అతనో పేరు మోసిన నిర్మాత తనయుడు. తను కూడా నిర్మాతగా, సహ నిర్మాతగా, సమర్పకుడిగా వ్యవహరించిన సందర్భాలున్నాయి. పేరుకు తండ్రే నిర్మాత అయినా… ఆ బాధ్యతలన్నీ తానే చూసుకుంటుంటాడు. రెండో బ్యానర్ కూడా స్థాపించి సినిమాలు తీస్తున్నాడు కూడా. అయితే.. ఇప్పుడు ఆ యువ నిర్మాత ఓ కథానాయిక వలలో పడినట్టు టాలీవుడ్లో గుసగుసలు వినిపిస్తున్నాయి. సదరు హీరోయిన్తో ఈ సంస్థ ఓ సినిమా చేసింది. అప్పటి నుంచీ.. హీరోయిన్ కీ, నిర్మాత తనయుడికీ మధ్య అనుబంధం మొదలైంది. ఆ సినిమా విడుదలై, ఫ్లాప్ అయి.. దాని గురించి మర్చిపోయారు కూడా. అయితే ఆ బంధం మాత్రం ఇప్పటికీ కొనసాగుతూనే ఉంది. హైదరాబాద్లోని ఓ ఖరీదైన హోటెల్ లో ఆ హీరోయిన్ కోసం ఎప్పుడూ ఓ సూట్ బుక్కయి ఉంటోందట. ఆ బిల్లులు మొత్తం నిర్మాత తనయుడే భరిస్తున్నాడని, ఆమె కోసం డబ్బుల్ని ధారాళంగా ఖర్చు చేస్తున్నాడని గాసిప్పులు వినిపిస్తున్నాయి. ఇక్కడ ఓ ట్విస్టేమిటంటే… ఆ హీరోయిన్కి ఓ దర్శకుడితో లింకు చేసి కొన్ని వార్తలు పుట్టించారు మీడియా జనాలు. ఆ దర్శకుడిని ఎప్పుడో సైడ్ చేసేసి.. ఈ నిర్మాత తనయుడితోనే కలిసి ఉంటోందని చెప్పుకుంటున్నారు. తనయుడు దారి తప్పడం చూసి ఆ తండ్రి కూడా లబోదిబోమంటున్నాడని, పైకి చెప్పుకోలేక నానా అవస్థ పడుతున్నాడని సన్నిహిత వర్గాలు చెబుతున్నాయి.