పుష్ప ప్రీ రిలీజ్ ఈవెంట్ లో ఫైట్ మాస్టర్స్ రామ్ లక్ష్మణ్ స్పీచ్ అందరినీ ఆకట్టుకుంది. ముఖ్యంగా దర్శకుడు సుకుమార్ గురించి రామ్ లక్ష్మణ్ చెప్పిన మాటలు ఆసక్తికరంగా వున్నాయి. ”సినిమా కోసం, ప్రేక్షకుడికి వినోదం పంచుకోవడం కోసం ఆయుష్షు తగ్గించుకునే దర్శకుడు సుకుమార్. ఒక సినిమా ప్రీ రిలీజ్ ఈవెంట్ లో దర్శకుడు లేకపోవడం ఇదే మొదటిసారి చూశాం. సినిమాని గొప్పగా చూపించడం కోసం ప్రస్తుతం ముంబాయ్ లో వున్నారు సుకుమార్. ఇది చాలు సినిమాపై సుకుమార్ కి వున్న కసిని చెప్పడానికి” అని చెప్పుకొచ్చారు రామ్ లక్ష్మణ్
ఇంకో ఆసక్తికరమైన సంగతి కూడా రివిల్ చేశారు. ” ఆర్య సినిమా షూటింగ్ సమయంలో ఒక సీన్ సరిగ్గా రాకపోతే చిన్నపిల్లాడిలా ఏడ్చాడు సుకుమార్. ఆ రోజు కొత్తవాడు కదా.. అనుకున్నాం. కానీ ఇన్ని సినిమాలు చేసిన తర్వాత కూడా పుష్ప షూటింగ్ లో ఓ సీన్ సరిగ్గా రాకపోతే మళ్ళీ చిన్నపిల్లాడిలా ఏడ్చాడు. సినిమా పట్ల సుకుమార్ కి వున్న తపన చూస్తే ముచ్చట వేస్తుంది” అన్నారు.
ఇక బన్నీ గురించి మాట్లాడుతూ..బున్నీకి వచ్చిన సక్సెస్ క్రెడిట్ మొత్తం దేవుడికి ఇచ్చేయాలి. ఎందుకంటే అంత సక్సెస్ ని మోయడం మనిషి వల్ల కాదు. అందుకే దేవుడి ఖాతాలో వేసేస్తేనే బన్నీకి తేలికగా వుంటుంది” అని తమదైన ఫిలాసఫీని కూడా జోడించారు రామ్ లక్ష్మణ్.
