టాలీవుడ్ ని క‌రోనా కుదిపేస్తోంది. స్టార్ హీరోలు సైతం క‌రోనా బారీన ప‌డుతున్నారు. ఇటీవ‌ల ఎన్టీఆర్ కి క‌రోనా సోకిన సంగ‌తి తెలిసిందే. ఎన్టీఆర్ కి క‌రోనా అని తెలియ‌గానే ఆయ‌న అభిమానులు కంగారు ప‌డిపోయారు. ఎన్టీఆర్ పుట్టిన రోజు సైతం మ‌న‌స్ఫూర్తిగా చేసుకోలేక‌పోయారు. ఇప్పుడు త‌న అభిమానుల చెవిన ఓ శుభ‌వార్త వేశారు ఎన్టీఆర్. తాను క‌రోనా నుంచి కోలుకున్నాన‌ని, తాజా ప‌రీక్ష‌లో నెగిటీవ్ వ‌చ్చింద‌ని. ట్వీట్ చేశారు. త‌న ఆరోగ్యం బాగుండాల‌నిప్రార్థ‌న‌లు చేసిన ప్ర‌తి ఒక్క‌రికీ ఆయ‌న కృత‌జ్ఞ‌త‌లు తెలిపారు.ఈ సంద‌ర్భంగా త‌న‌కు ట్రీట్మెంట్ చేసిన కిమ్స్ వైద్యుల‌కు ఆయ‌న కృత‌జ్ఞ‌త‌లు తెలిపారు. క‌రోనా మ‌హ‌మ్మారి ప‌ట్ల జాగ్ర‌త్త‌గా ఉండాల‌ని, పాజిటీవ్ దృక్ప‌థంతో ఉంటే.. క‌రోనాని ఎదుర్కోవ‌చ్చ‌ని వ్యాఖ్యానించారు ఎన్టీఆర్.
గుడ్ న్యూస్ చెప్పిన ఎన్టీఆర్
