వైసీపీలో వణుకు పుట్టించిన బొత్స ..!

బీజేపీతో ఎలాంటి గొడవలు లేవని.. కావాలంటే.. ఎన్డీఏలో చేరుతామంటూ… సీనియర్ మంత్రి బొత్స సత్యనారాయణ చేసిన ప్రకటన.. వైసీపీలో కలకలం రేపుతోంది. బొత్స సత్యనారాయణ.. తన సొంతానికి అలాంటి కీలకమైన ప్రకటనలు చేయరు. కచ్చితంగా పై నుంచి సూచనలు వచ్చి ఉంటాయని నమ్ముతున్నారు. దీంతో ఒక్క సారిగా వైసీపీలో కలకలం రేగింది. మొదటగా ఆ సెగ.. వైసీపీలోని ముస్లిం నేతలను తాకింది. కడప ఎమ్మెల్యే డిప్యూటీ సీఎం ఆంజాద్ భాషా నోటి వెంట రాజీనామా మాట వచ్చింది. సీఏఏ, ఎన్నార్సీ విషయంలో… రాష్ట్ర వ్యాప్తంగా ముస్లింలు నిరనసలు వ్యక్తం చేస్తున్నారు. బీజేపీ తీరుపై తీవ్ర ఆగ్రహం వ్యక్తం చేస్తున్నారు. ఇలాంటి నిరసనల్లో వైసీపీ నేతలకు వ్యతిరేక సెగ ఎదురవుతోంది.

ఆంజాద్ భాషా.. కొన్నాళ్లుగా.. సీఏఏకు వ్యతిరేకంగా ఘాటు ప్రకటనలు చేస్తున్నారు. ముస్లింలకు అన్యాయం జరిగితే రాజీనామా చేస్తానని ప్రకటిస్తున్నారు. దాంతో ఆయనకు కాస్త సానుకూలత కనిపిస్తోంది. ఈ రోజు .. ముస్లింలు నిర్వహించిన ర్యాలీలో పాల్గొన్న ఆంజాద్ భాషా… మరోసారి రాజీనామా ప్రకటన చేశారు. బీజేపీతో పొత్తు పెట్టుకోవాల్సిన అవసరం కానీ.. ఎన్డీఏలో చేరాల్సిన అవసరం కానీ తమకు లేదని.. ప్రకటించారు. బొత్స సత్యనారాయణ అలా ఎందుకు చెప్పాడో తెలియడం లేదన్నారు. మరో మంత్రి నారాయణ స్వామి కూడా అదే రీతిలో స్పందించారు.

అయితే.. ముస్లిం ఓటర్లు ఎక్కువగా ఉన్న నియోజకవర్గాల్లో నేతలు.. ఇలాంటి స్పందనను బయటకు వ్యక్తం చేస్తున్నారు. ఓటు బ్యాంక్ కోసం అది ముఖ్యం. కానీ చాలా మంది నేతలు బయటకు చెప్పుకోలేకపోతున్నారు. బీజేపీతో అంతర్గతంగా అవగాహన ఉంటే మంచిదే కానీ.. ఇలా నేరుగా పొత్తు పెట్టుకోవడం వల్ల ముస్లిం ఓటు బ్యాంక్ దూరమవుతుందని ఆందోళన చెందుతున్నారు. ఎన్డీఏలో చేరే విషయంపై.. వైసీపీలో చర్చ పెరిగే కొద్దీ.. ఈ ఆందోళనలు మరింత పెరిగే అవకాశం కనిపిస్తోంది. దీన్ని హైకమాండ్ ఎలా సద్దుమణిగేలా చేస్తుందో చూడాలి..!

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

రేవంత్‌కు ఢిల్లీ పోలీసుల నోటీసులు – తెలంగాణపై దాడే !

ఓ సోషల్ మీడియా పోస్టు షేర్ చేసినందుకు ఢిల్లీ నుంచి వచ్చి పోలీసులు నోటీసులు ఇవ్వడాన్ని సీఎం రేవంత్ రెడ్డి.. తెలంగాణపై దాడిగా పేర్కొన్నారు. బీజేపీ విధానాలను ప్రశ్నించినందుకు తెలంగాణ ముఖ్యమంత్రికి,...

దేవగౌడ మనవడి రాసలీలలు – బీజేపీకి తలనొప్పి !

కర్ణాటకలో రాజకీయ నేతల రాసలీలల ఎపిసోడ్ లేకుండా ఎన్నికలు జరగవు. గతంలో అసెంబ్లీలోనే ఎమ్మెల్యేలు బ్లూ ఫిల్మ్‌ చూస్తూ దొరికిపోయారు. తర్వాత మంత్రిగా ఉండి రమేష్ జార్కిహోళి అనే నేత చేసిన...

ల్యాండ్ టైటిలింగ్ యాక్ట్‌పై ఏపీ వ్యాప్తంగా విస్తృత చర్చ

వైఎస్ జగన్ సర్కార్ ఇంప్లిమెంట్ చేసిన ల్యాండ్ టైటిలింగ్ యాక్ట్ పై ఏపీ వ్యాప్తంగా విస్తృత చర్చ జరుగుతోంది. ఏ గ్రామంలో చూసినా దీనిపైనే చర్చ. పట్టణ ప్రాంతాల్లో రాజకీయ అవగాహన ఉన్న...

కొన్ని చోట్ల స్వతంత్రులకు గాజు గ్లాస్ గుర్తు – ఈసీ ఆదేశాలపై గందరగోళం !

ఆంధ్రప్రదేశ్ ఎన్నికల్లో ఎన్నికల సంఘం నిర్దిష్టమైన ఆదేశాలపై రిటర్నింగ్ అధికారులకే స్పష్టత లేకపోవడంతో ఎక్కడికక్కడ గందరగోళం ఏర్పడుతోంది. నామినేషన్ల ఉపసంహరణ గడువు ముగియడంతో స్వతంత్రులకు రిటర్నింగ్ అధికారులు గుర్తులు కేటాయింటారు. ఫ్రీ సింబల్స్...

HOT NEWS

css.php
[X] Close
[X] Close