పోతిరెడ్డిపాడుపై ఏపీ జీవోను పట్టుకుని ఈదుతున్న టీ కాంగ్రెస్..!

తెలంగాణ ఏర్పడి ఆరేళ్లయిన సందర్భంగా..తెలంగాణ కాంగ్రెస్ ఏం చేయాలా అని ఆలోచించి… పోతిరెడ్డిపాడుపై ఏపీ సర్కార్ ఇచ్చిన జీవోనే పట్టుకుని రాజకీయంగా ఈదాలని నిర్ణయించుకుంది. తెలంగాణ ఆవిర్భావ దినోత్సవం సందర్భంగా కృష్ణాపై పెండింగ్ ప్రాజెక్టుల వద్ద జల దీక్షల ప్రోగ్రాం పెట్టుకున్నారు కాంగ్రెస్ నేతలు. పోతిరెడ్డిపాడు సామర్థ్యం పెంపు కోసం జగన్ జీవో ఇచ్చినా కేసీఆర్ మాట్లాడటం లేదని.. దక్షిణ తెలంగాణను ఎడారి చేస్తున్నారని వారు ఆరోపిస్తున్నారు. నల్లగొండ జిల్లాలో ఎస్‌ఎల్బీసీ వద్ద ఉత్తమ్ కుమార్ రెడ్డి, జానారెడ్డి, కోమటిరెడ్డి , ఖమ్మం పాలేరు జలాశయం వద్ద భట్టి, సీతక్క, పొడెం వీరయ్య , వికారాబాద్ జిల్లా లక్ష్మీదేవిపల్లి పంపు హౌస్ వద్ద రేవంత్ రెడ్డి, కొండ విశ్వేశ్వర్ రెడ్డి.. ఇతర ప్రాంతాల్లో ఇతర నేతలు దీక్షలకు కూర్చుంటున్నారు.

ప్రాజెక్టులు.. నీటి విషయంలో తెలంగాణ సర్కార్‌కు.. ప్రజల్లో మంచి పేరే వచ్చింది. రైతుల్లో… సానుకూలత కనిపిస్తోంది. అయితే.. పొరుగు రాష్ట్రం ఇచ్చిన ఓ జీవోను పట్టుకుని… ఆ సానుకూలతను వ్యతిరేకతగా మార్చాలనే ప్రయత్నాన్ని కాంగ్రెస్ పార్టీ నేతలు చేయడం… సొంత పార్టీలోనే కొంత మందికి నచ్చడం లేదు. ఏపీ సర్కార్ కేవలం జీవోనే ఇచ్చిందని… ఎన్జీటీ సహా.. అపెక్స్‌ కౌన్సిల్ సహా..అన్నీ ఆపేయమని.. చెప్పాయని ఇప్పుడు దాన్ని వివాదాస్పదం చేయడం ఎందుకని అంటున్నారు. అలా చేయడం వల్ల సెంటిమెంట్ పెరుగుతుందని.. దాని వల్ల టీఆర్‌ఎస్‌కే లాభమని గుర్తు చేస్తున్నారు.

అయితే.. కాంగ్రెస్ మాత్రం.. పోతిరెడ్డిపాడుపై ఏపీ జీవోను పట్టుకునే రాజకీయం చేయాలని నిర్ణయించేసుకుంది. కాంగ్రెస్‌లో నేతల మధ్య సఖ్యత లేదు. ఇప్పటికే.. పీసీసీ చీఫ్ పీఠం విషయంలో రేవంత్ రెడ్డి అండ్ అదర్స్ అన్నట్లుగా విడిపోయారు. సమైక్యంగా ఈ ప్రాజెక్టు దీక్షల్ని అయినా చేస్తారో.. లేక ఎవరికి వారో అన్నట్లుగా వ్యవహరిస్తారో చూడాల్సి ఉంది. కాంగ్రెస్ నేతల్లో ఉన్న అనైక్యతను టీఆర్ఎస్ నేతలు బాగానే ఉపయోగించుకుంటున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఆ దళిత రైతు ఆత్మహత్య ప్రభుత్వ హత్యే..!

నెల్లూరు జిల్లాలో ఓ దళిత రైతు.. తన భూమిని బలవంతంగా లాక్కుంటున్నారన్న ఆవేదనతో పురుగుల మందు తాగి ఆత్మహత్య చేసుకున్నారు. ఇలాంటి ఘటనలు రాష్ట్ర వ్యాప్తంగా పలు చోట్ల జరుగుతున్నాయి. అయితే.....

‘ల‌వ్ స్టోరీ’ ప్లానింగు ఇదీ….

సాధార‌ణంగా శేఖ‌ర్ క‌మ్ముల సినిమాలు తీసే తీరు పాసింజ‌ర్ రైలుని త‌ల‌పిస్తుంటాయి. ఆగి... ఆగి.. కొంచెం.. కొంచెం.. త‌న మూడ్ ని బ‌ట్టి, షూటింగ్ చేస్తుంటాడు శేఖ‌ర్ క‌మ్ముల‌. దానికి త‌గ్గ‌ట్టుగా లాక్...

ఆర్‌.ఎఫ్‌.సీలో సెటిలైపోతున్న రౌడీ

పూరి జ‌గ‌న్నాథ్ - విజ‌య్ దేవ‌ర‌కొండ కాంబినేష‌న్‌లో ఓ సినిమా రూపుదిద్దుకుంటున్న సంగ‌తి తెలిసిందే. విజ‌య్ న‌టిస్తున్న తొలి పాన్ ఇండియా ప్రాజెక్టు ఇది. క‌థ ప్ర‌కారం సినిమా మొత్తం ముంబైలోనే...

‘ఓ పిట్ట క‌థ’ లాభాల వెనుక పెద్ద క‌థ‌

లాక్ డౌన్‌కి ముందు, థియేట‌ర్లు మూసివేయ‌డానికి ఓ వారం ముందు విడుద‌లైన సినిమా 'పిట్ట‌క‌థ‌'. మంచి ప‌బ్లిసిటీతో విడుద‌లైన ఈ చిన్న సినిమా.. బాక్సాఫీసు ద‌గ్గ‌ర ఏ ర‌క‌మైన ప్ర‌భావాన్నీ చూపించ‌లేక‌పోయింది. క‌రోనా...

HOT NEWS

[X] Close
[X] Close