ఇన్నాళ్ల‌కు ఆంధ్రాకు నివాసం మారుస్తున్న జ‌గ‌న్‌..!

రాష్ట్ర విభ‌జ‌న జ‌రిగి ఇన్నాళ్లైనా ఇంకా హైద‌రాబాద్ కేంద్రంగానే రాజ‌కీయాలు చేస్తున్నారు ఏపీ ప్ర‌తిప‌క్ష నేత జ‌గ‌న్మోహ‌న్ రెడ్డి. గ‌త ఎన్నిక‌ల త‌రువాత‌… వెంట‌నే ఉభ‌య గోదావ‌రి జిల్లాల్లో నివాసం ఏర్పాటు చేసేసుకుంటారు అన్నారు! ఆ త‌రువాత‌… ఆంధ్రాకు మ‌కాం మార్చే ఆలోచ‌నే చెయ్య‌లేదు. రాష్ట్ర విభ‌జ‌న త‌రువాత పార్టీల కార్యాల‌యాల‌న్నీ ఒక్కోటిగా ఆంధ్రాకి చేరుకున్నా… అంద‌రికంటే ఆల‌స్యంగా ఏపీలో పార్టీ ఆఫీస్ పెట్టారు. ముఖ్య‌మంత్రి చంద్ర‌బాబు నాయుడు త‌న అధికారిక నివాసాన్ని ఆంధ్రాకి మార్చేసుకున్నా… ప్ర‌తిప‌క్ష నేత మాత్రం లోట‌స్ పాండ్ నుంచే రాజ‌కీయాలు చేస్తూ వ‌చ్చారు. ఏపీకి రెండోసారి అసెంబ్లీ ఎన్నిక‌లు ద‌గ్గ‌ర‌ప‌డుతున్నా… పార్టీల్లో చేరిక‌ల‌కు ఇంకా హైద‌రాబాద్ ఆఫీసే కేంద్రంగా వ్య‌వ‌హ‌రిస్తోంది.

నిజానికి, తాడేప‌ల్లిలో జ‌గ‌న్ నివాసం, కార్యాల‌య భ‌వ‌న నిర్మాణం ఈ మ‌ధ్య‌నే పూర్త‌యింది. పాదయాత్ర పూర్త‌యిన వెంట‌నే ఆంధ్రాకి నివాసం మార్చేస్తారు అనుకున్నారు. ఫిబ్ర‌వ‌రి 14న గృహ ప్ర‌వేశానికి ముహూర్తం పెట్టుకున్నారు. అయితే, సోద‌రి షర్మిల‌, బావ అనిల్ కుమార్ ల‌కు జ్వ‌రంగా ఉంద‌నీ, అందుకే గృహ ప్ర‌వేశం వాయిదా వేసుకుంటున్న‌ట్టు చెప్పారు. స‌రిగ్గా అదే రోజున తెలంగాణ ముఖ్య‌మంత్రి కేసీఆర్ కూడా విశాఖ ప‌ర్య‌ట‌న పెట్టుకున్నారు. ఆ ప‌ర్య‌ట‌న‌లోనే జ‌గ‌న్ తో భేటీ అవుతార‌ని కూడా క‌థ‌నాలొచ్చాయి. అయితే, కేటీఆర్, జ‌గ‌న్ ల భేటీ జ‌రిగిన త‌రువాత‌… వైకాపాకి ఇది రాజ‌కీయంగా క‌లిసివ‌చ్చే అంశం కాద‌నే విశ్లేష‌ణ‌లు చాలా వ‌చ్చాయి. దీంతో, తెర వెన‌క మ‌ద్ద‌తుకు తెరాస ప‌రిమిత‌మౌతున్న ప‌రిస్థితి క‌నిపిస్తోంది. కార‌ణ‌మేదైనా గృహప్ర‌వేశ కార్య‌క్ర‌మం ఈనెల 27కి వాయిదా ప‌డింది. అంటే, ఎన్నిక‌ల‌కు కొన్ని నెల‌లు ముందుగా మాత్ర‌మే ఏపీకి నివాసం మారుస్తున్నారు జ‌గ‌న్‌.

నివాసం మార్చ‌క‌పోవ‌డం వ‌ల్ల రాజ‌కీయంగా జ‌రిగిన న‌ష్ట‌మేముంద‌ని కొంత‌మంది అభిప్రాయ‌ప‌డొచ్చు. కానీ, ప్ర‌స్తుత ప‌రిస్థితుల్లో… తెరాసతో జ‌త‌క‌ట్ట‌డం, తెరాస ప్రోద్బ‌లంతోనే టీడీపీ నేత‌ల్ని పార్టీలోకి ఆహ్వానిస్తున్నారంటూ విమ‌ర్శ‌లు ఎదుర్కోవ‌డం, వైకాపా కీల‌క రాజ‌కీయ ప‌రిణామాలు కూడా హైద‌రాబాద్ కేంద్రంగా జ‌ర‌గ‌డంతో… స్థానిక కార్య‌క‌ర్త‌ల‌కు ఆశించిన స్థాయిలో ఊపు ల‌భించ‌లేద‌న్న‌ది వాస్త‌వం. త‌మ పార్టీ అధినాయ‌క‌త్వం సొంత రాష్ట్రంలో ఉంద‌న‌డానికీ, ప‌క్క‌రాష్ట్రంలో ఉంద‌న‌డానికీ ఉన్న తేడా కార్య‌క‌ర్త‌ల కార్య‌ద‌క్ష‌త‌లో తేడాకి కార‌ణ‌మౌతుంది. ఎన్నిక‌లు ద‌గ్గ‌ర‌ప‌డుతున్న ఈ స‌మ‌యంలో నివాసం మార్చుకోవ‌డం ద్వారా… ఎన్నిక‌ల అవ‌స‌రానికి మాత్ర‌మే అధినాయ‌క‌త్వం ప్రాధాన్య‌త ఇస్తోంద‌నే సంకేతాలు కార్య‌క‌ర్త‌ల్లోకి వెళ్ల‌క‌మాన‌వు.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

అన్‌లాక్ 5.0 : ధియేటర్లు, మల్టిప్లెక్స్‌లకు గ్రీన్ సిగ్నల్..!

ఎట్టకేలకు..దాదాపుగా ఆరు నెలల గ్యాప్ తర్వాత సినిమా ధియేటర్లు, మల్టిప్లెక్స్‌లు ఓపెన్ చేసుకోవడానికి కేంద్రం అనుమతి ఇచ్చింది. అన్‌లాక్‌ 5.0లో భాగంగా..అక్టోబర్ పదిహేనో తేదీ నుంచి ధియేటర్లు, మల్టిప్లెక్స్‌లు ప్రారంభించుకోవచ్చు. కోవిడ్ నిబంధనలు...

మద్యం అక్రమ రవాణాలో దుర్గగుడి పాలకమండలి సభ్యురాలు..!

ఆంధ్రప్రదేశ్‌లో అక్రమ మద్యం రవాణాను రాజకీయ పార్టీల నేతలు సైడ్ బిజినెస్‌గా చేసుకున్నారు. గతంలో మచిలీపట్నం పార్లమెంట్‌కు పోటీ చేసిన బీజేపీ నేత రెడ్ హ్యాండెడ్‌గా పట్టుబడగా ఈ సారి వైసీపీ నేత...

రైతుల మోటార్లకు మీటర్లు బిగిస్తే చేతులు మిగలవు : సీపీఐ నారాయణ

కమ్యూనిస్టు పార్టీ నేతలు ఆంధ్రప్రదేశ్‌లో బలపడటానికి అగ్రెసివ్ మార్గాన్ని ఎంచుకుకున్నారు. ప్రభుత్వం తీసుకున్న వ్యవసాయ బోర్లకు విద్యుత్ మీటర్ల బిగింపు నిర్ణయంపై దూకుడుగా వెళ్లి రైతాంగంలో మద్దతు పెంచుకుని ఓటు బ్యాంక్‌ను ప్రభావవంతంగా...

ప‌వ‌న్ సినిమా… మిర‌ప‌కాయ్ – 2?

హ‌రీష్ శంక‌ర్ ని ద‌ర్శ‌కుడిగా నిల‌బెట్టిన సినిమా `మిర‌ప‌కాయ్`. నిజానికి ఈ సినిమాని ప‌వ‌న్ క‌ల్యాణ్ తో తీయాల‌నుకున్నాడు హ‌రీష్‌. కానీ కుద‌ర్లేదు. అది గుర్తుపెట్టుకునే హ‌రీష్ శంక‌ర్‌ని పిలిచి `గ‌బ్బ‌ర్ సింగ్‌`...

HOT NEWS

[X] Close
[X] Close