ఆంధ్రప్రదేశ్ ముఖ్యమంత్రి సహాయనిధికి టాలీవుడ్ హీరోలు విరాళాలు ప్రకటిస్తున్నారు. చిరంజీవి, రామ్ చరణ్, ఎన్టీఆర్, మహేష్ బాబు తలా రూ. పాతిక లక్షల విరాళాలు ప్రకటించారు. మిగతా హీరోలు కూడా ప్రకటించే అవకాశం ఉంది. మూవీ ఆర్టిస్ట్స్ అసోసియేషన్ అధ్యక్షుడు మంచు విష్ణు ఇంకా వరదలపై స్పందించలేదు. ఆయన సొంత జిల్లా చిత్తూరు తిరుపతిల్లోనూ వరద బీభత్సం సృష్టించింది.
ఆయన కూడా లీడ్ తీసుకుని ఏదైనా పండ్ రైజింగ్ ప్రోగ్రాం చేస్తారనే అంచనాలు ఉన్నాయి. రాయలసీమ వరదలు వచ్చినప్పటి నుండి సినిమా హీరోలు విరాళాలు ఇవ్వలేదని కొంతమంది వైసీపీ నేతలు విమర్శలు ప్రారభించారు. ఓవైపు టిక్కెట్ రేట్లు ఇతర సమస్యలను ప్రభుత్వం సృష్టించి పెద్ద సినిమాలు విడుదల కాకుండా చేసిందన్న విమర్శలు ఉన్నాయి. ఈ సమయంలో మళ్లీ విరాళాలు అంటూ వెంటబడటంతో టాలీవుడ్ పెద్దల్ని సైతం అయోమయంలో పడేసింది.
అయితే ఏం జరిగిందో కానీ పెద్ద ఎత్తున అందరూ ఒకే సారి విరాళాలు ప్రకటిస్తున్నారు. ఈ లోపు ఏపీ ప్రభఉత్వం టిక్కెట్ రేట్లను సవరించిందని.. ఓ వార్త సోషల్ మీడియాలో సర్క్యూలేట్ అవుతోంది. అయితే రేట్లేమీ సవరించలేదు..అందులో ఉన్నవి గతంలో ఖరారు చేసిన టిక్కెట్ ధరలే.
