పేదలకు బతుకుపై భరోసా..! కాంగ్రెస్ మేనిఫెస్టో ఆచరణ సాధ్యమేనా..?

కాంగ్రెస్ పార్టీ ప్రజాకర్షణ మేనిఫెస్టోను ప్రకటించింది. న్యాయ్ పథకం ద్వారా పేదలకు ఏడాదికి 72 వేల రూపాయల చొప్పున అందిస్తామన్నది కాంగ్రెస్ మేనిఫెస్టోలో మొదటి కీలకాంశం. అధ్యయనం చేసి, అర్థం చేసుకున్న తర్వాత ఆచరణ సాధ్యమని గ్రహించి ఈ పథకాన్ని ప్రకటించామని రాహుల్ గాంధీ స్వయంగా ప్రకటించారు. ప్రధానంగా ఐదు పథకాల్ని ప్రజల్లోకి తీసుకెళ్లాలని నిర్ణయించుకున్నారు. మొదటి అంశం న్యాయ్‌కు సంబంధించినది. రెండోది ఉద్యోగాల భర్తీ. ప్రస్తుతం ఖాళీ ఉన్న 22 లక్షల పోస్టులను భర్తీ చేస్తామన్నది రెండో హామీ. పంచాయతీల్లో 10 లక్షల ఉద్యోగాలను భర్తీ చేస్తామని, కొత్తగా వ్యాపారం చేసుకునేవారికి తొలి మూడేళ్ల పాటు ఎలాంటి అనుమతులూ అవసరం లేకుండా చేస్తామని కాంగ్రెస్ చెబుతుంది. గ్రామీణ ఉపాధి హామీని పటిష్ఠం చేస్తూ… ఇప్పుడున్న పని దినాలను 100 నుంచి 150కి పెంచుతామి హామీ ఇచ్చారు.

రైతుల కోసం ప్రత్యేక బడ్జెట్ తీసుకురావడం మూడోది. బ్యాంకులకు వేల కోట్లు ఎగవేసి విదేశాలకు పారిపోయిన మాల్యా, నీరవ్ మోదీ లాంటి వారిని వదిలేస్తున్నారని, పేద రైతులను మాత్రం ఇబ్బంది పెడుతున్నారని కాంగ్రెస్ అంటోంది. ఇకపై రుణాలు చెల్లించలేని రైతులపై పెట్టే కేసులను క్రిమినల్ కేసులుగా పరిగణించబోమని, వాటిని సివిల్ కేసులుగా లెక్కగడతామని రాహుల్ స్వయంగా చెప్పారు. వ్యవసాయాభివృద్ధికి జాతీయ కమిషన్ ఏర్పాటు చేస్తారు. స్థూల జాతీయోత్పత్తిలో ఆరు శాతాన్ని విద్యా రంగానికి కేటాయిస్తామని కాంగ్రెస్ మేనిఫెస్టోలో పేర్కొన్నారు. అందరికీ అత్యుత్తమ విద్యా సంస్థల్లో చదువుకునే అవకాశం కల్పిస్తామన్నారు. విద్యాలయాల్లో తగిన మౌలిక సదుపాయాలతో పాటు అంకితభావంతో పనిచేసే ఉపాధ్యాయుల్ని నియమిస్తామన్నారు. వైద్య రంగానికి పెద్ద పీట వేయడం ఐదో కీలక హామీ. ప్రస్తుతం పేద ప్రజల నుంచి డబ్బులు వసూలు చేసి ప్రైవేటు బీమా సంస్థలకు చెల్లించే పరిస్థితి నెలకొందని కాంగ్రెస్ ఆరోపించింది. పేదలకు మేలైన వైద్య సేవలు అందిస్తామన్నారు.

అధికారంలోకి రాగానే రఫేల్‌ ఒప్పందం మీద విచారణ జరిపిస్తామని కాంగ్రెస్ హామీ ఇచ్చింది. వివిధ బ్యాంకుల్లో రుణాలు ఎగ్గొట్టి విదేశాలకు పారిపోయిన వారిపై సమగ్ర విచారణ విచారణ జరిపిస్తామని కాంగ్రెస్ చెబుతోంది. మోదీ ప్రోత్సాహంతోనే ఆర్థిక నేరగాళ్లు రెచ్చిపోతున్నారని రాహుల్ ఆరోపించారు. ప్రజల వాక్కు విన్న తర్వాత, వారి ఆలోచనా విధానం తెలుసుకున్న తర్వాతే మేనిఫెస్టో రూపొందించారు. సామాన్య ప్రజల అవసరాలను దృష్టిలో పెట్టుకుని మేనిఫెస్టో సిద్ధం చేశారు. దేశం ఆర్థిక అత్యవసర పరిస్థితిని ఎదుర్కొంటోందని, సమస్యల నుంచి జనాన్ని గట్టెక్కించడమే తమ కర్తవ్యమని కాంగ్రెస్ పార్టీ అంటోంది. గబ్బర్ సింగ్ టాక్స్‌ను మళ్లీ జీఎస్టీగా మార్చుతామని కాంగ్రెస్ చెబుతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

మళ్లీ తెలంగాణలో డ్రగ్స్ కేసుల కలకలం !

హైదరాబాద్, సైబరాబాద్‌కు ఇప్పుడు ఉన్న కమిషనర్ల నేరస్తును ఓ ఆట ఆడిస్తున్నారు. సైబరాబాద్ కమిషనర్ సైబర్ ఫ్రాడ్‌ల మీద దృష్టి పెడితే.. హైదరాబాద్ కమిషన్ సీవీ ఆనంద్ డ్రగ్స్ కేసుల్ని వెలికి తీస్తున్నారు....

ఎన్నికల జిమ్మిక్ అనుకున్నా సరే.. ప్రధాని స్టైల్ అదే !

ప్రధానమంత్రి నరేంద్రమోడీ రిపబ్లిక్ డే వేడుకల్లో భిన్నంగా కనిపించారు. భగత్ సింగ్ తరహా టోపీ..  ఓ విభిన్నమైన కండువాతో వేడుకల్లో పాల్గొన్నారు. టోపీపై బ్రహ్మకమలం ముద్ర ఉంది. కాసేపటికే నెటిజన్లు అవి ఎక్కడివో...

అదే నరసింహన్ గవర్నర్ అయితే ఇలా జరిగేదా !?

రిపబ్లిక్ డే రోజున కేసీఆర్ రాజ్యాంగాన్ని అవమానించారని హుజురాబాద్ ఎమ్మెల్యే ఈటల రాజేందర్ ఫైరయ్యారు. కారణం ఏమిటంటే రాజ్‌భవన్‌లో జరిగే రిపబ్లిక్ డే వేడుక.. జెండా పండుగకు కేసీఆర్ వెళ్లలేదు. కనీసం సీనియర్...

“కొత్త జిల్లాల పని” చేస్తామంటున్న ఉద్యోగ సంఘాలు !

ఉద్యోగులంతా ఉద్యమంలో ఉన్న సమయంలో ప్రజల దృష్టి మరల్చేందుకే కొత్త జిల్లాలంటూ ప్రభుత్వం ప్రకటనలు చేసిందని ఆరోపణలు వస్తున్న సమయంలో ఉద్యోగ సంఘాలు భిన్నంగా స్పందించాయి. ఐఏఎస్‌లు మినహా ఉద్యోగలంతా సమ్మెలోకి...

HOT NEWS

css.php
[X] Close
[X] Close