అఖిల్ రెండో సినిమా వంశీపైడిప‌ల్లితోనే అని గంపెడాశ‌లు పెట్టుకొన్నారు అక్కినేని అభిమానులు. ఆ సినిమా ముందుకీ, వెన‌క్కీ ఊగిస‌లాడింది. ఇప్పుడు ఈ సినిమా మొత్తానికి క్యాన్సిల్ అయ్యింది. అఖిల్ కోసం వంశీ కొన్ని క‌థ‌లు సిద్దం చేయ‌డం, అవి అఖిల్‌కి న‌చ్చ‌క‌పోవ‌డంతో అఖిల్ రెండో సినిమా ఇప్ప‌టి వ‌ర‌కూ డిలే అవుతూ వ‌స్తోంది. ఇక ఎంత‌కీ అఖిల్ నుంచి రెస్పాన్స్ రాక‌పోవ‌డంతో… వంశీపైడిప‌ల్లి త‌న దారి తాను చూసుకొంటున్నాడ‌ట. కొన్ని క‌థ‌లు సిద్ధం చేసుకొని హీరోల కోసం అన్వేషిస్తున్నాడ‌ని టాక్‌. వంశీకి యాక్ష‌న్ క‌థ‌లు బాగా తీస్తాడ‌న్న పేరుంది. ఇప్పుడు న‌డుస్తోంది అదే ట్రెండ్‌. కాబ‌ట్టి వంశీ క‌థ చెప్తానంటే నో అని చెప్పే హీరో ఉండ‌క‌పోవొచ్చు. దానికి త‌గ్గ‌ట్టు ఊపిరి లాంటి స‌క్సెస్‌తో మ‌నోడు కూడా మంచి కాన్ఫిడెన్స్‌తో ఉన్నాడు. ఆ న‌మ్మ‌కంతోనే.. ఇప్పుడు అఖిల్ ని వ‌దిలేసి.. కొత్త హీరోల వెంట ప‌డ్డాడు. అఖిల్ కూడా ఒక‌రిద్ద‌రితో క‌మిట్ అయిపోయాడ‌ని టాక్‌. అతి తొంద‌ర్లో అఖిల్ రెండో సినిమాకి సంబంధించిన అధికారిక ప్ర‌క‌ట‌న వెలువ‌డే అవ‌కాశాలున్నాయి.
ఇది ఫిక్స్ : అఖిల్ – వంశీ సినిమా లేదు
