రఘురామకృష్ణంరాజుపై ఎమ్మెల్యేల కేసులు..!

రఘురామకృష్ణంరాజు తమను పందులతో పోల్చారంటూ.. వైసీపీ ఎమ్మెల్యేలు వరుసగా పోలీసులకు ఫిర్యాదులు చేస్తున్నారు. ముందుగా మంత్రి శ్రీరంగనాథరాజు .. తన పీఏతో.. పోడూరు అనే మండల పోలీస్‌స్టేషన్‌లో ఫిర్యాదు చేయించారు. ఎంపీ అసభ్యంగా మాట్లాడారని చర్యలు తీసుకోవాలని కోరారు. అయితే.. పోలీసులు మాత్రం… కోర్టులో తేల్చుకోవాలని చెప్పి పంపారని ప్రచారం జరిగింది. తాజాగా.. బీమవరం ఎమ్మెల్యే గ్రంథి శ్రీనివాస్ ఇలా.. పోలీస్ స్టేషన్‌లో ఫిర్యాదు చేసిన ఎమ్మెల్యేల జాబితాలో చేరారు. రఘురామకృష్ణంరాజు వైసీపీలో వర్గ విబేధాలు రెచ్చగొట్టేలా.. శాంతిభద్రతలకు విఘాతం కలిగించేలా వ్యవహరించారంటూ… ఫిర్యాదు చేశారు. ఎంపీపై చర్యలు తీసుకోవాలని కోరారు. ఇలా వరుస పెట్టి పోలీస్ స్టేషన్‌లకు.. వైసీపీ ఎమ్మెల్యేలు ఫిర్యాదులు పంపుతూండటంతో.. ఇదంతా ఓ ప్లాన్ ప్రకారమే జరుగుతోందని… రాజకీయవర్గాలు అంచనా వేస్తున్నాయి.

రఘురామకృ‌ష్ణంరాజుపై వైసీపీ ఎమ్మెల్యేలు మొదట్లో తీవ్రంగా విరుచుకుపడ్డారు. వైసీపీ మార్క్ భాషతో పాటు.. దిష్టిబొమ్మలు దహనం చేయించారు. ఈ విషయంలో రఘురామకృష్ణంరాజు అదే పనిగా పోలీసులకు ఫిర్యాదులు చేసినా పట్టించుకోలేదు. ఆ కారణంగానే ఆయన… తనకు కేంద్ర భద్రత కావాలంటూ… స్పీకర్‌కు లేఖ రాశారు. దానిపై నిర్ణయం ఇంకా తీసుకోవాల్సి ఉంది. ఈ తరుణలో రఘురామకృష్ణంరాజుపై రివర్స్ కేసుల అస్త్రాన్ని వైసీపీ ప్రయోగిస్తోంది. పోలీసులు కేసులు నమోదు చేస్తారా లేదా.. అన్నది ఇప్పుడు చర్చనీయాంశంగా మారింది.

వైసీపీ నేతలు వాడే భాషతో పోలిస్తే.. రఘురామకృష్ణంరాజు భాష చాలా బెటర్ అని చెప్పుకోవచ్చు. రాజకీయాల్లో ఇలాంటి భాషను కూడా వాడవచ్చా.. అని ఆశ్చర్యపోయేలా.. బూతులతో విరుచుకుపడటం వైసీపీ నేతల స్టైల్. అలాంటిది.. తమను అసభ్యంగా తిట్టారంటూ… ఎంపీపైన కేసులు నమోదు చేయాలని అదే పనిగా ఫిర్యాదులు చేయడం… అందర్నీ ఆశ్చర్య పరిచేదే. దీనిపై రఘురామకృష్ణంరాజు ఎలా స్పందిస్తారో కానీ… నర్సాపురం వైసీపీ రాజకీయ పంచాయతీ మాత్రం.. రోజు రోజుకు ఆసక్తికరంగా మారుతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

ఏపీ రాజధానిపై కేంద్రం తేల్చేసింది..!

ఆంధ్రప్రదేశ్ రాజధాని అంశంలో కేంద్రానికి సంబంధం లేదని.. అది పూర్తిగా రాష్ట్ర ప్రభుత్వ పరిధిలోని అంశమని... కేంద్ర ప్రభుత్వం హైకోర్టులో అఫిడవిట్ దాఖలు చేసింది. రాజధాని అంశం కేంద్ర పరిధిలోనిదా.. రాష్ట్ర పరిధిలోనిదా...

రఘురామకృష్ణరాజుకు వై కేటగిరీ సెక్యూరిటీ..!

నర్సాపురం ఎంపీ రఘురామకృష్ణరాజుకు కేంద్ర బలగాలు రక్షణ కల్పించే అవకాశాలు కనిపిస్తున్నాయి. తనకు వై కేటగిరి సెక్యూరిటీ కల్పించినట్లుగా సమాచారం అందిందని.. అధికారిక ఆదేశాలు ఒకటి రెండు రోజుల్లో వస్తాయని రఘురామకృష్ణరాజు మీడియాకు...

దళిత నేతలతోనే న్యాయస్థానాలపై వివాదాస్పద వ్యాఖ్యలు..! వైసీపీ స్ట్రాటజీ ఏంటి..?

వైసీపీ రాజకీయ వ్యూహం.. న్యాయవ్యవస్థపై సామాజిక పద్దతుల్లో అమలు చేస్తున్నారన్న విమర్శలు జోరుగా వినిపిస్తున్నాయి. ప్రధానంగా.. రాజ్యాంగ పదవుల్లో ఉన్న వారిని... దళితుల్ని అడ్డు పెట్టుకుని.. న్యాయవ్యవస్థపై విమర్శలు చేసి.. ఒత్తిడి పెంచే...

రామాలయ భూమిపూజ లైవ్ ఇవ్వని ఎస్వీబీసీ..! బీజేపీ విమర్శలు..!

అయోధ్యలో రామ మందిర నిర్మాణం ప్రపంచవ్యాప్తంగా ఉన్న హిందువులందరూ చూసేలా.. ఏర్పాట్లు చేశారు. చివరికి న్యూయార్క్ టైమ్స్ స్క్వేర్‌లోనూ... ప్రసారం చేశారు. అయితే.. అనూహ్యంగా... తిరుమల తిరుపతి దేవస్థానానికి చెందిన శ్రీవేంకటేశ్వర భక్తి...

HOT NEWS

[X] Close
[X] Close