జూన్ వచ్చేస్తోంది. మరో ఐదు నెలల్లో తెలంగాణలో అసెంబ్లీ ఎన్నికల పోలింగ్ ముగిసిపోతుంది. దీంతో రాజకీయ పార్టీలన్నీ పూర్తి స్థాయిలో ఎన్నికల మూడ్ లోకి వచ్చేశాయి. కేసీఆర్ అభ్యర్థుల్ని ఖరారు చేసేసి.. తుది మెరుగులు దిద్దుతున్నారు. ఇతర పార్టీలు కూడా అదే దశగా ఉన్నాయి. షర్మిల కూడా .. ఏదో ఓ పార్టీతో జత కట్టాలని చూస్తున్నారు. అన్ని రాజకీయ పార్టీలు ఫీల్డ్ లోకి దిగే ముందు.. ఇతర పనులను చక్కబెట్టుకునేందుకు ప్రయత్నాలు చేస్తున్నాయి.
కేసీఆర్ .. బీఆర్ఎస్ మళ్లీ వస్తుందన్న భావన కల్పించడానికి ప్రయత్నిస్తున్నారు. ఆయన లెక్క వందకు తగ్గట్లేదు. అలాగని నిర్లక్ష్యం చేయడం లేదు. పూర్తి స్థాయిలో తెలంగాణపైనే దృష్టి పెట్టారు. కాంగ్రెస్ పార్టీ రేవంత్ రెడ్డి పీసీసీ చీఫ్ అయ్యాక రేసులోకి వచ్చింది. ఆయనకు ధీటైన నేతలం అని చెప్పుకునేందుకు ఇతర సీనియర్లు పాదయాత్రలు..ఇతర పనులు చేపట్టడం ఆ పార్టీకి ప్లస్ అనుకోవాలి. కర్ణాటకలో గెలవడం అడ్వాంటేజ్ అయింది.
బీజేపీ చేరికలు లేకపోవడంతో డీలాపడింది. చేరిన నేతలు కూడా వెనక్కి వెళ్లిపోయే పరిస్థితి ఏర్పడింది. మళ్లీ బౌన్స్ బ్యాక్ అవడానికి బీజేపీ ప్రయత్నిస్తోంది. ఢిల్లీ లిక్కర్ స్కామ్ లో కవిత అరెస్ట్ కాకపోవడంతో .. ఆ ప్రభావం పార్టీపై ఉందని.. బీజేపీ నేతలు..హైకమాండ్ పై ఒత్తిడి చేస్తున్నారు. ఈ క్రమంలో కొత్త పరిణామాలు చోటు చేసుకుంటాయో లేదో స్పష్టత లేదు. అదో ఓ చర్య తీసుకోకపోతే.. బీఆర్ఎస్, బీజేపీ ఒకటేనన్న భావన ప్రజల్లోకి బలంగా వెళ్తుంది. అది కాంగ్రెస్ పార్టీకి్ మేలు చేస్తుంది.
అంతిమంగా ఎన్నికలకు అవసరమైన బ్యాక్ గ్రౌండ్ వర్క్ ను రాజకీయ పార్టీలు రెడీ చేసుకున్నాయి. మరో నెల తర్వాత అందరూ ప్రచార బరిలోకి దిగే అవకాశాలు ఉన్నాయి.
