వైసీపీ పాస్టర్ల తిట్లు..! టీడీపీ హ్యాపీనా..!?

బలవంత మత మార్పిడులపై చంద్రబాబు ఏదో అన్నారంటూ.. వైసీపీ అనుకూల పాస్టర్లు కొంత మంది సోషల్ మీడియాలో చెలరేగిపోతూండటం కలకలం రేపుతోంది. చంద్రబాబుని పాస్టర్లు తిడుతున్న వీడియోలను వైరల్ చేయడానికి అధికార పార్టీ సోషల్ మీడియా టీంలు ఆసక్తి కనబరుస్తున్నారు. కొద్ది రోజుల కిందట.. టీడీపీకి సంబంధం లేదని క్రిస్టియన్ నేతలు.. టీడీపీకి రాజీనామా చేశారని హడావుడి చేశారు. ఆ తర్వాత టీడీపీ క్రిస్టియన్ మైనార్టీ సెల్ నేతలు క్లారిటీ ఇచ్చారు. ఇప్పుడు… టీడీపీపై పాస్టర్లు విరుచుకుపడుతున్నారంటూ ప్రచారం చేస్తున్నారు. అనూహ్యంగా తెలుగుదేశం పార్టీ నేతలు కూడా.. చూడండి చంద్రబాబును పాస్టర్లు ఎలా తిడుతున్నారో …అంటూ ఆ వీడియోలను వైరల్ చేసేందుకు తన వంతు సాయం చేస్తోంది.

చంద్రబాబును తిడితే పూనకం వచ్చినట్లుగా ఊగిపోయే వైసీపీ కార్యకర్తలకు ఇది బాగానే ఉంది కానీ.. రాజకీయంగా తమ పార్టీకి చిక్కులు తెచ్చి పెట్టే అవకాశాలున్నాయన్న అభిప్రాయం మాత్రం ఆ పార్టీ పై స్థాయి నేతల్లో వినిపిస్తోంది. ఇటీవలి కాలంలో వివాదాస్పదమయిన ఇద్దరు పాస్టర్లు ప్రవీణ్ చక్రవర్తి, అజయ్ కిషోర్ ఇద్దరూ బ్రదర్ అనిల్ సంస్థతో కలిసి వ్యవహారాలు చక్క బెడుతున్నవారే. ఇద్దరూ సోషల్ మీడియాలో తమ తమ పోస్టులను పెట్టిన వారే. వైసీపీ నేతలతో.. బ్రదర్ అనిల్‌తో తమ అనుబంధాన్ని బయట పెట్టుకున్నవారే. ఇద్దరిలో ఒకరు విగ్రహాలను బద్దలు కొట్టేశామని చెబితే.. ఇంకొకరు చంద్రబాబుపై ఇష్టం వచ్చినట్లుగా తిట్లు లంకించుకున్నారు. పాస్టర్ అజయ్ కిషోర్ వీడియోను వైసీపీ నేతలు వైరల్ చేస్తున్నారు.

కానీ అది తమ పార్టీని క్రిస్టియన్లకే పరిమితం చేస్తుందన్న ఆలోచనకు రాలేకపోతున్నారు. అలాగే వైసీపీ నేతలు కొత్తగా కొన్ని క్రిస్టియన్ సంఘాలతో ధర్నాలకు పులికొల్పుతున్నారు. ఇలాంటి వ్యవహారాలన్నీ.. వైసీపీకి ఆయా వర్గాల్లో మద్దతు పెరగడానికి అవుతాయి కానీ.. ఇతర వర్గాలు దూరమవుతాయి. ఈ విషయం అంచనా వేయకుండా.. క్రిస్టియన్ సంఘాలను టీడీపీ, బీజేపీపైకి ఎగదోయడానికి సిద్ధమవుతున్న వైనం.. ఇతర రాజకీయ పార్టీల నేతలను కూడా ఆశ్చర్య పరుస్తోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

“సారంగదరియా” క్రెడిట్ కోసం రచ్చకెక్కిన జానపద గాయనీ మణులు

మిలియన్ల కొద్దీ వ్యూస్ తో ప్రస్తుతం తెలుగు రాష్ట్రాల్లో మారుమోగుతోంది సారంగదరియా పాట. లవ్ స్టోరీ పేరిట శేఖర్ కమ్ముల తెరకెక్కిస్తున్న సినిమాలో నాగచైతన్య సాయి పల్లవి హీరో హీరోయిన్లుగా నటిస్తున్నారు. మొన్నీమధ్య...

బీజేపీకి వ్యతిరేకంగా ఢిల్లీలో దీక్షకు రేవంత్ పిలుపు..! కేటీఆర్‌ స్పందిస్తారా..?

తెలంగాణలో ఏ ఎన్నికలు జరిగినా... టీఆర్ఎస్ వర్సెస్ బీజేపీ అన్నట్లుగా పోటీ ఉందని చెప్పుకోవడానికి ఆ రెండు పార్టీల నేతలు పోటాపోటీగా విమర్శలు చేస్తూంటారు. ఈ వ్యూహంతో కాంగ్రెస్ సైడ్‌కి...

విజయవాడలో జనసేన అభ్యర్థులకు ప్రచారం చేసిన వంగవీటి రాధా

స్థానిక సంస్థల ఎన్నికలు రాష్ట్రంలో రాజకీయ వాతావరణాన్ని వేడెక్కించిడమే కాకుండా అనేక రకాల సిత్రాలను ప్రజల ముందుకు తెస్తున్నాయి. విజయవాడ స్థానిక ఎన్నికల సందర్భంగా నిన్న తెలుగుదేశం పార్టీ నేతలే ఒకరిమీద ఒకరు...

ప్చ్.. ఐపీఎల్‌ గ్రౌండ్లలో హైదరాబాద్‌కు చోటు దక్కలేదు..!

ఐపీఎల్ 14వ సీజన్ ఇండియాలోనే జరుగుతోంది. టైం ప్రకారమే ప్రారంభం అవుతోంది. ఏప్రిల్ తొమ్మిది నుంచి టోర్నీ జరుగుతుంది. కానీ ఈ సారి అసలు షాక్ మాత్రం హైదరాబాదీలకు తగిలింది. సన్ రైజర్స్...

HOT NEWS

[X] Close
[X] Close