బూమ్ బూమ్ బీర్ల‌పై న‌టుడి సెటైర్‌

ఏపీలోని మ‌ద్యం బ్రాండ్ల‌పై వ‌చ్చిన‌న్ని జోకులు, మీమ్స్‌, పేర‌డీలూ.. మ‌రే విష‌యంలోనూ రాలేదంటే న‌మ్మండి. న‌చ్చిన పేరుతో బ్రాండులు దింపేసి, ఏపీ ప్ర‌జ‌ల‌తో ఆడుకొంటున్నారు. తాజాగా న‌టుడు శ్రీ‌కాంత్ అయ్య‌ర్ సైతం ఏపీ బ్రాండ్ల‌పై సెటైర్లు వేశాడు. బూమ్ బూమ్ బీరు తాగుతున్న వీడియోని పోస్ట్ చేసి.. `బెజ‌వాడ వ‌చ్చాను.. బీరు తాగాల‌నిపించింది. ఈ బ్రాండు గురించి మా ఇంట్లోవాళ్ల‌కు,స్నేహితుల‌కు చెప్ప‌లేదు. మీకు చెబుతున్నా. తాగాక ఏమ‌వుతుందో చెప్ప‌లేను. నన్ను మ‌ర్చిపోకండి. నా పేరు శ్రీ‌కాంత్ అయ్య‌ర్‌` అంటూ సెటైరిక‌ల్ గా ఓ వీడియో పోస్ట్ చేశారు. ఏపీ మ‌ద్యం బ్రాండ్ల‌పై చాలామంది చాలార‌కాలుగా సెటైర్లు వేశారు. కానీ ఓ న‌టుడు ఇలా వీడియో పోస్ట్ చేయ‌డం మాత్రం ఇదే ప్ర‌ధ‌మం. `మీకు బూమ్ బూమ్ బీర్లే దొరికాయా..` అంటూ.. నెటిజ‌న్లు ఈ న‌టుడికి సానుభూతి తెలియ‌జేస్తున్నారు. తెలంగాణ వెళ్లాక మంచి బ్రాండు తాగండి.. అంటూ సల‌హాలు ఇస్తున్నారు. ఏపీలో మ‌ద్యం మ‌హిమ‌లు అలా ఉన్నాయ్ మ‌రి.