బోయ‌పాటి స్కూలు మార్చ‌డా?

బోయ‌పాటిది మాస్ యాక్ష‌న్ స్కూలు. భ‌ద్ర నుంచి, విన‌య విధేయ రామా వ‌ర‌కూ ఈ జోన‌ర్‌లోనే సినిమాలు తీశాడు. తీస్తున్నాడు. అందులోనూ హిట్లూ, ఫ్లాపులు చూశాడు. ఇప్పుడు బాల‌కృష్ణ‌తో మ‌రోసారి సినిమా చేస్తున్నాడు. ఇటీవ‌లే ఈ సినిమా క్లాప్ కొట్టుకుంది. ఇది కూడా బోయ‌పాటి స్టైల్ ఆఫ్ సినిమానే.

ప్ర‌తి ద‌ర్శ‌కుడికీ ఓ స్టైల్ ఉంటుంది. దాన్ని మార్చ‌లేం. అదే వాళ్ల బ‌లం. అయితే అదే వాళ్ల బ‌ల‌హీన‌త మాత్రం కాకూడ‌దు. బోయ‌పాటి బ‌ల‌మే ఇప్పుడు బ‌ల‌హీన‌త‌గా మారుతోంది. మాస్‌, యాక్ష‌న్, ఊక‌దంపుడు సినిమాలు చూసే రోజులు కావివి. క‌థ‌లో, క‌థ‌నంలో ఏదో ఓ కొత్త‌ద‌నం కోరుకుంటున్నారు. హీరోలు – డైలాగులు దంచుతుంటే చ‌ప్ప‌ట్లు కొట్టే త‌రం కాదిది. అందులోనూ కంటెంటే వెదుకుతున్నారు. అలాంట‌ప్పుడు `నువ్వు మాట్లాడితే శ‌బ్దం.. నేను మాట్లాడితే శాస‌నం` లాంటి డైలాగులు ఏం ఎక్కుతాయి..? కొత్త సినిమాలో బాల‌య్య ప‌లికిన తొలి డైలాగ్ ఇది. దానిపైనే క్లాప్ కొట్టారు. ఈ డైలాగ్ ని బ‌ట్టే బోయ‌పాటి ఈసారి ఏం చూపించబోతున్నాడో అర్థం అయిపోయ‌తుంది. బోయ‌పాటి త‌న స్కూల్ ఏమీ మార‌లేద‌ని తెలిసిపోతోంది.

బోయ‌పాటి ద‌గ్గ‌ర ర‌త్నం, వివేక్ అనే ఇద్ద‌రు ర‌చ‌యిత‌లున్నారు. వాళ్లే మాట‌లు అందిస్తారు. స్క్రీన్‌ప్లే బాధ్య‌త ముగ్గురూ క‌లిసి పంచుకుంటారు. ఎప్పుడూ ఒకే టీమ్‌తో ప‌నిచేయ‌డం ద‌ర్శ‌కుడికి క‌లిసొచ్చే అంశం. కాక‌పోతే అక్క‌డే మొనాలిటీ వ‌చ్చేస్తుంది. బోయ‌పాటి ఎలా ఆలోచిస్తాడో, ఆ టీమ్ కూడా అలానే ఆలోచిస్తుంది. దాంతో కొత్త‌ద‌నం మిస్ అవుతుంది. ప్ర‌స్తుతం అగ్ర ద‌ర్శ‌కులుగా చ‌లామ‌ణీ అవుతున్న‌వాళ్లంతా టీమ్‌ని త‌ర‌చూ మార్చుకుంటూ వెళ్తుంటారు. అంతెందుకు… కొర‌టాల శివ కూడా చిరంజీవి సినిమా కోసం ఇప్పుడు త‌న టీమ్‌ని మార్చాడు. రాజ‌మౌళి కూడా త‌న టీమ్‌లోకి బుర్రా సాయిమాధ‌వ్‌ని చేర్చుకున్నాడు. బోయ‌పాటి మాత్రం ఆ స్కూల్ నుంచి బ‌య‌ట‌కు రావ‌డం లేదు. ఒకే జోన‌ర్‌, ఓకే టీమ్‌. అందుకే ఎప్పుడూ అవే క‌థ‌లు, అవే స‌న్నివేశాలు పుట్టుకొస్తున్నాయి. విన‌య విధేయ రామా లాంటి డిజాస్ట‌ర్ త‌ర‌వాత బోయ‌పాటి నుంచి వ‌స్తున్న సినిమా ఇది. క‌నీసం ఈ సినిమా విష‌యంలోనైనా బోయ‌పాటి కాస్త మారాల్సింది. లేదంటే రేపు రాబోయే ఫ‌లితాలూ మార‌వు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

గ్యాప్ రాలేదు.. తీసుకున్నా: అనుష్క

బాహుబ‌లి త‌ర‌వాత‌.. అనుష్క మ‌రీ న‌ల్ల‌పూస అయిపోయింది. `భాగ‌మ‌తి` త‌ప్ప మ‌రే సినిమా ఒప్పుకోలేదు. నిశ్శ‌బ్దం.. సినిమాకి దాదాపుగా రెండేళ్లు కేటాయించాల్సివ‌చ్చింది. అనుష్క‌కి సినిమా అవ‌కాశాలు లేవా? వ‌చ్చినా చేయ‌డం లేదా?...

సోనూసూద్‌కి ఐరాస పుర‌స్కారం

నటుడు సోనూసూద్ కు అరుదైన పురస్కారం ప్ర‌క‌టించింది ఐక్య‌రాజ్య స‌మితి. ఐరాస అనుబంధ సంస్థ‌ యునైటెడ్‌ నేషన్స్ డెవలప్‌మెంట్‌ ప్రోగ్రామ్‌ (యుఎన్‌డిపి) స్పెషల్‌ హ్యుమానిటేరియన్‌ యాక్షన్ అవార్డుని ఈ యేట...

గ్రేటర్ ఎన్నికలు ఎప్పుడో చెప్పేసిన కేటీఆర్..!

గ్రేటర్ హైదరాబాద్ ఎన్నికలు నవంబర్‌లో నిర్వహించాలన్న ఆలోచన టీఆర్ఎస్ సర్కార్ చేస్తున్నట్లుగా కనిపిస్తోంది.ఈ విషయంలో మంత్రి కేటీఆర్ స్పష్టమైన సంకేతాలను పార్టీ నేతలు ఇచ్చేశారు. జీహెచ్ఎంసీ కార్పొరేటర్లు, ఆ పరిధిలోని ఎమ్మెల్యేలతో...

బ్లడ్ క్యాంప్‌ కోసం పిలుపిస్తే నారా రోహితే లీడరనేస్తున్నారు..!

తెలంగాణ తెలుగుదేశం నేతలు ఎవరైనా నాయకుడు కనిపిస్తాడా అని చకోరా పక్షుల్లా ఎదురు చూస్తున్నారు. వారి ఎదురు చూపులు ఎలా ఉన్నాయంటే.. చివరికి పార్టీ ఆఫీసులో తలసేమియా బాధితుల కోసం ఓ...

HOT NEWS

[X] Close
[X] Close