`ఉప్పెన`తో తొలి ప్ర‌య‌త్నంలోనే ఓ సూప‌ర్ హిట్ కొట్టాడు బుచ్చిబాబు సానా. ఇప్పుడు టాలీవుడ్ లో నిర్మాత‌లు, హీరోల దృష్టి బుచ్చిపై ప‌డింది. అయితే… బుచ్చి ఆల్రెడీ మైత్రీకే క‌మిట్ అయిన సంగ‌తి తెలిసిందే. `ఉప్పెన` త‌దుప‌రి సినిమా కూడా మైత్రీ కే చేయాలి. త‌న రెండో సినిమాగా బుచ్చి ఓ స్పోర్ట్స్ డ్రామా రాసుకున్నాడు. అది ఎన్టీఆర్ కి యాప్ట్ అవుతుంద‌న్న‌ది త‌న న‌మ్మ‌కం. అయితే ఎన్టీఆర్ ఇప్పుడు అందుబాటులో లేడు. `ఆర్‌.ఆర్‌.ఆర్‌` త‌ర‌వాత… త్రివిక్రమ్ సినిమా ఉంది. ఆ త‌ర‌వాత… `కేజీఎఫ్‌` ద‌ర్శ‌కుడు ప్ర‌శాంత్ నీల్ తోనూ ఓ సినిమా చేస్తాడు. ఎన్టీఆర్ ఖాళీ అవ్వాలంటే క‌నీసం రెండేళ్ల‌కు పైగానే ఎదురు చూడాలి.
అందుకే.. ఆ స్పోర్ట్స్ డ్రామాని ప‌క్క‌న పెట్టాడ‌ట బుచ్చి. ఇప్పుడు త‌న ద‌గ్గ‌ర మ‌రో క‌థ సిద్ధం అవుతోంది. హీరోని తీసుకొచ్చే బాధ్య‌త మైత్రీ మూవీస్ దే. వాళ్లు నాగ‌చైత‌న్య – బుచ్చిబాబు కాంబినేష‌న్ సెట్ చేద్దామ‌ని భావిస్తున్నారు. బుచ్చి రాసిన క‌థ, చైతూకి న‌చ్చితే – ఈ కాంబో సెట్ అయిపోయిన‌ట్టే. కాక‌పోతే… చైతూకి కూడా కొన్ని క‌మిట్‌మెంట్స్ ఉన్నాయి. వాటి మధ్య‌న బుచ్చికి చోటు దొరుకుతుందా? లేదా? అనేది చూడాలి. ప్ర‌స్తుతానికైతే ఈ ప్రాజెక్టు పైప్ లైన్ లో ఉన్న‌ట్టే. బుచ్చి క‌థ చైతూకి విప‌రీతంగా టైమ్ట్ చేస్తే… త‌న చేతిలో ఉన్న ప్రాజెక్టులు ముందుకు జ‌రిపి, ఆ స్థానంలో బుచ్చి సినిమా ప‌ట్టాలెక్కేంచే ఛాన్స్ అయితే లేక‌పోలేదు.
