చైతన్య : మాతృభాషలో చదువు అక్కర్లేదన్న ఒకే ఒక్కడు..! ప్రపంచంలోనే..!

ప్రపంచదేశాలను ఇప్పటికి ఎందరో పాలించారు. దేశాల్లోని రాష్ట్రాలను పాలించారు. వారిలో నియంతలున్నారు. ప్రజాస్వామ్య ప్రేమికులున్నారు. విప్లవాల నుంచి పుట్టుకొచ్చిన ఏకస్వామ్య పాలకులున్నారు. ఎవరూ కూడా.. తమ మాతృభాషలో చదువు వద్దని చెప్పలేదు. చెప్పిన దాఖలాలు లేవు. కనీసం అలాంటి ఆలోచన కూడా.. ఎవరూ చేసి ఉండరు. కానీ మొదటి సారిగా.. ఆ రికార్డును… ఏపీ ముఖ్యమంత్రి జగన్మోహన్ రెడ్డి సాధించారు. ఆయన ప్రపంచంలోనే మొదటి స్థానాన్ని సాధించారు. మాతృభాష వద్దు.. ఇంగ్లిష్ ముద్దు అని.. తేల్చిన మొదటి రాజకీయ నాయకుడయ్యారు.

మాతృభాషలో చదువు వేస్ట్ అన్న తొలి పాలకుడు..!

దేశంలోనే కాదు.. ప్రపంచంలోనే తొలి సారిగా.. ఓ ప్రాంతీయ భాషపై.. ఆ భాషను రక్షించాల్సిన వాళ్లే.. కత్తి కట్టారు. తెలుగు మీడియం అవసరం లేదని తేల్చేశారు. దానికి పేదలకు ఇంగ్లిష్ చదువులొద్దా.. అనే సెంటిమెంట్ జోడిస్తున్నారు. పేదలకు ఇంగ్లిష్ చదువులు చెప్పించాలంటే…తెలుగును చంపాలని ప్రభుత్వ పెద్దకు ఎవరు సలహా ఇచ్చారో కానీ.. ఆయన ఆవేశ పడిపోతున్నారు. పేదలను తాను ఉద్దరిస్తూంటే. ఇతరులు అడ్డుకుంటున్నారంటున్నారు. భారత్‌లో… ప్రాంతీయభాషలు సంస్కృతి , సంప్రదాయాలకు ప్రతీకలు. ఎక్కడికి వెళ్లిన తెలుగు సంప్రదాయం, తమిళ సంస్కృతి అంటూ చెబుతూంటారు అంటేనే.. భాషలో ఇమిడి ఉన్న ప్రత్యేకమైన గుర్తింపును అర్థం చేసుకోవచ్చు. అందుకే.. రాజకీయాలకు అతీతంగా.. ఆయా రాష్ట్రాలు.. భాషను.. కన్నతల్లితో సమానంగా చూస్తూంటాయి. ఇంగ్లిష్ మోజులో తమ ఉనికి..కొట్టుకుపోకుండా.. ఎన్నో జాగ్రత్తలు తీసుకుంటున్నాయి. అవేమీ..ఆయా రాష్ట్రాల యువత ఎదుగుదలకు అడ్డంకులు కావడం లేదు.

తెలుగు సంస్కృతి, సంప్రదాయాల్నీ ట్రాష్..!

భారత దేశానికి ఉన్న ప్రత్యేకత.. భిన్నత్వంలో ఏకత్వం. అందులో భాష కూడా ఒకటి. భాషా ప్రయుక్త రాష్ట్రాలను ఏర్పాటు చేసేటతంటి భాషా వైవిధ్యం భారత్‌లో ఉంది. కానీ ఈ భాష ఎప్పుడూ.. ఏ విషయంలోనూ అడ్డంకి కాలేదు. దేశంలో..ఉత్తరాది మొత్తం దాదాపుగా హిందీ మీడియం ఉంటుంది. దక్షిణాదిలో… తెలుగు, తమిళం, మలయాళం, కన్నడ భాషలు ఉంటాయి. అయినా దక్షిణాదినే .. ఉత్తరాది కన్నా వేగంగా అభివృద్ధి సాధిస్తోంది. తయారీ, సేవా రంగాల్లో.. భారత్ అంటే దక్షిణాదినే. స్థానిక భాషల్లో చదువుకుని.. ఇంగ్లిష్ పై పట్టు సాధించేవారు ఇక్కడే ఎక్కువ ఉంటారు. అందుకే మానవ వనరుల్లోనూ.. దక్షిణాదినే అగ్రస్థానంలో ఉంది. స్వాతంత్య్రం వచ్చినప్పటి నుంచి పరిశీలన చేస్తే… ప్రాంతీయ భాషలు.. ప్రజల .. ఆర్థిక స్థితిగతుల ఎదుగుదలకు ఎలాంటి అడ్డంకి సులువుగానే అర్థం చేసుకోవచ్చు.

ఇంగ్లిష్ చదువుకున్నవారందరికీ మంచి భవిష్యత్ గ్యారంటీ ఉందా..?

పేదవారికి ఇంగ్లిష్ చదువు చెప్పించాలనుకోవడం అందరూ స్వాగతిస్తున్నారు. ఆ పేరుతో తెలుగును ఎందుకు చంపేస్తున్నారన్నదేచాలా మందికి అర్థం కావడం లేదు. తెలుగు మీడియంలో చదివితే.. ఇంగ్లిష్ భాష రాదన్నట్లుగా.. ఇంగ్లిష్ మీడియంలోనే చదివితేనే ఉద్యోగాలొస్తాయన్నట్లుగా సీఎం.. సభల్లో చెబుతున్నారు. కానీ ఇంగ్లిష్ మీడియంలో చదివి నిరుద్యోగులుగా ఉన్న వారు ఇప్పటికే ఊరుకి పది మంది చొప్పున ఉంటారు. వారందరూ ఎందుకు నిరుద్యోగులుగా ఉన్నారో.. ప్రభుత్వమే విశ్లేషణ చేసి చెప్పాల్సి ఉంది. కానీ అవన్నీ ఆలోచించే పరిస్థితి లేదు. ప్రజలు కూడా.. మాతృభాషకు జరుగుతున్న అన్యాయాన్ని గుర్తించలేకపోతున్నారు. ఎలా చూసినా.. జగన్మోహన్ రెడ్డి.. మాతృభాషకు పాడె కట్టేస్తున్న తొలి పాలకుడిగా… చరిత్రలో నిలిచిపోతారు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

రియా కాల్ లిస్ట్‌లో రకుల్, రానా ..!

సుశాంత్ సింగ్ రాజ్ పుత్ ఆత్మహత్య కేసులో ప్రధాన నిందితురాలిగా ఉన్న రియా చక్రవర్తి కాల్ లిస్ట్‌లో టాలీవుడ్ ప్రముఖులు కూడా ఉన్నారు. బాలీవుడ్ స్టార్లు కూడా ఉన్నారు. కాల్ లిస్ట్‌ను బయటకు...

నన్ను సస్పెండ్ చేయండి ప్లీజ్: జనసేన ఎమ్మెల్యే రాపాక

జనసేన ఎమ్మెల్యే రాపాక వరప్రసాద్ " నేను మొదటి నుండి వైఎస్ఆర్సిపి మనిషినే" అని నిన్న చేసిన వ్యాఖ్యలు సంచలనం సృష్టించిన సంగతి తెలిసిందే. ఎన్నికల ముందే తాను వైఎస్ఆర్సిపి టికెట్ కోసం...

ఏపీ పోలీసుల పనితీరు రాష్ట్రపతి భవన్‌ వరకూ వెళ్లింది..!

ఆంధ్రప్రదేశ్ పోలీసులకు బ్యాడ్ టైం కొనసాగుతోంది. వరుసగా సీబీఐ విచారణలకు తోడు... రాజకీయ కారణాలతో ప్రాథమిక హక్కులను హరిస్తున్నారన్న ఫిర్యాదులు రాష్ట్రభవన్ వరకూ వెళ్లాయి. తూర్పుగోదావరి జిల్లా సీతానగరం పోలీస్ స్టేషన్‌లో ప్రసాద్...

క‌రోనాని జ‌యించిన జ‌క్క‌న్న కుటుంబం

ప్ర‌ముఖ ద‌ర్శ‌కుడు ఎస్‌.ఎస్.రాజ‌మౌళి, అత‌ని కుటుంబ స‌భ్యుల‌కు క‌రోనా సోకిన విష‌యం తెలిసిందే. రెండు వారాల నుంచి రాజ‌మౌళి, కుటుంబ స‌భ్యులు హోం క్వారెంటైన్‌లోనే ఉంటున్నారు. డాక్ట‌ర్ల ప‌ర్య‌వేక్ష‌ణ‌లో చికిత్స తీసుకుంటున్నారు. ఈరోజు...

HOT NEWS

[X] Close
[X] Close