తెలంగాణకు కిక్కిస్తున్న ఏపీ మద్యం వ్యాపారులు..!

తెలంగాణలో మద్యం షాపులకు దరఖాస్తు చేసుకున్న వారి సంఖ్య రెట్టింపయింది. తెలంగాణలో ఉన్న 2216 దుకాణాల కోసం 48వేల మందికిపైగా వ్యాపారులు దరఖాస్తు చేసుకున్నారు. గత ఏడాది వీరి సంఖ్య ఇరవై నాలుగు వేల లోపే ఉంది. షాపు కోసం దరఖాస్తు ఫీజు రూ. రెండు లక్షలు. లాటరీలో మద్యం షాపు దక్కినా.. దక్కకపోయినా .. ఈ రూ. రెండు లక్షలు మాత్రం తిరిగి ఇవ్వరు. అంటే.. ఈ 48వేల మంది దరఖాస్తుల దగ్గర నుంచి తెలంగాణ సర్కార్ కు రూ. 907 కోట్ల ఆదాయం వచ్చింది. గత ఏడాది ఇలా వచ్చిన ఆదాయం రూ. నాలుగు వందల కోట్లలోపే ఉంటుంది. అంటే.. ఈ సారి ఐదు వందల కోట్ల అదనపు ఆదాయం వచ్చింది.

తెలంగాణలో ఇంత భారీగా మద్యం దుకాణాలకు పోటీ పెరగడానికి కారణం.. ఏపీ నుంచి మద్యం వ్యాపారులు తెలంగాణలో షాపుల కోసం పోటీ పడటమే. ఏపీలో ప్రభుత్వం మద్యం విధానం మార్చింది. సొంతంగా అమ్మడం ప్రారంభించింది. దీంతో వ్యాపారులు.. తమ వ్యాపారాన్ని వదిలి పెట్టాల్సి వచ్చింది. కొత్త వ్యాపారాలు ఏపీలో సాగే పరిస్థితి లేదు. అందుకే.. అందరూ తెలంగాణపై దృష్టి సారించారు. అలా.. దాదాపుగా ఇరవై వేల మందికిపైగా ఏపీ నుంచి .. వచ్చి తెలంగాణలో మద్యం వ్యాపారాల కోసం దరఖాస్తు చేసినట్లుగా తెలుస్తోంది. అంటే.. ఏపీ మద్యం వ్యాపారుల నుంచి తెలంగాణ ప్రభుత్వానికి దరఖాస్తుల రూపేణానే.. రూ. ఐదు వందల కోట్లు దక్కాయన్నమాట.

తెలంగాణ సర్కార్‌కు ఇది డబుల్ బోనాంజా లాంటిది. ఇప్పటికే సరిద్దు ప్రాంతాల ప్రజలు ఏపీలో మద్యం తాగడం మానేసి.. తెలంగాణ ప్రాంతానికి వచ్చి … తాగేసి వెళ్తున్నారు. ఏపీలో మద్యం ధరలు విపరీతంగా పెరగడమే కాదు.. అమ్మే సమయాన్ని కూడా కుదించారు. దాంతో.. తెలంగాణలో మద్యం అమ్మకాలు పెరుగుతాయని వ్యాపారులు అంచనా వేస్తున్నారు. ఈ కారణంగా కూడా.. తెలంగాణలో మద్యం దుకాణాలకు డిమాండ్ పెరిగినట్లుగా అంచనా వేస్తున్నారు. ధరలు పెంచి.. ప్రభుత్వమే.. మద్యం అమ్ముతూండటం వల్ల.. ఏపీ సర్కార్ కు డబుల్ ఆదాయం… వ్యాపారులు తెలంగాణకు రావడం.. వల్ల తెలంగాణకు ఆదాయం… ఇలా రెండు రాష్ట్రాలకూ లాభం వస్తోంది. కానీ.. “టాక్స్ పేయర్ల”కు మాత్రమే జేబుకు చిల్లు పడుతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఇంగ్లిష్ మీడియం కోసమూ సుప్రీంకోర్టుకు ఏపీ సర్కార్..!

వచ్చే విద్యా సంవత్సరం నుంచి ఎట్టి పరిస్థితుల్లోనూ ఏపీలో ఇంగ్లిష్ మీడియం మాత్రమే ఉండాలనే పట్టుదలను ప్రదర్శిస్తున్న ఏపీ సర్కార్.. సుప్రీంకోర్టు తలుపు తట్టింది. ఇంగ్లీష్ మీడియంపై హైకోర్టు ఆదేశాలను సుప్రీంలో...

కృష్ణా బోర్డు భేటీలో ఎప్పటి వాదనలే.. ఎప్పటి వాటాలే..!

కృష్ణా నద యాజమాన్య బోర్డు భేటీలో ఆరు గంటలు వాదోపవాదాలు చేసుకున్నా..చివరికి మొదటికే వచ్చారు రెండు రాష్ట్రాల అధికారులు. ఇద్దరి వాదనలుక..కేఆర్ఎంబీ బోర్డు.. డీపీఆర్‌లు సమర్పించాలనే సూచనతో ముగింపునిచ్చింది. డీపీఆర్‌లు...

తూచ్.. విజయ్‌ మాల్యాను అప్పగించరట..!

విజయ్ మాల్యాను అప్పగించడం లేదని బ్రిటన్ ప్రభుత్వం తేల్చేసింది. న్యాయపరమైన ప్రక్రియ పూర్తి కాలేదని.. చట్ట లాంచనాలు పూర్తి చేయాల్సి ఉందని అక్కడి ప్రభుత్వం చెబుతోంది. అవి ఏమిటో..ఎప్పుడు పూర్తవుతాయో..మాత్రం చెప్పడం లేదు....

బాల‌య్య ఇంట్లో విందు… చిరు వ‌స్తాడా?

జూన్ 10... బాల‌కృష్ణ పుట్టిన రోజు. ఈసారి పుట్టిన రోజు ప్ర‌త్యేక‌త ఏమిటంటే.. ఇది ఆయ‌న ష‌ష్టి పూర్తి మ‌హోత్స‌వ సంవ‌త్స‌రం. అందుకే ఈ పుట్టిన రోజుని కాస్త ప్ర‌త్యేకంగా జ‌రుపుకోవాల‌ని బాల‌య్య...

HOT NEWS

[X] Close
[X] Close