త్రివిక్ర‌మ్‌కి రీమేకులు వ‌ర్క‌వుట్ అవుతాయా?

స్వ‌త‌హాగా ర‌చ‌యిత‌లైన ద‌ర్శ‌కులు రీమేక్‌ల‌ను అంత‌గా ప్రోత్స‌హించ‌రు. కార‌ణం.. వాళ్ల ద‌గ్గ‌రే బోలెడ‌న్ని క‌థ‌లుంటాయి. త్రివిక్ర‌మ్ ఇప్ప‌టి వ‌ర‌కూ రీమేక్ జోలికి వెళ్ల‌లేదు. హాలీవుడ్ క‌థ‌ల్ని, న‌వ‌ల‌ల్ని, పాత సినిమాల్నీ స్ఫూర్తిగా తీసుకుని కొత్త క‌థ‌లు అల్లుకుని త‌న‌దైన ట‌చ్ ఇచ్చాడు గానీ, రీమేకులు చేయ‌లేదు. కాక‌పోతే అలాంటి ప్ర‌య‌త్నాలు సాగాయి. అల్లు అర్జున్ తో ‘అల వైకుంఠ‌పురంలో’ సినిమా చ‌ర్చ‌ల్లో ఉన్న‌ప్పుడ ఓ బాలీవుడ్ సినిమాని త్రివిక్ర‌మ్ రీమేక్ చేస్తార‌ని వార్త‌లొచ్చాయి. వాటిని ఆ త‌ర‌వాత త్రివిక్ర‌మ్ ఖండించారు కూడా. చెప్పిన‌ట్టే ఆయ‌న రీమేక్ జోలికి వెళ్ల‌లేదు. మ‌రో పాత క‌థ‌ని (ఇంటిగుట్టు)ని తీసుకుని కొత్త‌గా క‌థ చెప్పారు. ఆప్ర‌య‌త్నం జ‌నాల‌కు బాగా న‌చ్చ‌డంతో – ఆ సినిమాని బ్లాక్ బ్ల‌స్ట‌ర్ చేశారు.

ఇప్పుడు త్రివిక్ర‌మ్ పై మ‌రో గాసిప్ చ‌క్క‌ర్లు కొడుతోంది. వెంక‌టేష్ – నానిల‌తో త్రివిక్ర‌మ్ సినిమా చేస్తాడ‌ని ఓ వార్త బాగా షికారు చేస్తోంది. అది ఓ రీమేక్ అని టాలీవుడ్‌లో గుస‌గుస‌లు వినిపిస్తున్నాయి. ‘అల వైకుంఠ‌పుర‌ములో’ స‌మ‌యంలో త్రివిక్ర‌మ్ రీమేక్ చేస్తాడ‌న్న `సోను కి టీటీ కి స్వీటీ` సినిమాని ఇప్పుడు త్రివిక్ర‌మ్ తెలుగులో చేయ‌బోతున్నాడ‌ని ఓ టాక్‌. మ‌రోవైపు మ‌ల‌యాళ చిత్రం ‘అయ్య‌ప్ప‌యుమ్ కోషియ‌మ్‌’ చిత్రాన్ని తెలుగులో రీమేక్ చేస్తార‌ని గ‌త కొంత‌కాలంగా టాక్ వినిపిస్తోంది. త్రివిక్ర‌మ్‌కి అత్యంత సన్నిహిత‌మైన సితార ఎంట‌ర్‌టైన్‌మెంట్స్ సంస్థ ఈ చిత్ర రీమేక్ హ‌క్కుల్ని సాధించ‌డంతో.. ఆ సినిమాని త్రివిక్ర‌మ్ రీమేక్ చేస్తాడ‌న్న ఊహాగానాలు మొద‌ల‌య్యాయి. అయితే త్రివిక్ర‌మ్ రీమేక్ ల‌పై పెద్ద‌గా ఆస‌క్తి చూపించ‌డం లేద‌ని తెలుస్తోంది. త‌న ద‌గ్గ‌రే బోలెడ‌న్ని క‌థ‌లున్నాయ‌ని, ఒక వేళ రీమేక్ చేయాల‌నుకున్నా… కేవ‌లం ఆ పాయింట్ మాత్ర‌మే తీసుకునే ఛాన్సుంది. ”త్రివిక్ర‌మ్ రీమేక్ చేసే అవ‌కాశాలు చాలా త‌క్కువ‌. ఎందుకంటే ఆయ‌న ద‌గ్గ‌రే చాలా క‌థ‌లున్నాయి. ఒక వేళ వెంకీ – నాని సినిమా ఓకే అయినా అది రీమేక్ కాకపోవొచ్చు” అని త్రివిక్ర‌మ్ స‌న్నిహితులు చెబుతున్నారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఔను.. అలా మాట్లాడింది నేనే : ఈశ్వరయ్య

హైకోర్టు న్యాయమూర్తులు, సుప్రీంకోర్టు న్యాయమూర్తులపై సస్పెండైన న్యాయమూర్తి రామకృష్ణతో ఆరోపణలు చేయించడానికి మాజీ హైకోర్టు న్యాయమూర్తి ఈశ్వరయ్య కుట్ర చేసినట్లుగా ఆరోపణలకు బలమైన ఆధారాలు లభిస్తున్నాయి. రామకృష్ణ హైకోర్టుకు సమర్పించిన ఆడియో టేప్......

ఫ్లాష్ బాక్‌: ఎన్టీఆర్ కృష్ణ‌ల ‘కురుక్షేత్ర‌’ యుద్ధం

ఒకేరోజు.. రెండు సినిమాలు, అందునా స్టార్ సినిమాలు విడుద‌ల కావ‌డం కొత్తేం కాదు. కానీ.. రెండూ ఇంచుమించుగా ఒకే క‌థ‌తో విడుద‌లైతే, రెండూ ఒకే జోన‌ర్ అయితే.. ఎలా ఉంటుంది? ఆ...

రానా పెళ్లిలో… ప్ర‌భాస్ ‘బావ‌’ మిస్సింగ్‌

శ‌నివారం రాత్రి రానా -మిహిక‌లు అగ్ని సాక్షిగా ఒక్క‌ట‌య్యారు. లాక్ డౌన్, క‌రోనా గొడ‌వ‌లు లేక‌పోతే, ఈ పెళ్లి ధూంధామ్‌గా జ‌రిగేది. కానీ లాక్ డౌన్ ప‌రిమితుల వ‌ల్ల కేవ‌లం 50మంది అతిథుల‌కే...

అగ్నిప్రమాద మృతుల కుటుంబాలకు రూ. 50 లక్షలు : జగన్

విజయవాడ స్వర్ణ ప్యాలెస్‌ అగ్నిప్రమాదంలో చనిపోయిన వారి సంఖ్య పదకొండుకు చేరింది. అందరూ... కోవిడ్ రోగులే. మరికొంత మంది పరిస్థితి విషమంగా ఉంది. దాదాపుగా యాభై మంది కోవిడ్ రోగులు ఆస్పత్రిలో ఉండగా.....

HOT NEWS

[X] Close
[X] Close