‘డీజే టిల్లు’తో స‌డ‌న్ స్టార్ అయిపోయాడు సిద్దు జొన్న‌ల‌గ‌డ్డ. టిల్లు స్క్వేర్ కూడా బాక్సాఫీసు ద‌గ్గ‌ర ఊపేసింది. దాంతో సిద్దు క్రేజ్ మ‌రింత పెరిగింది. దానికి త‌గ్గ‌ట్టే తన పారితోషికాన్ని మూడొంత‌లు పెంచేశాడు సిద్దు. ఇప్పుడు తన రెమ్యున‌రేష‌న్ రూ.15 కోట్లు. అయినా స‌రే, త‌న‌తో సినిమా చేయ‌డానికి నిర్మాత‌లు రెడీగా ఉన్నారు. కార‌నీ టిల్లు మాత్రం ఖాళీగా లేడు. ప్ర‌స్తుతం బొమ్మ‌రిల్లు భాస్క‌ర్‌తో ‘జాక్‌’ చేస్తున్నాడు. ఆ త‌ర‌వాత ‘టిల్లు క్యూబ్’ ఉంటుంది. ఇవి కాకుండా మ‌రో రెండు క‌థ‌ల‌కు సంత‌కాలు చేశాడు. ఇప్పుడు మ‌రో ద‌ర్శ‌కుడు టిల్లు కోసం ఓ క‌థ రెడీ చేసి క్యూలో నిల‌బ‌డ్డాడు. త‌నే… సురేంద‌ర్ రెడ్డి.
‘ధృవ’తో సూప‌ర్ హిట్ కొట్టాక సూరి ఒక్క‌సారిగా చ‌ల్ల‌బ‌డిపోయాడు. ‘సైరా’, ‘ఏజెంట్‌’.. ఇలా ఒక‌దాని త‌ర‌వాత మ‌రో ప‌రాభ‌వం. దాంతో సూరి తేరుకోవ‌డానికి కాస్త స‌మ‌యం ప‌ట్టింది. మ‌ధ్య‌లో పవన్ క‌ల్యాణ్‌తో సినిమా అనుకొన్నారు కానీ, అది ఇప్ప‌ట్లో సాధ్య‌మ‌య్యే ఛాన్సులు క‌నిపించ‌డం లేదు. మొన్న‌టి వ‌ర‌కూ ఓ బాలీవుడ్ హీరోతో ట‌చ్‌లో ఉన్నాడు. కానీ ఆ సినిమా కూడా ఓ కొలిక్కి రాలేదు. ఇప్పుడు సిద్దు జొన్న‌ల‌గ‌డ్డ‌తో సినిమా చేయ‌డానికి ప్ర‌యత్నాలు ముమ్మ‌రం చేసిన‌ట్టు టాక్. అయితే సూరి స్టైల్ వేరు, సిద్దుకు ఉన్న క్రేజ్ వేరు. ఈ రెండింటినీ మ్యాచ్ చేసే విష‌యం ఆ క‌థ‌లో ఉంటే.. ఈ కాంబో ప‌ట్టాలెక్కేసిన‌ట్టే.
