వాళ్లని బీజేపీలోకి పంపుతోంది టీడీపీ అధ్యక్షుడేనట..!

తెలంగాణలో భారతీయ జనతా పార్టీలోకి మిగిలిన టీడీపీ నేతలంతా క్యూ కట్టబోతున్నారు. ఇప్పటికే.. చాలా మంది తమ నిర్ణయాలను ప్రకటించారు. ఖమ్మం, నల్లగొండ, హైదరాబాద్ లాంటి చోట్ల.. టీడీపీ నేతలు ఇంకా మిగిలి ఉన్నారు. ప్రజల్లో ఇంతో ఇంతో పలుకుబడి ఉన్న వారు కావడం… చంద్రబాబు.. తెలంగాణ తెలుగుదేశం పార్టీపై ఏ మాత్రం దృష్టి పెట్టే ఉద్దేశంలో లేకపోవడంతో… చాలా మంది బీజేపీ గూటికి చేరుతున్నారు. కాంగ్రెస్ పరిస్థితి అయోమయంలో ఉండటం.. టీఆర్ఎస్ కిక్కిరిసిపోవడంతో…. ఆశలు ఉన్న పార్టీగా బీజేపీనే వారికి కనిపిస్తోంది. రేవతి చౌదరి, బండ్రు శోభారాణి, ఖమ్మం జిల్లాలో కోనేరు కుటుంబం, నల్లగొండ జిల్లాలో మిగిలిన ఇతర నేతలూ అదే బాటలో ఉన్నారు. ఇలా.. టీడీపీ నేతలంతా.. వరుస పెట్టి.. బీజేపీలో చేరడం టీఆర్ఎస్‌కు అనుమానం కలిగించింది. వెంటనే.. తలసాని రంగంలోకి దిగిపోయారు.

టీడీపీ నుంచి వచ్చి చేరుతుతున్న ఔట్ డేటెడ్ క్యాండేట్స్ చేరికతో బీజేపీకి ఒరిగేదేమీలేదని తలసాని తేల్చేశారు. క్యాడర్ లేకుండా పార్టీలో నాయకులు చేరినంత మాత్రాన పార్టీ బలపడదన్నారు. బీజేపీలో టీడీపీ నేతలు చేరడం వెనుక చంద్రబాబు ఉన్నారని ఆరోపించారు. ఇప్పటికే బీజేపీలో చేరిన గరికపాటి మోహన్ రావు.. టీడీపీ నేతలందర్నీ బీజేపీలో చేరేలా మొబిలైజ్ చేస్తున్నారన్న ప్రచారం జరుగుతోంది. గరికపాటి .. టీడీపీ అధినేత చంద్రబాబుకు అత్యంత సన్నిహితుడు. ఈ కారణంగానే తలసాని…టీడీపీ నేతల్ని చంద్రబాబే… బీజేపీలోకి పంపుతున్నారని..కుట్ర కోణాన్ని ఆవిష్కరించారు. తలసాని కోణం ఏమిటంటే… కాంగ్రెస్‌కు ఉన్నంత ఓటు బ్యాంక్‌… బీజేపీకి లేదని చెప్పుకొస్తున్నారు. బీజేపీని తక్కువ చేసే ప్రయత్నంలో.. కాంగ్రెస్‌ను పెద్దగా చూపేందుకు కూడా తలసాని వెనుకాడలేదు. అంటే.. టీఆర్ఎస్ కు.. ఇప్పుడు కాంగ్రెస్ కన్నా.. బీజేపీనే ముప్పుగా భావించడం ప్రారంభమైందంటున్నారు.

అమిత్ షా త్వరలో తెలంగాణ పర్యనటకు రాబోతున్నారు. ఆ సమయంలో.. తెలంగాణ తెలుగుదేశం పార్టీ మొత్తాన్ని.. విలీనం చేసుకుంటున్నంతగా హడావుడి చేయాలని నిర్ణయించుకున్నారు. ఈ క్రమంలో టీడీపీ నేతలందర్నీ గురి పెట్టారు. ఇలా.. టీడీపీ మద్దతుదారులు… బీజేపీ వైపు మళ్లితే.. తమ ఓటు బ్యాంకుకు గండి పడుతుందన్నది… టీఆర్ఎస్ నేతల ఆందోళనగా కనిపిస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com