వైఎస్సార్ కాంగ్రెస్ పార్టీ అధ్యక్షుడు జగన్మోహన్ రెడ్డి పుట్టిన రోజు నేడు. యెదుగూరి సందింటి జగన్మోహన్ రెడ్డి. ఆయన పూర్తి పేరు ఆయన డిశంబర్ 21, 1972సం.లో కడప జిల్లా పులివెందులలో జన్మించారు. ఆయన తండ్రి రాజశేఖర్ రెడ్డి మరణించే వరకు ఆయన కాంగ్రెస్ పార్టీలోనే ఉన్నారు. కాంగ్రెస్ పార్టీ తరపున ఎంపీగా ఎన్నికయ్యారు. కానీ ముఖ్యమంత్రి పదవి ఆశించి భంగపడటంతో పార్టీని విడిచిపెట్టి మార్చి 12, 2011 సం.లో వైఎస్సార్ కాంగ్రెస్ పార్టీ పెట్టుకొన్నారు. ఆ తరువాత అక్రమాస్తుల కేసులో అరెస్టయ్యి 16 నెలలు జైలులో గడిపారు. 2014 సార్వత్రిక ఎన్నికలలో భారీ మెజార్టీతో విజయం సాధించి అధికారంలోకి వస్తానని ఆత్మవిశ్వాసం ప్రదర్శించినప్పటికీ తెదేపా చేతిలో ఆయన పార్టీ ఓడిపోయింది. అప్పటి నుంచి వివిధ ప్రజా సమస్యల కోసం ప్రభుత్వంతో అలుపెరుగని పోరాటం కొనసాగిస్తూనే ఉన్నారు. ఆయనకు జన్మదిన శుభాకాంక్షలు.ఈరోజు ముఖ్యమంత్రి చంద్రబాబు నాయుడు, అనేకమంది తెదేపా మంత్రులు, ఎమ్మెల్యేలు శాసనసభలో జగన్ సీటు వద్దకు వెళ్లి జన్మదిన శుభాకాంక్షలు తెలియజేసారు.అందుకు ఆయన వారందకీ కృతజ్ఞతలు తెలుపుకొన్నారు.
ఇవ్వాళ్ళ జగన్ పుట్టిన రోజు
