ప‌వ‌న్ క‌ల్యాణ్ కోసం క్రిష్ ఓ క‌థ‌ని సిద్ధం చేస్తున్న సంగతి తెలిసింది. ఏఎం రత్నం ఈ చిత్రానికి నిర్మాత. ప్ర‌స్తుతానికి స్క్రిప్టు ప‌నులు పూర్త‌య్యాయి. ర‌చ‌యిత బుర్రా సాయిమాధ‌వ్ కూడా డైలాగ్ వెర్ష‌న్‌ని రాసిచ్చేశార‌ని తెలుస్తోంది. ఇక ప‌వ‌న్ క‌ల్యాణ్ నిర్ణ‌యం కోస‌మే ఎదురు చూస్తున్నారు. ఇటీవ‌ల ప‌వ‌న్ – క్రిష్ మ‌ధ్య భేటీ జ‌రిగింది. డైలాగుల‌తో స‌హా, ప‌వ‌న్‌కి కథ వినిపించేశాడు క్రిష్. ప‌వ‌న్‌కి ఈ కథ బాగా న‌చ్చేసింది కూడా. కాక‌పోతే సినిమా ఎప్పుడ‌న్న‌ది మాత్రం ప‌వ‌న్ తేల్చ‌డం లేదు. అటు `పింక్` కథ కూడా రెడీగానే ఉంది. ప‌వ‌న్ `ఓకే` అన‌డ‌మే ఆల‌స్యం. స‌మ‌స్యేంటంటే.. పింక్, క్రిష్ సినిమా ఒకేసారి ప‌ట్టాలెక్కే ఛాన్సు లేదు. `పింక్`లో ప‌వ‌న్ గెడ్డంతో క‌నిపిస్తాడు. క్రిష్‌సినిమాకి ఆ గెట‌ప్ అవ‌స‌రం లేదు. సో.. పింక్ అయ్యాకే క్రిష్‌సినిమా మొద‌ల‌వుతుంది. అయితే పింక్ ఎప్పుడు మొద‌ల‌వుతుందో, ఎప్పుడు పూర్త‌వుతుందో చెప్ప‌లేని ప‌రిస్థితి. దాంతో క్రిష్ మ‌రిన్ని రోజులు ఎదురుచూడాల్సిన ప‌రిస్థితి వ‌చ్చింది. పింక్ త‌ర‌వాత చూద్దాంలే అనుకుంటే మాత్రం… వ‌చ్చే నెల‌లోనే క్రిష్‌సినిమా మొద‌లైపోవ‌డం ఖాయం.
