[X] Close




[X] Close




రాజమండ్రిని న్యాయరాజధాని రేసులోకి తెచ్చిన ఉండవల్లి..!

ఉండవల్లి అరుణ్ కుమార్.. రాజమండ్రి కోసం.. గొంతెత్తారు. కర్నూలుతో పాటు రాజమండ్రిలోనూ హైకెర్టు బెంచ్ పెట్టాలని డిమాండ్ చేశారు. జగన్మోహన్ రెడ్డి మూడు రాజధానుల ప్రస్తావన తెచ్చి రెండు నెలలు దాటిపోయింది. ఈ మధ్య కాలంలో పలుమార్లు మీడియా సమావేశాలు నిర్వహించినా… ఉండవల్లి… కానీ ఎప్పుడూ.. రాజమండ్రికి ఫలానాది కావాలని అడగలేదు. తొలి సారి.. రాజమండ్రికి హైకోర్టు బెంచ్ కావాలని అడిగారు. వైఎస్ఆర్ హయాంలో.. రాజమండ్రిలో ఓ సారి హైకోర్టు బెంచ్ పెట్టాలనుకున్నారన్న సంగతిని ఉండవల్లి గుర్తు చేస్తున్నారు. స్వయంగా న్యాయవాది అయిన ఉండవల్లికి… ఇప్పటి వరకూ రాజమండ్రిలో హైకోర్ట్ అనే వి,యం గుర్తు రాలేదు… ఇప్పుడే ఆ టాపిక్ ఎందుకు హైలెట్ చేశారన్నది ఆసక్తికరంగా మారింది.

అప్పుడప్పుడు పెట్టే ప్రెస్‌మీట్లలో ఉండవల్లి.. జగన్మోహన్ రెడ్డిపై … సుతిమెత్తగా విమర్శలు చేస్తున్నారు. ఇప్పుడు కూడా అదే పని చేశారు. పోలవరం ప్రాజెక్టును జగన్మోహన్ రెడ్డి పూర్తి స్థాయిలో నిర్లక్ష్యం చేస్తున్నారని.. ఆ ప్రాజెక్టుకు కేంద్రం ఇచ్చిన నిధులను.. ఇతర వాటికి సంతర్పణలు చేశారని మండిపడ్డారు. ఇలా చేస్తే రాష్ట్ర భవిష్యత్ ఏమవుతుందని ప్రశ్నించారు. పోలవరం పూర్తి చేస్తారనే జగన్‌కు… ప్రజలు ఓట్లు వేశారని చెప్పుకొచ్చారు. కొత్త మద్యం విధానం వల్ల.. ఏపీ మరిన్ని కష్టాల్లో పడిందని ఆయన విశ్లేషించారు. గ్రామాల్లో నాటు సారా.. పెరిగిపోతోందని.. ఇది చాలా ప్రమాదకరమని చెప్పుకొచ్చారు.

అనూహ్యంగా.. ఉండవల్లి అరుణ్ కుమార్… మీడియాపై జగన్మోహన్ రెడ్డి విధించిన అప్రకటిత నిషేధాన్ని ఖండించారు. తప్పులు చేస్తున్నప్పుడే భయపడి మాత్రమే.. పాలకులు ఇలా మీడియాను నియంత్రించాలని చూస్తారన్నారు. ఈ లెక్కన జగన్ తప్పులు చేస్తున్నారని.. ఉండవల్లి చెప్పినట్లయింది. అదే సమయంలో.. వైఎస్ఆర్ ఎప్పుడూ.. మీడియాను నియంత్రించలేదని.. సలహా ఇచ్చారు. కానీ.. జగన్మోహన్ రెడ్డి ఇప్పుడు.. వైఎస్ చేసిన పనులకు పూర్తి వ్యతిరేకంగా వెళ్తున్నారు. మండలి రద్దు సహా.. అనేక అంశాల్లో.. వైఎస్ చేసిన వ్యవహారాలకు రివర్స్‌లో చేస్తున్నారు. దీన్ని ఉండవల్లి గుర్తించలేదేమో కానీ.. ఒక్క మీడియాపై బ్యాన్ విషయంలోనే మాత్రం.. జగన్‌కు సలహా ఇచ్చే ప్రయత్నం చేశారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com

Most Popular

ఏప్రిల్ 30 వరకు లాక్ డౌన్ పొడిగించిన ఒడిశా

కరోనా వ్యాప్తి నివారించడానికి భారత ప్రభుత్వం విధించిన 21 రోజుల లాక్ డౌన్ ఏప్రిల్ 15వ తేదీన ముగియనుంది. అయితే ఏప్రిల్ 15వ తేదీకి లాక్ డౌన్ ఎత్తివేసే పరిస్థితి ప్రస్తుతం కనిపించడం...

క‌రోనా ఎఫెక్ట్ : బొమ్మ‌కి ‘బొమ్మ’ క‌నిపించ‌డం ఖాయం

బిఫోర్ క‌రోనా - ఆఫ్ట‌ర్ క‌రోనా అని విడ‌దీసుకుని చూసుకోబోతున్నామేమో..? ప‌రిస్థితులు అలానే క‌నిపిస్తున్నాయి. ఎందుకు పుట్టిందో తెలీదు గానీ, ఈ మ‌హ‌మ్మారి వ్య‌వ‌స్థ‌ల‌న్నింటినీ త‌ల‌కిందులు చేసేసింది. మ‌నిషి మ‌నుగ‌డ‌కే ప్ర‌శ్నార్థ‌కంగా...

12 గంటల్లో ఏపీలో ఒక్కటీ నమోదు కాని పాజిటివ్ కేస్.!

ఆంధ్రప్రదేశ్‌లో గత పన్నెండు గంటల్లో ఒక్కటంటే.. ఒక్క కరోనా పాజిటివ్ కేసు కూడా నమోదు కాలేదు. నిన్న రాత్రి తొమ్మిది గంటల నుండి ఈ ఉదయం తొమ్మిది గంటల వరకూ... చేసిన...

అయితే పచ్చ మీడియా..లేకపోతే కులం..! వైసీపీ ఎదురుదాడి అస్త్రాలు ఈ రెండే..!?

ఆంధ్రప్రదేశ్‌లో యూనివర్శిటీల పాలక మండళ్ల నియామకం విషయంలో ఆంధ్రప్రదేశ్ ప్రభుత్వం వ్యవహరించిన తీరు తీవ్ర వివాదాస్పదమవుతోంది. వైరస్ తీవ్రంగా వ్యాప్తి చెందుతున్న దశలో.. యంత్రాంగం మొత్తం... దానిపైనే దృష్టి పెట్టినా... హఠాత్తుగా వర్శిటీల...

HOT NEWS