మా ఇష్టం : వాళ్లపైనే “నా ఇష్టమా”..? మిగిలిన వారిపై భయంతో కూడిన గౌరవమా..?

  • ” ఎంత ఎక్కువ మంట పెడితే.. అంత ఎక్కువ మరుగుతుంది..”
  • “ఎంత ఎక్కువగా అన్యాయం జరిగితే అంత కోపం వస్తుంది…”
  • “ఎంత ఎక్కువగా నష్టపోతే… అంత ఎక్కువగా విరక్తి వస్తుంది…”
  • ” అవసరానికి మాత్రమే రియాక్షన్ బయటకు వస్తుంది..” …

ఇదంతా కామనే. ఇది మెగా బ్రదర్ నాగేంద్రబాబు అలియాస్ నాగబాబు ” నా ఇష్టం” వీడియోలను చూస్తే.. వచ్చే రియాక్షనే. కానీ ఆయన వన్ సైడ్‌గానే ఎందుకు వెళ్తున్నారు..? ఏపీలో టీడీపీ, వైసీపీపైనే ఎందుకు వీడియోలు పెడుతున్నారు..? తన తమ్ముడ్ని నిద్రలేపే బాధ్యత తీసుకోరా..? తెలంగాణ పౌరుడిగా .. తన ప్రభుత్వంపై నోరెత్తే సాహసం చేయలేరా..?.

తమ్ములుంగారి “రక్తం మరిగినప్పుడు” ఏమైపోయారు…?

ఆంధ్రప్రదేశ్‌కు కేంద్రం అన్యాయం చేసిందని… చంద్రబాబు అసెంబ్లీలో ఆవేశపడిన వీడియోను తీసి.. మంట ఎక్కువైతే.. మరుగుతుందని.. కామెడీ చేశారు నాగేంద్రబాబు. కొన్నాళ్ల క్రితం… ప్రత్యేకహోదా పేరుతో.. తిరుపతి, కాకినాడ, అనంతపురంలలో సభలు పెట్టి.. తమ్ముడు పవన్ కల్యాణ్ చెలరేగిపోయారు. మోడీ తాట తీస్తానన్నారు. పిడికిలి బిగింగి గాల్లోకి విసిరారు. గుండెలు బాదుకుని… హోదా సాధించే వరకూ పోరాటం ఆగేది లేదన్నారు. కానీ ఇంటర్వెల్ తర్వాత సీన్ మారిపోయింది. మోడీ అంటే.. ఇష్టం, గౌరవం అంటూ.. మాట్లాడుతున్నారు. ప్రత్యేకహోదా కోసం.. ఆమరణదీక్ష చేస్తా.. అన్న ప్రకటన చేసి… ఏడాది గడిచిపోయింది. మళ్లీ ప్రత్యేకహోదా అనే మాటే తీసుకు రాలేదు. ముందుగా.. నాగబాబు.. తమ్ములుంగారి రాజకీయ ప్రయోజకత్వం గురించే మాట్లాడాలి…! ఆయనను.. సరైన పోరాట దారిలో పెట్టాలి. కేంద్రంపై.. యుద్ధానికి సిద్దం చేయాలి. మరిగిపోయిన తమ్ముడి రక్తాన్ని.. ఫలితం ఇచ్చే పోరాటం దిశగా మళ్లించే ప్రయత్నం చేయాలి.

ఏపీకి అన్యాయం జరిగినప్పుడు మెగా కుటుంబానికి ఎంతగా మరిగిపోయిందేమిటి..?

ఏపీలో అధికార, ప్రతిపక్షాల మీద.. వెకిలి వెటకారాలు, వెగటు సెటైర్లు వేస్తున్నారు కానీ… తమరి బాధ్యత ఎంత నెరవేర్చారు. మామూలుగా సినిమా నటులైతే.. స్పందించకపోయినా ఎవరూ పెద్దగా అడగరు. కానీ..మెగా ఫ్యామిలీ.. రాజకీయాల్లోకి వచ్చింది. ప్రజారాజ్యం పార్టీ పెట్టింది. ఉమ్మడి ఆంధ్రప్రదేశ్ లో 70 లక్షల మంది ఆ పార్టీకి ఓట్లేశారు. తర్వాత కాంగ్రెస్‌కు అమ్మేసుకున్నారని చాలా మంది విమర్శలు గుప్పించారు. చిరంజీవి కేంద్రమంత్రి కూడా అయ్యారు. ఇంకా ఎక్కువగా సమైక్యాంధ్ర నినాదం ఎత్తుకున్నారు కూడా. ఇంతగా ప్రజల మద్దతుతో రాజకీయం చేసి.. పదవులు అనుభవించి.. విభజన సమయం సైలెంట్‌గా ఉండి… కనీసం ఏపీ ప్రయోజనాల కోసం.. ఎందుకు ప్రయత్నించలేదు. అంతా అయిపోయిన తర్వాత అయినా ప్రత్యేకహోదా కోసం ఉద్యమాలు చేస్తూంటే.. ఒక్క మాటంటే.. ఒక్క మాట కూడా చిరంజీవి మాట్లాడనప్పుడు… “నా ఇష్టం” అనే మాటలు ఎందుకు బయటకు రాలేదు. ఏపీ మొత్తం హోదా కోసం బందులు చేస్తున్నప్పుడు.. విశాఖలో సినిమా ఫంక్షన్ పెట్టుకుని… ఆడియో వేడుకలో ఆస్కార్ల డబ్బా కొట్టుకోవడమేనా మన స్వరాష్ట్ర భక్తి.

తెలంగాణ ఓటర్‌గా అక్కడి సమస్యలపై మాట్లాడటానికి భయమా..?

జగన్ రాష్ట్రాన్ని బిర్యానీలా తింటాడు… చంద్రబాబు… ప్రత్యేకహోదా కోసం పోరాటం చేయలేదు.. ఆయనకు మంట పెడుతున్నారు కాబట్టి మరిగిపోతున్నారు.. లాంటి కామెంట్లు నా ఇష్టం అంటూ చేసుకుపోవచ్చు కానీ.. ఈ రెండు పార్టీల మీదనే ఎందుకు..?. తమ్ముడు పార్టీ జనసేన గొప్పగా కనిపిస్తోందా..?. జనసేనకు మేలు చేయడానికి.. ఇలా… వర్గ పోరాటాలను పెంచడానికి.. ఇలా ప్రయత్నాలు చేస్తున్నారా..?. తెలంగాణలో ఉంటూ.. పండగలకు, పబ్బాలకు కూడా.. ఆంధ్రప్రదేశ్‌కు రాని.. మెగా బ్రదర్.. ఏపీ రాజకీయాలపై ఎందుకు అంత ఎక్కువగా రియాక్ట్ అవుతున్నారు…? తెలంగాణలో ఓటు హక్కు ఉంది. అక్కడే ఓటు హక్కు వినియోగించుకుంటున్నారు. ముందుగా.. ప్రశ్నించాల్సింది.. అక్కడ రాజకీయాన్నే. తెలంగాణ ఓటర్‌గా.. అక్కడి సమస్యలపై ఒక్క సారైనా గళమెత్తారా..? కనీసం ఓ ట్వీట్ చేశారా..? ఓ వీడియో పెట్టారా..?. పెట్టే ధైర్యం లేదా..? పెడితే.. అక్కడ ఉండనీయరని భయమా..?. రెండు నెలలుగా.. తెలంగాణలో మంత్రివర్గం లేకుండా పాలన సాగుతోంది. దమ్ముంటే.. దానిపై ఓ వీడియో పెట్టగలరా..?

నాగబాబు గారు.. మీకు ఇప్పుడే ఎందుకు కాలుతుందో మాకు తెలియదా..?

ప్రజారాజ్యం పార్టీ విషయంలో తెర వెనుక ఏం జరిగిందో కానీ… పార్ట్ -2 ఇప్పుడు బయటకు వచ్చింది. ఈ పార్టీకి మార్కెటింగ్ చేసుకోవడానికే మీ ప్రయత్నం. అందుకే.. జగన్‌… అవినీతి కనిపిస్తుంది. చంద్రబాబు మాటల్లో రాజకీయం కనిపిస్తుంది. ఆయన మాటలు వింటే మీకు కాలిపోతుంది. మీకు కావాల్సింది.. ప్రజారాజ్యం పార్ట్ -2కి ఆదరణ. అది రావాలంటే.. ఇతర పార్టీలపై నిందలేయాలి. ఎందుకంటే… ప్రజారాజ్యం అనుభవాల్ని ప్రజలు అంత తేలిగ్గా మర్చిపోలేరు.. అవి మర్చిపోలేరు కాబట్టి… ఆదరణ దక్కదు. దీనికి రివర్స్ యాంగిల్‌లో.. ప్రయత్నిస్తేనే.. లాభం. అందుకే.. మీకు కాలిపోతుంది. జగన్, చంద్రబాబు ఏం చేసినా మీకు కాలిపోతుంది..! ఎన్నికలయ్యే వరకూ.. మాడిపోయినా సరే మీకు కాలిపోతూనే ఉంటుంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

రివ్యూ: నిశ్శ‌బ్దం

తెలుగు360 రేటింగ్ 2/5 పొడుపు క‌థ వేయ‌డంలో కాదు. దాన్ని విప్ప‌డంలో అంత‌కంటే ఎక్కువ మ‌జా ఉంటుంది. థ్రిల్ల‌ర్ సినిమాలూ అంతే. అందులో చిక్కుముడులు కాదు. దాన్ని విప్పే విధానం ముఖ్యం. థ్రిల్ల‌ర్...

రివ్యూ: ఒరేయ్‌.. బుజ్జిగా

తెలుగు360 రేటింగ్ 2.25/5 క‌న్‌ఫ్యూజ్ డ్రామాలు భ‌లే బాగుంటాయి. దాంట్లోంచి బోలెడంత కామెడీ చేయొచ్చు. క‌థేమీ లేక‌పోయినా - ఆ గంద‌ర‌గోళంతోనే క‌థ న‌డిపేయొచ్చు. విజ‌య్ కుమార్ కొండా తీసిన `గుండె జారి...

తీరు మారకుంటే ఇతర అధికారాన్ని వినియోగిస్తాం..! ఏపీ సర్కార్‌కు హైకోర్టు హెచ్చరిక..!

హైకోర్టుపై అనుచిత వ్యాఖ్యలు చేసిన వారిపై ఎలాంటి చర్యలు తీసుకోకపోవడంపై హైకోర్టు ప్రభుత్వంపై తీవ్ర ఆగ్రహం వ్యక్తం చేసింది.ఈ అంశంపై జరిగిన విచారణలో రూల్‌ ఆఫ్‌ లా సరిగ్గా అమలు కాకుంటే...

హిమాన్షుకు గాయం..! అంతగా చర్చించుకున్నారేంటి..?

కేటీఆర్ కుమారుడు హిమాన్షు గుర్రపుస్వారీ చేస్తూండగా కిందపడి గాయాలయ్యాయి. ఆయనను హుటాహుటిన కార్పొరేట్ ఆస్పత్రికి తరలించారు. కాలుకు ఓ మాదిరి గాయం అయిందని ఇతర చోట్ల స్వల్ప గాయాలయ్యాయని ప్రచారం జరిగింది. అయితే...

HOT NEWS

[X] Close
[X] Close