తెలుగు ఛ‌త్ర‌ప‌తి.. ఇప్పుడు బాలీవుడ్ కి వెళ్తున్న సంగ‌తి తెలిసిందే. బెల్లంకొండ శ్రీ‌నివాస్ హీరో. వినాయ‌క్ ద‌ర్శ‌కుడు. ఇటీవ‌లే షూటింగ్ ప్రారంభ‌మైంది. ఇందులో క‌థానాయిక ఎవ‌ర‌న్న‌ది ఇంకా తేల‌లేదు. అయితే సోష‌ల్ మీడియాలో మాత్రం రెజీనా పేరు గ‌ట్టిగా వినిపిస్తోంది. రెజీనా క‌థానాయిక‌గా ఖ‌రారైంద‌ని వార్త‌లు చ‌క్క‌ర్లు కొడుతున్నాయి. దీనిపై చిత్ర‌బృందం గ‌ట్టిగానే క్లారిటీ ఇచ్చింది. ఈ సినిమాలో హీరోయిన్ ఇంకా ఫిక్స్ అవ్వ‌లేద‌ని, రెజీనాని ఎంచుకున్నామ‌న్న వార్త‌ల‌లో నిజం లేద‌ని తేల్చేసింది. ఇందులో హీరోయిన్ గా బాలీవుడ్ భామ‌ని ఎంచుకోవాల‌న్న‌ది చిత్ర‌బృందం ఆలోచ‌న. అందుకోసం గ‌ట్టిగా ప్ర‌య‌త్నాలు కూడా చేస్తున్నారు. క‌చ్చితంగా ఈ సినిమాలో ఓ స్టార్ హీరోయిన్ ఉంటుంద‌ని చెబుతోంది చిత్ర యూనిట్. హీరోయిన్ గా ఎవ‌రు ఎంచుకున్నా 35 రోజుల ఏక‌ధాటి కాల్షీట్లు కావాల‌ట. అలా ఎవ‌రిస్తే.. వాళ్ల‌ని తీసుకోవాల‌ని భావిస్తున్నారు. బెల్లంకొండ సాయి శ్రీ‌నివాస్ సినిమాల్లో స్టార్ హీరోయిన్లే క‌నిపిస్తుంటారు. ఈసారి కూడా స్టార్ క‌థానాయికే ఉంటుంద‌ని, కాస్త ఆల‌స్య‌మైనా పేరున్న అమ్మాయినే తీసుకుంటామ‌ని టీమ్ క్లారిటీ ఇస్తోంది.
ఛ‌త్ర‌ప‌తిపై మ‌రో ఫేక్ న్యూస్‌
