దూబే హతం..! బుల్లెట్‌కు బుల్లెట్‌తోనే ఆన్సర్..!

యూపీ గ్యాంగ్ స్టర్ వికాస్ దూబేను.. యూపీ పోలీసులు ఎన్‌కౌంటర్ చేశారు. అతనిని కాపాడేందుకు చాలా మంది ప్రయత్నిస్తున్నారని ప్రచారం జరుగుతున్న సమయంలో.. మరో విమర్శకు తావివ్వకుండా…యూపీ శివార్లలోనే ఎన్‌కౌంటర్ చేసేశారు. డీఎస్పీ సహా ఎనిమిది మంది పోలీసుల్ని అత్యంత దారుణంగా కాల్చి పడేసిన దూబే గ్యాంగ్… ఆ తర్వాత తప్పించుకుంది. ఆ తర్వాత దొరికిన వారిని దొరికినట్లుగా కాల్చిపడేసిన యూపీ పోలీసులకు దూబే మాత్రం దొరకలేదు. ఆనూహ్యంగా ఆయన మధ్యప్రదేశ్‌లోని ఉజ్జయినిలో పోలీసులకు చిక్కాడు. ఆయనను కాపాడేందుకు.. అక్కడ పోలీసులకు లొంగిపోయేలా చేశారన్న విమర్శలు వచ్చాయి. ట్రాన్సిట్‌ వారెంట్‌తో యూపీ పోలీసులు దూబేను అదుపులోకి తీసుకుని యూపీకి తరలించే సమయంలో.. మధ్యలో… పోలీసుల వద్ద గన్ లాక్కుని కాల్పులు జరబోయాడు. ఆత్మరక్షణ కోసం పోలీసులు తిరిగి కాల్పులు జరపడంతో దూబే ఎక్‌కౌంటరయ్యాడు.

ఈ వికాస్ దూబే. మామూలోడు కాదు. ఇరవై ఏళ్ల కిందటే.. అప్పట్లో ఇప్పటి రక్షణ మంత్రి రాజ్‌నాథ్ సింగ్.. యూపీ ముఖ్యమంత్రిగా ఉన్నప్పుడు.. ఆయన కేబినెట్‌లోని మంత్రిని.. పోలీస్ స్టేషన్‌లో కాల్చి పడేసిన చరిత్ర ఉంది. అప్పటి నుండి ఆయన రౌడీగానే చెలామణి అవుతున్నారు. ఒక్క కేసులోనూ శిక్ష పడలేదు. కొన్ని సార్లు జైలు నుంచే మర్డర్లకు స్కెచ్ వేయించారు. అన్నీ తెలిసినా … పోలీసులు దూబే జోలికి వెళ్లలేకపోయారు. అన్ని రాజకీయ పార్టీలతోనూ ఆయనకు సన్నిహిత సంబంధాలున్నాయి. అక్కడి గ్రామ రాజకీయాలను ఆయన శాసిస్తారు. అందుకే పోలీసులు కూడా లైట్ తీసుకుంటారు.

యూపీలో యోగి ప్రభుత్వం వచ్చిన తర్వాత అక్కడి రౌడీలపై ప్రత్యేక దృష్టిపెట్టింది. నిజంగా చంపిందో లేదో కానీ.. కొన్ని వందల మంది రౌడీలను ఎన్ కౌంటర్ చేశామని.. యూపీలో శాంతిభద్రతలకు ఢోకా లేదని.. చెబుతూ ఉంటుంది. కానీ అక్కడ ఎంత మంది రౌడీలను ఎన్ కౌంటర్ చేసినా.. పరిస్థితుల్లో మార్పు రాలేదు. ఉన్న వారిలో భయం కలగలేదని తాజా పరిణామాలు స్పష్టం చేస్తున్నాయి. పోలీసుల కాల్చివేత తర్వాత వికాస్ దూబే గ్యాంగ్‌లోని వారందర్నీ దాదాపుగా ఎన్‌కౌంటర్ చేసేశారు. ఇప్పుడైనా.. యూపీలో పరిస్థితి మారుతుందో లేదో మరి.. !

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఏపీలో బీజేపీ అధికారంలోకి రావడం అవసరం  : రామ్మాధవ్

ఆంధ్రప్రదేశ్‌లో ప్రతిపక్ష స్థానం ఖాళీగా ఉందని..  దాన్ని భర్తీ చేయాలని బీజేపీ జాతీయ ప్రధానకార్యదర్శి రామ్‌మాధవ్ పార్టీ కార్యకర్తలకు పిలుపునిచ్చారు. సోము వీర్రాజు.. ఏపీ  బీజేపీ అధ్యక్షుడిగా బాధ్యతలు చేపడుతున్న కార్యక్రమంలో పాల్గొనేందుకు...

చిరు మాస్టర్ ప్లాన్

ఆచార్య త‌ర‌వాత‌.. భారీ లైన‌ప్ అట్టి పెట్టుకున్నాడు చిరంజీవి. ఓ వైపు బాబీకి ఓకే చెప్పిన చిరు, మ‌రోవైపు మెహ‌ర్ ర‌మేష్‌కి గ్రీన్ సిగ్న‌ల్ ఇచ్చాడు. ఇంకోవైపు వినాయ‌క్ తో సినిమా చేయ‌డానికి...

అఖిల్ – సురేంద‌ర్ రెడ్డి ఫిక్స్

`సైరా` త‌ర‌వాత సురేంద‌ర్ రెడ్డి ప్రాజెక్టు ఎవ‌రితో అన్న విష‌యంలో గంద‌ర‌గోళం నెల‌కొంది. అగ్ర హీరోలంతా బిజీ బిజీగా ఉండ‌డంతో.. సురేంద‌ర్ రెడ్డికి అనుకోని విరామం తీసుకోవాల్సివ‌చ్చింది. కొంత‌మంది కోసం క‌థ‌లు సిద్ధం...

సచివాలయం గాయబ్..!

దశాబ్దాల పాటు ఉమ్మడి రాష్ట్ర పాలనా కేంద్రంగా ఉన్న హైదరాబాద్‌ హుస్సేన్ సాగర్ ఒడ్డున ఉన్న భవనాలు నేలమట్టం అయ్యాయి. మొత్తం పదకొండు భవనాలను నామరూపాల్లేకుండా తొలగించేశారు. శరవేగంగా ఇరవై ఐదు...

HOT NEWS

[X] Close
[X] Close