన్ని నిర్ణ‌యించుకోనున్నట్టు ఊహించ‌వ‌చ్చు. మ‌రైతే ఆమె ఏ పార్టీలో చేర‌నున్నారు?

నిజానికి ఆమెకు ఉన్న ఇమేజ్ తో… తెలుగుదేశం లేదా వైసీపీ లేదా మ‌రే పార్టీలోనైనా తేలిక‌గానే చోటు ద‌క్కించుకోవ‌చ్చు. అయితే ఆమె మాత్రం ఈ విష‌యంలో ఇంకా సందిగ్థంలోనే ఉన్న‌ట్టు క‌నిపించారు. చంద్ర‌బాబు పాల‌న బాగుంద‌ని కితాబు ఇచ్చారామె. ఓహో అయితే తెలుగుదేశం పార్టీ వైపు మొగ్గుతున్నార‌న్న‌మాట అనుకోనివ్వ‌కుండా… చంద్ర‌బాబుకు ఏమాత్రం న‌చ్చ‌ని మాట అయిన‌… ఆంధ్ర‌ప్ర‌దేశ్‌కు ప్ర‌త్యేక‌హోదా అవ‌స‌రం అంటూ స్ప‌ష్టం చేశారు. విభ‌జ‌న వ‌ల్ల ఆంధ్ర‌ప్ర‌దేశ్ ఎంత‌గానో న‌ష్ట‌పోయిందంటున్న జ‌య‌ప్ర‌ద‌… ప్ర‌త్యేక‌హోదా ఇస్తేనే ఆ న‌ష్టం పూడుతుంద‌న్న అభిప్రాయాన్ని వ్య‌క్తం చేశారు. ఏదేమైనా… ఎన్నిక‌ల ముందు ప‌రిస్థితిని, ఇచ్చే ప్రాధాన్య‌త‌ల‌ను చేరే బ‌ట్టి పార్టీని నిర్ణ‌యించుకోవాల‌నే ఆలోచ‌న‌లో జ‌య‌ప్ర‌ద ఉన్న‌ట్టు క‌న‌ప‌డుతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

బస్సు యాత్ర : వైసీపీ రాంగ్ స్ట్రాటజీ

ఎన్నికల షెడ్యూల్ వచ్చినా నోటిఫికేషన్ రావడానికి సమయం ఉండటంతో...జగన్మోహన్ రెడ్డి బస్సు యాత్రను ప్లాన్ చేసుకున్నారు. ఇరవై ఒక్క రోజుల పాటు ఇరవై ఒక్క పార్లమెంట్ నియోజకవర్గాల నుంచి బస్సు యాత్ర...

చ‌ర‌ణ్ సినిమాలో.. సుకుమార్ హ్యాండ్ ఎంత‌?

సుకుమార్ రైటింగ్స్ బ్యాన‌ర్‌పై ద‌ర్శ‌కుడు సుకుమార్ ఓ సినిమా తీశాడంటే అందులో త‌న క్రియేటీవ్ ఇన్వాల్వ్‌మెంట్ కూడా త‌ప్ప‌కుండా ఉంటుంది. 'విరూపాక్ష‌' సినిమా స్క్రీన్ ప్లేలో సుకుమార్ ఇచ్చిన ఇన్ పుట్స్ బాగా...
video

‘మ‌న‌మే’ ఫ‌స్ట్ సింగిల్: సోలో లైఫే సోబెట‌రంటున్న శ‌ర్వా!

https://www.youtube.com/watch?v=XGJtiqVzZiA ఈమ‌ధ్య టాలీవుడ్ లో గ‌ట్టిగా వినిపిస్తున్న పేరు... హేష‌మ్‌ అబ్దుల్ వాహ‌బ్‌. 'ఖుషి', 'హాయ్ నాన్న‌' సినిమాల్లో సూప‌ర్ హిట్ పాట‌లు ఇచ్చారు. ఇప్పుడు శ‌ర్వానంద్ 'మ‌న‌మే' చిత్రానికీ ఆయ‌నే స్వ‌రాలు అందిస్తున్నారు....

ఇంకా “బలమైన” భ్రమల్లోనే కేటీఆర్ !

కేటీఆర్ నియోజకవర్గాల వారీ సమీక్ష సమావేశాల్లో రేవంత్ రెడ్డిని తిట్టి... ఎన్నికల్లో దున్నిపారేస్తామని ప్రసంగించి వెళ్లిపోతున్నారు. గ్రౌండ్ లెవల్లో పరిస్థితిని అర్థం చేసుకునేందుకు ప్రయత్నించడం లేదు. కనీసం ...

HOT NEWS

css.php
[X] Close
[X] Close