అమరావతిని కొనసాగిస్తే పదవుల్ని ఇచ్చేస్తాం..! జగన్‌గు చంద్రబాబు ఆఫర్..!

అమరావతిని ఏకైక రాజధాని కొనసాగిస్తూ… ప్రభుత్వం నిర్ణయం తీసుకుంటే… తెలుగుదేశం పార్టీ ఎమ్మెల్యేలు, ఎమ్మెల్సీలు తమ పదవులను వదిలేస్తామని ప్రతిపక్ష నేత చంద్రబాబునాయుడు.. ముఖ్యమంత్రి జగన్‌కు బంపర్ ఆఫర్ ఇచ్చారు. ఎన్నికలకు ముందు అమరావతే రాజధానిగా ఉంటుందని ప్రజలను నమ్మించి ఇప్పుడు మూడు రాజధానులు ఏర్పాటు చేస్తున్నందున ప్రజాభిప్రాయం కోరేందుకు అసెంబ్లీని రద్దు చేయాని.. డిమాండ్ చేస్తూ..ఆయన 48 గంటల డెడ్ లైన్ ఇచ్చారు. ఆ డెడ్‌లైన్‌పై వైసీపీ నేతలెవరూ స్పందించలేదు. దీంతో మరోసారి మీడియా ముందుకు వచ్చిన చంద్రబాబు గతంలో… వైసీపీ నేతలు మాట్లాడిన వీడియోలను ప్రదర్శించారు.

రాజధానిపై ఎన్నికల ముందు అమరావతినే కొనసాగిస్తామని చెప్పి… ఇప్పుడు ఐదు కోట్ల మందిని మోసం చేసి వెన్నుపోటు పొడిచారని మండిపడ్డారు. ప్రజలకు ద్రోహం చేయడం నీచమన్నారు. ప్రజాభిప్రాయం కోరేందుకు వైసీపీ ఎందుకు భయపడుతోందని ప్రశ్నించారు. ప్రజల్లో చైతన్యం..తిరుగుబాటు రావాలని పిలుపునిచ్చారు. వెన్నెముక లేని నాయకులు ఇష్టానుసారం ప్రవర్తిస్తున్నారని .. అలాంటి వాళ్లకు బుద్ధి చెప్పాలన్నారు. రాజధాని అమరావతికి జగన్‌ ఒప్పుకుంది వాస్తవం కాకపోతే… మీరు చేసింది న్యాయమని విశ్వాసం ఉంటే.. అసెంబ్లీ రద్దు చేసి ఎన్నికలకు వెళ్లాలన్నారు. రాజధాని విషయంలో చాలా నష్టం జరుగుతోందని భూములు ఇచ్చిన రైతులు రోడ్డునపడి బాధపడుతున్నారని ఆవేదన వ్యక్తం చేస్తున్నారు. జగన్‌కు ధైర్యం ఉంటే ఎన్నికలకు వెళ్లాలని .. ఎన్నికలంటే జగన్‌ పారిపోతున్నారని విమర్శించారు.

కేంద్రం జోక్యం చేసుకొని రాజధానిని కాపాడాల్సిన అవసరం ఉందని చంద్రబాబు అంటున్నారు. రాజధాని రైతులకు జరుగుతోన్న అన్యాయంపై.. వైసీపీ నేతలు జగన్‌ను నిలదీయాల్సి ఉందన్నారు. సోషల్‌మీడియా ద్వారా మనోభావాలు చెప్పాలని ప్రజలకు పిలుపునిచ్చారు. రెండు రోజుల తర్వాత మళ్లీ మీడియా ముందుకు వస్తాననని రాజధాని అమరావతిపై ప్రజలకు వాస్తవాలు వివరిస్తానని స్పష్టం చేశారు.

గతంలో అమరావతికి మద్దతుగా వైసీపీ నేతలు మాట్లాడిన వీడియోలను…టీడీపీ నేతలు ఇంతకు ముందు విస్తృతంగా సోషల్ మీడియాలోప్రచారానికి పెట్టారు. చంద్రబాబు కూడా వాటిని ప్రదర్శించారు. చంద్రబాబు సవాల్‌పై… గతంలో అమరావతికి మద్దతుగా తాము మాట్లాడిన మాటలపై..ఒక్క వైసీపీ నేత కూడా స్పందించలేదు. దీంతో వైసీపీ కిక్కురుమనకుండా ఉంటోందన్న చర్చ జరుగుతోంది.

Telugu360 is always open for the best and bright journalists. If you are interested in full-time or freelance, email us at Krishna@telugu360.com.

Most Popular

కొడాలి నాని నామినేషన్ తిరస్కరిస్తారా ?

కొడాలి నాని నామినేషన్ కు ఇంకా అధికారికంగా ఆమోదం లభించలేదు. ప్రభుత్వ భవనాన్ని లీజుకు తీసుకుని.. తీసుకోలేదని అఫిడవిట్ దాఖలు చేయడంతో వివాదాస్పదమయింది. రిటర్నింగ్ అధికారి కొడాలి నాని నియమించుకున్న...

కడప అసెంబ్లీ రివ్యూ : టీడీపీ గెలుపు ఖాయమని ఉద్ధృతంగా మౌత్ టాక్ !

రాష్ట్రం మొత్తం వైసీపీకి ఎదురుగాలి వీస్తోందని అందరూ చెప్పుకుంటున్నారు. వైసీపీ నేతలు కూడా ఒప్పుకుంటున్నారు. కానీ కడప జిల్లాలో మాత్రం వైసీపీదే అధిపత్యం అన్న నమ్మకంతో ఉన్నారు. జిల్లా మొత్తం పక్కన...

ఇక ఏపీలో ఆస్తి కొంటే జిరాక్సులే !

ఆంధ్రప్రేదశ్ ప్రభుత్వం ఆస్తుల రిజిస్ట్రేషన్లలో కొత్త పద్దతి ప్రవేశ పెట్టింది. ఇక నుంచి ఎవరికీ అక్కడ అసలైన పత్రాలివ్వరు. జిరాక్సులు మాత్రమే ఇస్తారు. వాటితోనే లావాదేవీలు నిర్వహించుకోవాలి. ఈ డేటా ,...

కరెంట్‌తో కితకితలు పెట్టుకుంటున్న బీఆర్ఎస్

బీఆర్ఎస్ పార్టీలో పై నుంచి కింది స్థాయి వరకూ ఎవరూ నేల మీదకు దిగడం లేదు. బీఆర్ఎస్ అధికారం కోల్పోయిన ఐదు నెలల్లోనే ఏదో జరిగిపోయిందని ప్రజల్ని నమ్మించేందుకు ప్రయత్నిస్తున్నారు. తామున్నప్పుడు...

HOT NEWS

css.php
[X] Close
[X] Close