నిన్ను కోరి, మ‌జిలీ లాంటి డీసెంట్స్ హిట్ ఇచ్చిన ద‌ర్శ‌కుడు శివ నిర్వాణ. ఇప్పుడు నానితో టక్ జ‌గ‌దీష్ సినిమా చేశాడు. వ‌రుస‌గా రెండు హిట్లు కొట్ట‌డంతో ఈ సినిమాపై భారీ అంచ‌నాలు ఏర్ప‌డ్డాయి. అందుకే.. విజయ్ దేవ‌ర‌కొండ కూడా శివ‌తో ఓసినిమా చేయ‌డానికి ఉత్సాహం చూపించాడు. వీరిద్ద‌రి మ‌ధ్యా క‌థా చ‌ర్చ‌లు కూడా జ‌రిగాయి. అయితే విజయ్ ఈ సినిమా చేయాలా వ‌ద్దా?? అనే డైలామాలో ప‌డిన‌ట్టు ముందు నుంచీ వార్త‌లొస్తూనే ఉన్నాయి. పాన్ ఇండియా మోజులో ఉన్న విజయ్… శివ చెప్పిన ల‌వ్ స్టోరీకి క‌నెక్ట్ కాలేక‌పోయాడ‌ని ఇన్‌సైడ్ టాక్‌.
కానీ ఈమ‌ధ్య ఓ ఇంట‌ర్వ్యూలో మాత్రం `విజయ్ దేవ‌ర‌కొండ‌తో సినిమా చేస్తున్నా. నా త‌దుప‌రి చిత్రం అదే` అంటూ క్లారిటీ ఇచ్చాడు శివ నిర్వాణ. నిజానికి టక్ జ‌గ‌దీష్ రిపోర్ట్ బాగా వ‌చ్చి ఉంటే… విజయ్ – శివ ల సినిమాపై ఎవ‌రికీ ఎలాంటి డౌటూ ఉండేది కాదు. కానీ.. టక్ జ‌గ‌దీష్ కి డిజాస్ట‌ర్ రిపోర్ట్ వ‌చ్చింది. ఓటీటీ – బ్ర‌హ్మోత్సవం అంటూ ట్రోల్ చేస్తున్నారు నెటిజ‌న్లు. ఇది ఓటీటీలో విడుద‌లైంది కాబ‌ట్టి స‌రిపోయింది… థియేట‌ర్ల‌లో వ‌స్తే ప‌రిస్థితేంటి? అంటూ లెక్క‌లేస్తున్నాయి ట్రేడ్ వ‌ర్గాలు. ఇలాంటి స‌మ‌యంలో… విజయ్ దేవ‌ర‌కొండ శివ నిర్వాణ‌కి అవ‌కాశం ఇవ్వ‌డం కష్టమే. టక్ విడుద‌ల‌కు ముందే ఈ సినిమా చేయాలా వ‌ద్దా అనే డైలామాలో ఉన్న విజయ్ కి `టక్` రిపోర్ట్ తో ఓ క్లారిటీ ఇచ్చేసి ఉంటుంది. ఇక.. శివ మ‌రో హీరోని వెదుక్కోవ‌డం త‌ప్ప‌దేమో.??
