ఇప్పుడు ప్రతి సినిమాకి రెండు సార్లు రివ్యూలు జరుగుతున్నాయి. థియేటర్ రెస్పాన్స్, ఓటీటీ రెస్పాన్స్ రెండూ కూడా కీలకంగా మారాయి. థియేటర్ లో ఆకట్టుకోలేని సినిమాలు ఓటీటీ ఆడియన్స్ ఆదరిస్తారనే ఆశ మేకర్స్ లో వుంటుంది. అయితే చాలా సినిమాలకు అది జరగదు. రవితేజ మాస్ జాతర కూడా అదే జాబితాలోకి వచ్చింది.

థియేటర్లలో మాస్ జాతర డిజాస్టర్ అయ్యింది. ఇప్పుడు నెట్‌ఫ్లిక్స్‌ లో స్ట్రీమింగ్‌కు వచ్చింది. ఇక్కడ కూడా అదే టాక్ వచ్చింది. ఓటిటీలో మరింత గట్టిగా విమర్శలు వినిపిస్తున్నాయి. పాత ఫార్ములా స్టొరీ, కొత్తదనం లేని కథనం, హీరో పాత చింతకాయ పచ్చడి రివెంజ్, అనవసరమైన ఎలివేషన్‌ ని ఓ టీటీటీ ఆడియన్స్ చీల్చిచెండాడుతున్నారు. అలాగే భీమ్స్ మ్యూజిక్ పై కూడా నెగిటివ్ కామెంట్స్ వినిపిస్తున్నాయి. ఏదేమైనా స్వతహాగా రచయిత అయిన డైరెక్టర్ భాను తన తొలిసినిమాకి ఇలాంటి రొటీన్ కథ ఎంచుకోవడం పెద్ద మైనస్.