బాపు బొమ్మ‌గా పేరు తెచ్చ‌కున్న దివ్య‌వాణి గుర్తొంది క‌దా? పెళ్లి పుస్త‌కం లాంటి సినిమాతో తెలుగు వారి మ‌న‌సుల్ని గెలుచుకుంది. ఆ త‌ర‌వాత కొన్ని సినిమాల్లో క‌థానాయిక‌గా రాణించింది. బాపుగారి ‘సుంద‌ర కాండ’లో ఓ కీల‌క‌మైన పాత్ర‌లో క‌నిపించింది. ఆ దివ్య‌వాణి మ‌ళ్లీ కెమెరా ముందుకు రావాల‌ని త‌హ త‌హ‌లాడుతోంది. ఈమ‌ధ్య పాత‌తరం న‌టీన‌టుల్ని తెలుగు చిత్ర‌సీమ గుర్తిస్తోంది. వాళ్ల‌కు త‌గిన పాత్ర‌లు ఇచ్చి గౌర‌విస్తోంది. న‌దియా లాంటి చాలామంది క‌థానాయిక‌ల‌కు మ‌ళ్లీ మంచి పాత్ర‌లు ద‌క్కుతున్నాయి. ఆ న‌మ్మ‌కంతోనే దివ్య‌వాణి హైద‌రాబాద్ వ‌చ్చేసింది.
”తెలుగు, త‌మిళంలో క‌ల‌సి దాదాపు 50 చిత్రాల్లో న‌టించాను. `పవిత్ర బంధం` అనే ఓ ధార‌వాహిక‌లో అవ‌కాశం వ‌చ్చింది. ఇప్పుడు సినిమాల్లోనూ న‌టించాల‌ని అనుకుంటున్నా. తెలుగు ప‌రిశ్ర‌మ‌కు అందుబాటులో ఉండాల‌నే… చెన్నై నుంచి హైద‌రాబాద్ వ‌చ్చేశాం” అంటోంది దివ్య వాణి. మ‌రి ఈమెకు ఎన్ని అవ‌కాశాలు వ‌స్తాయో చూడాలి.
