మురుగ‌దాస్ – మహేష్ బాబు కాంబినేష‌న్‌లో ఓ సినిమా రూపొందుతోంది. చ‌ర్చ‌ల ద‌శ‌లో ఉండ‌గానే ఈ సినిమా అంద‌రి దృష్టినీ ఆక‌ర్షించింది. రోజు రోజుకీ ఈ సినిమాపై ఆశలు, అంచ‌నాలూ పెరుగుతూ వ‌స్తున్నాయి. తాజాగా ఈ సినిమా గురించిన ఓ ఆస‌క్తిక‌ర‌మైన విషయం బ‌య‌ట‌కు వ‌చ్చింది. ఈ సినిమా కోసం ఓ యాక్ష‌న్ స‌న్నివేశాన్ని తెర‌కెక్కించ‌బోతున్నార్ట. ఆ ఫైట్ విలువ అక్ష‌రాలా రూ. 3 కోట్లు అని తెలుస్తోంది. ఈ యాక్ష‌న్ సీన్‌లో కార్ ఛేజింగులు, బోట్ డ్రైవింగులూ.. కల‌గ‌లిపి హాలీవుడ్ స్థాయిలో స్టంట్ కంపోజ్ చేయ‌నున్నార‌ని తెలుస్తోంది. అయితే ఈ యాక్ష‌న్ సీక్వెన్స్ విశ్రాంతికి ముందొస్తుందా, లేదంటే క్లైమాక్స్ కోస‌మా?? అనేది తెలియాల్సివుంది.
సాధార‌ణంగా మురుగ‌దాస్ యాక్ష‌న్ సీన్స్ అన్నీ.. స‌హ‌జంగా, సింపుల్‌గా ఉంటాయి. అయితే… తొలిసారి త‌న కెరీర్‌లో యాక్ష‌న్ సీక్వెన్స్ కోసం భారీ స్థాయిలో ఖ‌ర్చు పెట్ట‌బోతున్నాడు. ఈ ఒక్క ఫైట్ కోస‌మే 12 రోజులు కాల్షీట్లు కేటాయించాల్సివ‌చ్చింద‌ట. ఈ ఫైట్‌ని హాలీవుడ్ కొరియో గ్రాఫ‌ర్ల ఆధ్వ‌ర్యంలో తెర‌కెక్కించ‌నున్నార‌ని స‌మాచారం. ఈ సినిమా బ‌డ్జెట్ రూ.100 కోట్లుగా తేలింది. అందులో రూ.3 కోట్లు ఓ ఫైట్‌కి ఖ‌ర్చు పెట్డడం పెద్ద విశేషమేమీ కాక‌పోయినా.. అది మురుగ‌దాస్ సినిమా కాబ‌ట్టి.. ఆస‌క్తి పెరుగుతోంది. ఈ ఫైట్ ఎలా ఉంటుందో తెలియాలంటే ఈ సినిమా వ‌చ్చే వ‌ర‌కూ ఆగాల్సిందే.
